| ຫວຽດນາມມີທ່າໄດ້ປຽບຫຼາຍຢ່າງຈາກຕ່ອງໂສ້ການສະໜອງໃນ RCEP | |
| USAID LinkSME ໜູນຊ່ວຍ ວິສາຫະກິດຂະໜາດກາງ ແລະ ນ້ອຍ ຫວຽດນາມ ເຂົ້າຮ່ວມລະບົບຕ່ອງໂສ້ການສະໜອງທົ່ວໂລກ |
 |
| ສ້າງຕ່ອງໂສ້ການສະໜອງຜະລິດຕະພັນກະສິກຳ ເຂົ້າສູ່ການປຸງແຕ່ງ. (ພາບ: TTXVN) |
ທີ່ເວທີປາໄສ, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ເຈີ່ນແທ່ງນາມ ຊີ້ແຈ້ງວ່າ: ປະຈຸບັນ ຫວຽດນາມ ພວມສຸມໃສ່ສົ່ງອອກຜະລິດຕະພັນສົດ, ແຕ່ຍັງບໍ່ທັນໄດ້ເອົາໃຈໃສ່ເຖິງການກໍ່ສ້າງຕ່ອງໂສ້ການສະໜອງການນຳບັນດາຜະລິດຕະພັນເຂົ້າສູ່ບັນດາໂຮງງານປຸງແຕ່ງ ເພື່ອຂະຫຍາຍຊ່ອງທາງການບໍລິໂພກ. ກະຊວງກະສິກຳ ແລະ ພັດທະນາຊົນນະບົດ ໄດ້ປະກາດໃຊ້ຫຼາຍນະໂຍບາຍກໍ່ສ້າງບັນດາຂົງເຂດແຫຼ່ງວັດຖຸດິບ ທີ່ມີຄຸນນະພາບເພື່ອປຸງແຕ່ງ ແລະ ສົ່ງອອກ. ໃນປີ 2021, ກະຊວງໄດ້ທົດລອງກໍ່ສ້າງຢູ່ 11 ແຂວງພື້ນທີ່ວັດຖຸດິບ ຄື: ໝາກໄມ້, ກາເຟ, ໄມ້, ສິນໃນນ້ຳ... ເພື່ອເປັນພື້ນຖານໃຫ້ທະວີຄູນໄປທົ່ວປະເທດ ໃນອະນາຄົດອັນໃກ້ນີ້ ຕາມທິດກໍ່ສ້າງເຂດວັດຖຸດິບຂະໜາດໃຫຍ່.
ບົນພື້ນຖານນັ້ນ, ທ່ານຮອງລັດຖະມົນຕີ ເຈີ່ນແທ່ງນາມ ເນັ້ນໜັກວ່າ: ເພື່ອສ້າງລະບົບຕ່ອງໂສ້ການຜະລິດ, ອະນຸລັກຮັກສາ ແລະ ປຸງແຕ່ງຜະລິດຕະພັນຢ່າງໝັ້ນຄົງ, ຕ້ອງມີການຮ່ວມແຮງຮ່ວມໃຈຂອງທຸກພາກສ່ວນ ຈາກບັນດາວິສາຫະກິດ, ສະຫະກອນ... ຄຽງຄູ່ກັບການກໍ່ສ້າງຕ່ອງໂສ້ການສົ່ງອອກແລ້ວ, ບັນດາທ້ອງຖິ່ນ ແລະ ເຂດວັດຖຸດິບຍັງຕ້ອງເອົາໃຈໃສ່ເຖິງການກໍ່ສ້າງການເຊື່ອມໂຍງເພື່ອນຳຜະລິດຕະພັນເຂົ້າສູ່ໂຮງງານປຸງແຕ່ງ.
ຄຳຮຸ່ງ
