ແຂວງ ແຄ໋ງຮ່ວາ ຕ້ອນຮັບນັກທ່ອງທ່ຽວລັດເຊຍ 8.000 ຄົນດ້ວຍ “ໜັງສືຜ່ານແດນວັກຊີນ” | |
ກະຊວງສາທາລະນະສຸກ ແນະນຳວິວັດການອອກ 'ໜັງສືຜ່ານແດນວັກຊີນ' |
ອັດຕາດັ່ງກ່າວໄດ້ລື່ນກາຍເປົ້າໝາຍທີ່ອົງການ WHO ໄດ້ວາງອອກໃນທ້າຍປີ 2021: 40% ຂອງປະຊາກອນຂອງແຕ່ລະປະເທດໄດ້ຮັບການສັກວັກຊີນຕ້ານໂຄວິດ-19.
![]() |
ອັດຕາການປົກຄຸມວັກຊີນຂອງຫວຽດນາມ ໄດ້ລື່ນກາຍເປົ້າໝາຍທີ່ WHO ວາງອອກ. (ພາບ: baocongly) |
ສໍາລັບຄົນອາຍຸ 18 ປີຂຶ້ນໄປ, ການປົກຄຸມຢ່າງໜ້ອຍ 1 ໂດສຂອງວັກຊີນແມ່ນ 98% ແລະ ການປົກຄຸມຂອງວັກຊິນຂັ້ນພື້ນຖານແມ່ນ 86%. ນັບແຕ່ເດືອນພະຈິກ 2021 ເປັນຕົ້ນມາ, ບັນດາແຂວງ, ນະຄອນ ໄດ້ເລີ່ມສັກຢາວັກຊີນກັນພະຍາດ ໃຫ້ເດັກນ້ອຍ ອາຍຸ 12 ປີ ຫາ ຕ່ຳກວ່າ 18 ປີ. ດ້ວຍລະດັບຄວາມຄືບໜ້າຂອງການສັກຢາກັນພະຍາດໃນປັດຈຸບັນ, ໃນທ້າຍເດືອນທັນວາ 2021, ທົ່ວປະເທດ ຈະຮັບປະກັນການປົກຄຸມການສັກຢາໂດສທໍາອິດ ສໍາລັບປະຊາກອນທີ່ມີອາຍຸ 18 ປີຂຶ້ນໄປ ແລະ ໂດຍພື້ນຖານ ປົກຄຸມການສັກວັກຊີນໂດສທີສອງ (ປະມານ 90%), ພ້ອມກັນນັ້ນ ກໍຈະປົກຄຸມການສັກຢາວັກຊີນໂດສທີສອງ ສໍາລັບເດັກອາຍຸ 12 ປີຂຶ້ນໄປຕາມການຊີ້ນໍາຂອງລັດຖະບານ.
ອາດເວົ້າໄດ້ວ່າ ຍ້ອນການເຂົ້າຮ່ວມຂອງທັງລະບົບການເມືອງ, ວຽກງານການທູດດ້ານວັກຊີນ ບັນລຸໄດ້ບັນດາໝາກຜົນສຳຄັນ, ປະກອບສ່ວນຢ່າງຕັ້ງໜ້າເຂົ້າໃນການປະຕິບັດເປົ້າໝາຍທັງຮັກສາສຸຂະພາບ ແລະ ຊີວິດຂອງປະຊາຊົນຢ່າງສູງສຸດ, ທັງຟື້ນຟູ ແລະ ພັດທະນາດ້ານເສດຖະກິດ - ສັງຄົມ, ຮັບປະກັນຄວາມປອດໄພ, ຫັນຍຸດທະສາດປ້ອງກັນ ແລະ ຄວບຄຸມການແຜ່ລະບາດ ໄປສູ່ “ການຮັບມືຢ່າງປອດໄພ, ມີໄຫວພິບ ແລະ ມີປະສິດທິຜົນ ໃນການຄວບຄຸມການແຜ່ລະບາດຂອງພະຍາດໂຄວິດ-19 ຄືດັ່ງມະຕິເລກທີ 128 ລົງວັນທີ 11 ຕຸລາ 2021 ຂອງລັດຖະບານ.
ຄຳຮຸ່ງ