 |
| ຫາງສຽງລັດເຊຍຕີລາຄາຢ່າງຕັ້ງໜ້າ ຕໍ່ການຢ້ຽມຢາມຂອງ ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ. ພາບ: TTXVN |
ຂ່າວສານກ່ຽວກັບການເຄື່ອນໄຫວຕົ້ນຕໍໃນລະຫວ່າງການຢ້ຽມຢາມຂອງ ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ ແມ່ນໄດ້ສະທ້ອນໃຫ້ເຫັນຢູ່ໃນການລາຍງານຂ່າວທີ່ໄດ້ອັບເດດຂອງສໍານັກຂ່າວສານແຫ່ງລັດ TASS, ສໍານັກຂ່າວສານສາກົນ ລັດເຊຍ ປະຈຸບັນ, ສໍານັກຂ່າວ Sputniknews, ຊ່ອງໂທລະພາບ Chanel One, ຊ່ອງໂທລະພາບການເງິນ Vesti ແລະຫຼາຍຊ່ອງ ເວັບໄຊອື່ນໆ.
ຫາງສຽງ ແລະສື່ມວນຊົນລັດເຊຍ ໄດ້ຕີລາຄາສູງການຮ່ວມມືຢ່າງແໜ້ນແຟ້ນລະຫວ່າງຫວຽດນາມ ແລະສະຫະພັນລັດເຊຍໃນຫຼາຍຂົງເຂດທີ່ສໍາຄັນ, ໄດ້ເນັ້ນໜັກເຖິງຄວາມຄ້າຍຄືກັນ ແລະການປະສານສົມທົບຂອງບັນດາອົງການການຕ່າງປະເທດຂອງສອງປະເທດຕໍ່ບັນດາບັນຫາສາກົນ.
ສຳນັກຂ່າວ RIA Novosti ໄດ້ຄັດສະເໜີຄຳປາໄສຂອງ ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ ເຊິ່ງໄດ້ເນັ້ນໜັກວ່າ ຫວຽດນາມຖືລັດເຊຍເປັນຄູ່ຮ່ວມມືຍຸດທະສາດທີ່ສຳຄັນ, ສອງປະເທດຮ່ວມມືກັນຢ່າງແໜ້ນ ແຟ້ນໃນບັນດາຂົງເຂດທີ່ມີຄວາມສຳຄັນພິເສດ.
ໂດຍຄັດສະເໜີຄຳປາໂສຂອງ ທ່ານລັດຖະມົນຕີການຕ່າງປະເທດຫວຽດນາມ ບຸ່ຍແທງເຊີນ ໃນກອງປະຊຸມຖະແຫຼງຂ່າວຮ່ວມກັບ ທ່ານລັດຖະມົນຕີການຕ່າງປະເທດລັດເຊຍ Sergei Lavrov, ສຳນັກຂ່າວ TASS ໄດ້ເນັ້ນໜັກເຖິງຄວາມຄ້າຍຄືກັນລະຫວ່າງຫວຽດນາມ ແລະລັດເຊຍໃນຫຼາຍບັນຫາທົ່ວໂລກ. …
ໄຊພອນ
