| ໜັງສືພິມອາກຊັງຕິນ: “ບັ້ນຕໍ່ສູ້ຕ້ານເຊື້ອໄວຣັດ SARS-CoV-2: ຮູບແບບຫວຽດນາມ - ແບບຢ່າງຂອງໂລກ” | |
| ບໍລິສັດຫວຽດນາມມອບຊຸດວິໄຈກວດຫາເຊື້ອໄວຣັດ SARS – CoV- 2 ໃຫ້ອໍານາດການປົກຄອງ Moldova ຈໍານວນ 600 ຊຸດ |
ໃນສະຖານະການທີ່ໂລກພວມກ້າວຈາກກົນໄກສຸກເສີນໄປສູ່ຍຸດທະສາດການປ້ອງກັນ ແລະ ຄວບຄຸມກວດກາໄລຍະຍາວສໍາລັບ COVID-19, WHO ເນັ້ນຫນັກວ່າ ຕ້ອງຮັກສາບັນດາຄວາມມານະພະຍາຍາມໃນການວິເຄາະ, ອະທິບາຍລຳດັບດຳເນີນ gene ແລະ ການລາຍງານ. ອົງການສາທາລະນະສຸກທົ່ວໂລກນີ້ ຮຽກຮ້ອງໃຫ້ບັນດາປະເທດເພີ່ມທະວີການຕິດຕາມກວດກາ ແລະ ບັນດາມາດຕະການປ້ອງກັນໄວຣັດ SARS-COV-2 ທີ່ເປັນສາເຫດຂອງ COVID-19 ເຊັ່ນດຽວກັນກັບກາຍພັນ JN.1. WHO ຍັງໄດ້ເລ່ງໃຫ້ບັນດາປະເທດ ອາຊີຕາເວັນອອກສ່ຽງໃຕ້ ຜັນຂະຫຍາຍກິດຈະກໍາການປ້ອງກັນ.
 |
ພະນັກງານແພດເອົາຕົວຢ່າງການກວດຫາເຊື້ອ COVID-19 ໃຫ້ແກ່ຄົນໃນສິງກະໂປ |
ໄວຣັດທີ່ເປັນສາເຫດຂອງ COVID-19 ຍັງສືບຕໍ່ພັດທະນາ, ກາຍພັນ ແລະ ກະຈາຍໃນທົ່ວໂລກ. ຜູ້ອຳນວຍການຂອງ WHO ທີ່ຮັບຜິດຊອບພາກພື້ນ ອາຊີຕາເວັນອອກສຽງໃຕ້ ທ່ານ ປອ Poonam Khetrapal Singh ໃຫ້ຮູ້ວ່າ ເຖິງຫຼັກຖານໃນປະຈຸບັນໃຫ້ເຫັນຄວາມສ່ຽງເພີ່ມຂຶ້ນຕໍ່ສຸຂະພາບຂອງມະນຸດ ຍ້ອນກາຍພັນ JN.1 ແມ່ນຕໍ່າ, ແຕ່ວົງການເຈົ້າໜ້າທີ່ສາທາລະນະສຸກຕ້ອງສືບຕໍ່ຕິດຕາມການພັດທະນາຂອງບັນດາການພັນເຫຼົ່ານີ້ ເພື່ອດັດປັບມາດຕະການແກ້ໄຂ. ຕາມນັ້ນແລ້ວ, ບັນດາປະເທດຕ້ອງເພີ່ມທະວີການຕິດຕາມກວດກາ ແລະ ອະທິບາຍລຳດັບດຳເນີນ gene, ກໍຄືຮັບປະກັນການແບ່ງປັນຂໍ້ມູນເຊິ່ງກັນແລະກັນ.
ໃນວັນທີ 18 ທັນວາ ທີ່ຜ່ານມາ, WHO ໄດ້ຈັດປະເພດ JN.1 ແມ່ນສາຍພັນໜຶ່ງທີ່ໄດ້ຮັບເອົາໃຈໃສ່, ແຕ່ກໍ່ໃຫ້ຮູ້ວ່າ ສາຍພັນນີ້ ບໍ່ໄດ້ເປັນໄພຂົ່ມຂູ່ຕໍ່ສຸຂະພາບຊຸມຊົນຫຼາຍ. WHO ກ່າວອີກວ່າ ບັນດາວັກຊີນໃນປະຈຸບັນຍັງມີຄຸນປະໂຫຍດໃນການປົກປ້ອງຜູ້ຕິດເຊື້ອຈາກອາການທີ່ໜັກ ແລະ ມີຄວາມສ່ຽວເຖິງຊີວິດອິນຊີຍ້ອນ JN.1 ເຊັ່ນດຽວກັນກັບສາຍພັນອື່ນໆຂອງ ໄວຣັດ SARS-CoV-2.
ມິງດຶກ
