ທີ່ການຕ້ອນຮັບ, ທ່ານນາຍົກລັດຖະມົນຕີ Hun Sen ສະແດງຄວາມເພິ່ງພໍໃຈ ຕໍ່ບັນດາບາດກ້າວພັດທະນາຢ່າງຕັ້ງໜ້າ, ຮອບດ້ານຂອງການພົວພັນຫວຽດນາມ - ກໍາປູເຈຍ ໃນໄລຍະມໍ່ໆມານີ້ໃນທຸກຂົງເຂດ, ຈາກການເມືອງ, ປ້ອງກັນຊາດ-ປ້ອງກັນຄວາມສະຫງົບ ຕະຫຼອດຮອດການສຶກສາ-ກໍ່ສ້າງ, ວັດທະນະທໍາ.... ພິເສດ ໃນສະພາບການພະຍາດໂຄວິດ-19 ຜັນແປຢ່າງສັບສົນ, ວົງເງິນການຄ້າຍັງເພີ່ມຂຶ້ນ 80% ເມື່ອທຽບໃສ່ກັບປີ 2020 ແລະໄປຕາມທິດດຸ່ນດ່ຽງ...
 |
| ທ່ານນາຍົກລັດຖະມົນຕີ Hun Sen ຕ້ອນຮັບທ່ານລັດຖະມົນຕີ ບຸ່ຍແທງເຊີນ. ພາບ: baoquocte.vn |
ສ່ວນທ່ານລັດຖະມົນຕີ ບຸ່ຍແທງເຊີນ ຢັ້ງຢືນວ່າ ຫວຽດນາມ ສະໜັບສະໜູນ ກໍາປູເຈຍ ໃນຖານະເປັນປະທານອາຊຽນ ປີ 2022, ພ້ອມແລ້ວທີ່ຈະ ພ້ອມກັບກໍາປູເຈຍ ແລະບັນດາປະເທດອາຊຽນ ຊຸກຍູ້ການຜັນຂະຫຍາຍ ບັນດາ ໂຄງການດໍາເນີນງານຂອງອາຊຽນ. ທ່ານ ບຸ່ຍແທງເຊີນ ສະແດງຄວາມຂອບໃຈ ແລະສະເໜີໃຫ້ລັດຖະບານກໍາປູເຈຍ ສືບຕໍ່ເອົາໃຈໃສ່, ສ້າງເງື່ອນໄຂໃຫ້ວົງ ຄະນະຍາດເຊື້ອສາຍຫວຽດນາມອາໄສຢູ່ກໍາປູເຈຍ ແກ້ໄຂຄວາມຫຍຸ້ງຍາກ, ມີການດໍາລົງຊີວິດເປັນປົກກະຕິ, ເຊື່ອມຕົວໄດ້ເປັນຢ່າງດີ ແລະມີການປະກອບ ສ່ວນຕັ້ງໜ້າໃຫ້ແກ່ການພັດທະນາເສດຖະກິດ - ສັງຄົມຂອງກໍາປູເຈຍ ກໍ່ຄືການພົວພັນລະຫວ່າງສອງປະເທດ.
ບູນມີ
