| ຮູບແບບຫຼີ້ນກິລາໃໝ່ທີ່ເປັນເອກະລັກສະເພາະຢູ່ແມ່ນ້ຳ ເຮົ້າ | |
| 10 ສະຖານທີ່ທ່ອງທ່ຽວທີ່ມີຊື່ສຽງຂອງ "ດິນແດນແຫ່ງຊາ" ໄທງວຽນ |
 |
| ຕະຫຼາດດ່າລາດ (ພາບ: VOV) |
ເວັບໄຊ booking.com ໄດ້ແນະນຳ 5 ສະຖານທີ່ທ່ອງທ່ຽວແຖວໜ້າຢູ່ ຫວຽດນາມ ເພື່ອລົງພຶດຕິກຳຕົວຈິງອາຫານການກິນເຈ, ໂດຍຜູ້ນຳໃຊ້ປະກອບຄຳເຫັນ ຕີລາຄາ ແລະ ເຕື້ອງເຖິງຫຼາຍທີ່ສຸດ. ບັນດາສະຖານທີ່ນີ້ ກໍ່ຈະເໝາະສົມກັບຄວາມນິຍົມຂອງແຂກທ່ອງທ່ຽວ ຫວຽດນາມ ກ່ຽວກັບການລົງພຶດຕິກຳຕົວຈິງ ການດຳລົງຊີວິດແບບໃໝ່ ແລະ ຊິມບັນດາເຍື່ອງອາຫານທີ່ແຕກຕ່າງກັນໃນການເດີນທາງທ່ອງທ່ຽວ.
ດ່າລາດ
ໂດຍແມ່ນເຂດຈຸດສຸມກ່ຽວກັບການພັດທະນາກະສິກຳປອດສານພິດ, ນຳໃຊ້ເຕັກໂນໂລຢີສູງແຖວໜ້າໃນທົ່ວປະເທດ, ດ່າລາດ ໄດ້ຮັບນາມມະຍົດແມ່ນ “ອານາຈັກແຫ່ງຜັກ ແລະ ດອກໄມ້ຂອງ ຫວຽດນາມ” ຍ້ອນບັນດາຜະລິດຕະພັນສະອາດ ແລະ ອົງຄະທາດ ທີ່ມີຄຸນນະພາບສູງ. ມາດ່າລາດ, ແຂກທ່ອງທ່ຽວ ບໍ່ອາດພາດຖະໜົນ ຟານດິ່ງຝຸ່ງ ໂດຍແມ່ນຖະໜົນອາຫານການກິນ ທີ່ສຸດຍອດ ສຳເລັບຜູ້ກິນເຈ ດ້ວຍຮ້ານອາຫານ ທີ່ບໍ່ມີຊີ້ນ - ຈາກບັນດາຮ້ານອາຫານຕາມສັ່ງ, ບັນດາຮ້ານອາຫານທີ່ອົບອຸ່ນ. ມີສິ່ງໃຫ້ເລືອກເປັນຈຳນວນຫຼາຍ ເພື່ອໃຫ້ເພື່ອນສາມາດຮັບປະທານຄາບເຂົ້າທີ່ປອດໄສ, ຍ້ອນວ່າ ບັນດາຮ້ານອາຫານຢູ່ທີ່ນີ້ລ້ວນແຕ່ປຸງແຕ່ງເຍື່ອງອາຫານທີ່ໄດ້ເຮັດຈາກວັດຖຸດິບທີ່ແຊບ, ສົດທີ່ສຸດ ຂອງ ດ່າລາດ.
ນະຄອນໂຮ່ຈີມິນ
ຢູ່ນະຄອນໂຮ່ຈີມິນ, ບັນດາຮ້ານອາຫານກິນເຈ ມີຄວາມນິຍົມທີ່ສຸດ ຍ້ອນຄວາມຕ້ອງການທີ່ນັບມື້ນັບເພີ່ມຂຶ້ນສູງຂອງຊາວທ້ອງຖິ່ນ ແລະ ແຂກທ່ອງທ່ຽວ. ຄວາມອຸດົມສົມບູນ ແລະ ຄຸນນະພາບຂອງເຍື່ອງອາຫານເຈ ຢູ່ນະຄອນ ໂຮ່ຈີມິນ ແນ່ນອນວ່າ ຈະຕອບສະໜອງໄດ້ຄວາມຕ້ອງການໃນການຄົ້ນຫາອາຫານການກິນ ແລະ ການດຳລົງຊີວິດຢ່າງປອດໃສຂອງແຂກທ່ອງທ່ຽວ.
ເຂົ້າກະດູກຂ້າງ ໄຂ່ ໂດຍແມ່ນເຍື່ອງອາຫານທີ່ແຊບທີ່ສຸດ ແນ່ນອນວ່າ ຕ້ອງຊີມຢູ່ ໄຊງອນ, ແຕ່ບໍ່ມີຫຼາຍຄົນທີ່ຮູ້ວ່າ ເຍື່ອງອາຫານດັ່ງກ່າວໄດ້ແຕ່ງດ້ວຍວັດຖຸເຈ ເຊິ່ງກໍ່ດຶງດູດໃຈຫຼາຍພໍສົມຄວນ. ເຍື່ອງ ອາຫານ ທີ່ໄດ້ປຸງແຕ່ງລວມມີ ກະດູກຂ້າງເຈ ທີ່ເຮັດມາຈາກ ເຕົ້າຮູ້, ຢໍ່ເຈ ແລະ ວັດຖຸດິບເຈຕ່າງໆ. ເຍື່ອງອາຫານຕາມຖະໜົນທີ່ມີຊື່ສຽງຕ່າງໆຂອງ ໄຊງອນ ແມ່ນ ບັນແຊ່ວ ໂດຍມີເນື້ອແມ່ນຊີ້ນ ແລະ ອາຫານທະເລ, ແຕ່ແຂກທ່ອງທ່ຽວສາມາດຊີມເຍື່ອງອາຫານນີ້ ດ້ວຍເນື້ອແມ່ນ ຖົ່ວງອກ, ເຕົ້າຮູ້, ເຫັດ ແລະ ກິນກັບຜັກຫອມ ແຕ່ຍັງຮູ້ສຶກໄດ້ລົດຊາດທີ່ຄົບຖ້ວນ.
ໂຮ້ຍອານ
ຖະໜົນໂຮ້ຍອານ ໄດ້ດຶງດູດແຂກທ່ອງທ່ຽວຫຼາຍລຸ້ນຄົນ ດ້ວຍຖະໜົນເກົ່າທີ່ສວຍງາມ, ບັນດາໂຮງແຮງ “boutique” ນ້ອຍໆທີ່ມີລັກສະນະແບບໂຣແມນຕິກທີ່ເປັນເອກະສັກສະເພາະ ແລະ ບັນດາຮ້ານຕັດຫຍິບແຖວໜ້າ ໂດຍໄດ້ນອນຢູ່ລຽບຕາມແມ່ນ້ຳຮ່ວາຍ. ໄປຄຽງຄູ່ກັບຄວາມງາມທີ່ມີລັກສະນະສັນຍາລັກ ແລະ ຜ່ານຕາມໄລຍະເວລາ, ໂຮ້ຍອານຍັງແມ່ນສະຖານທີ່ທ່ອງທ່ຽວໃນຝັນສຳລັບຜູ້ກິນເຈ ຍ້ອນບັນດາເຍື່ອງອາຫານທ້ອງຖິ່ນທີ່ເປັນເອກະລັກສະເພາະ ແລະ ແຊບ. ສະຖານທີ່ແຫ່ງນີ້ ແມ່ນບ້ານເກີດເມືອງນອນຂອງອາຫານເຂົ້າຈ້າວໄກ່ ໂຮ້ຍອານ ເຈ ແລະ ໜີ່ກວາງເຈ - ໂດຍແມ່ນເຍື່ອງອາຫານທີ່ພົ້ນເດັ່ນ ແລະ ມີສີສັນທີ່ອຸດົມສົມບູນ, ດ້ວຍລົດຊາດທີ່ແຊບ ແລະ ງ່າຍໆຈາກພຶດ.
ນອກຈາກນັ້ນ, ຜູ້ໃດຢາກຄົ້ນຫາເຍື່ອງອາຫານທີ່ລຶ້ງເຄີຍຕ່າງກໍ່ສາມາດຊອກຫາເຍື່ອງອາຫານຂອງ ໂຮ້ຍອານ ຄື: ກາວເລົາເຈ ຫຼື ສະລາເປົາເຈ, ເຂົ້າໜົມວາກເຈ. ໃນເວລາທີ່ຢ້ຽມຊົມເຮືອນຫຼັງຕ່າງໆທີ່ເກົ່າແກ່ ແລະ ຊື້ຂອງທີ່ລະນຶກຈາກບັນດາຮ້ານຫັດຖະກຳສິລະປະກຳ, ແຕ່ຢ່າລືມພັກຜ່ອນ ແລະ ກິນນ້ຳດື່ມສະໝູນໄພທີ່ມີຊື່ສຽງ “ນ້ຳມອດ” ໂດຍໄດ້ເຮັດມາຈາກວັດຖຸດິບທຳມະຊາດທີ່ເຢັນສະບາຍ ແລະ ໄດ້ປະດັບປະດາດ້ວຍກີບດວກບົວທີ່ສວຍງາມ.
ເທື່ອທຽນເຫ້ວ
ໂດຍກຳມະສິດພື້ນຖານອາຫານການກິນໃນວັງ, ເມືອງເກົ່າເຫ້ວ ໄດ້ນຳມາເຊິ່ງການເລືອກທີ່ອຸດົມສົບມູນ ດ້ວຍເຍື່ອງອາຫານເຈ ທີ່ແຊບ, ມີຄຸນນະພາບ. ປະຊາຊົນເຫ້ວ ກໍ່ມີຄວາມຊີ້ນເຄີຍກິນເຈເປັນປະຈຳ, ດັ່ງນັ້ນ ອາຫານການກິນເຈຂອງ ເຫ້ວກໍ່ອຸດົມສົມບູນ ແລະ ເຕັມໄປດ້ວຍສິລະປະທີ່ພິຖິພິຖັນ.
ເຍື່ອງອາຫານຈຸ່ມເຈແມ່ນເຍື່ອງອາຫານທີ່ແນ່ນອນວ່າຕ້ອງກິນຢູ່ເຫ້ວ. ດ້ວຍວັດຖຸດິບທີ່ສົດແຊບ ປະສົມກັບນ້ຳແກງທີ່ເຂັ້ມຂົ້ນ ແຕ່ນຳ້ແກງຍັງໃສ, ເຍື່ອງອາຫານນີ້ ແນ່ນອນວ່າ ຈະເຮັດໃຫ້ແຂກທ່ອງທ່ຽວບໍ່ສາມາດຫຼົງລືມໄດ້. ຖ້າຢາກຊີມບັນດາເຍື່ອງອາຫານເບົາຈາກບັນດາຮ້ານອາຫານຕາມຖະໜົນ, ອາຫານທີ່ມີຊື່ສຽງ ເຫ້ວຄື: ບັນລອກ, ບັນນ້ຳເຈ ຫຼື ບັນກວັນເຈ ດ້ວຍລົດຊາດທີ່ແຊບ ທີ່ເຮັດຈາກແປ້ງມັນຕົ້ນເຄືອ ແລະ ແປ້ງເຂົ້າ, ປະສົມກັບໄສ້ຜັກໝາກໄມ້, ເຫັດ ທີ່ໄດ້ຫໍ່ດ້ວຍໃບຕອງ ຈະແມ່ນການຄັດເລືອກທີ່ດີທີ່ສຸດ. ຢໍ່ເຈ ຫຼື ຊີ້ນເຈ ກໍ່ໄດ້ຮັບຄວາມນິຍົມຊົມຊອບ, ເພາະສະນັ້ນ ແຂກທ່ອງທ່ຽວ ອາດຈະຊີມເຍື່ອງອາຫານທີ່ເປັນເອກະລັກສະເພາະຂອງເຫ້ວ ໃນແບບກິນເຈ, ຍົກຕົວຢ່າງຄື: ເຂົ້າປຸ້ນເຫ້ວ.
ຮ່າໂນ້ຍ
ຮ່າໂນ້ຍ ແມ່ນສະຖານສຸດຍອດສຳລັບຜູ້ນິຍົມກິນເຈ ດ້ວຍອາຫານທີ່ເປັນມູນເຊື້ອເປັນຈຳນວນຫຼາຍ ໂດຍໄດ້ປຸງແຕ່ງມາຈາກຢາສະໝູນໄພທີ່ສົດ ແລະ ໝາກໄມ້ເຂດຮ້ອນຕ່າງໆ ທີ່ມີຕະຫຼອດປີ. ຮ່າໂນ້ຍກໍ່ມີຊື່ສຽງດ້ວຍບັນດາເຍື່ອງອາຫານຕາມຖະໜົນ ຄື ເຂົ້າຈີ່ເຈ ຫຼື ເຂົ້າໜົມຫວານ ໂດຍແມ່ນສະຖານທີ່ທີ່ເພື່ອນສາມາດເລືອກເອົາໄສ້ເຖິງ 20 ຊະນິດ ເພື່ອກິນສຸດທ້າຍຫຼັງອາຫານ. ຖ້າຢາກອາຫານຈືນ ຫຼື ຍັງໄດ້ເອີ້ນວ່າ KFC ແບບຫວຽດ ເຈົ້າຈົ່ງໄປຍັງຮ້ານອາຫານຕາມສັ່ງທີ່ມີຊື່ວ່າ ຮ້ານອາຫານຕົ້ນໂພ ທີ່ນອນຢູ່ທາງທິດຕາເວັນຕົກຂອງໜອງເຕົ່າ ເຊິ່ງດຶງດູດໄດ້ທັງຊາວທ້ອງຖິ່ນ ແລະ ແຂກທ່ອງທ່ຽວ, ຮ້ານອາຫານທີ່ມີຊື່ສຽງນີ້ ມີເຂົ້າໜົມປາເຕໂຊ້ຈືນ ທີ່ເຮັດຈາກເຫັດ ແລະ ເຂົ້າປຸ້ນ. ຜູ້ໃດທີ່ມັກກິນຫວານກໍ່ສາມາດລອງເຂົ້າໜົມຈືນໄສ້ຖົ່ວຂຽວດ້ວຍເປືອກທີ່ເຮັດມາຈາກ ເມັດງາກອບອີຫຼີ.
ຖ້າຫາກຢາກຊີມຄາບເຂົ້າເຈຢ່າງສະບາຍ ໃນບັນຍາກາດທີ່ມິດງຽບ, ຢ່າຄິດຫຼາຍ ຈົ່ງໄປຍັງ ຮ້ານອາຫານ ອຶວດາມເຈ ທີ່ຫຼູຫຼາ ຢູ່ໃກ້ກັບໜອງເຕົ່າ ຫຼື ຮ້ານອາຫານ Aummee ຢູ່ ໜອງ ໄຕໂຮ່. ບາງຄັ້ງ, ເມື່ອໄປເລາະຢູ່ເຂດຖະໜົນເກົ່າ, ຄົ້ນຫາວັດໃຫຍ່ຢູ່ ຮ່າໂນ້ຍ, ແຂກທ່ອງທ່ຽວ ກໍ່ສາມາດຊອກຫາໄດ້ບາງຮ້ານອາຫານທີ່ມີເຍື່ອງອາຫານເຈທີ່ແຊບ.
ບຸນຄົງ
