| ນະຄອນໂຮ່ຈິມິນ ສັກຢາວັກຊິນກັນພະຍາດ ໂດສທີ 3 ແຕ່ວັນທີ 10 ທັນວາ | |
| ຢາວັກຊີນກັນ ໂຄວິດ - 19 AstraZeneca ຫຼາຍກວ່າ 1.3 ລ້ານໂດສ ໄດ້ມອບໃຫ້ກະຊວງສາທາລະນະສຸກ |
ຂັ້ນຕອນການອອກ “ໜັງສືຜ່ານແດນວັກຊີນ” ປະກອບມີ 3 ຂັ້ນຕອນ:
ຂັ້ນຕອນທີ 1: ບັນດາຮາກຖານສັກຢາກັນພະຍາດກວດກາຄືນ, ຢັ້ງຢືນຂໍ້ມູນກ່ຽວກັບຜູ້ໄດ້ສັກຢາກັນພະຍາດໂຄວິດ-19 ຕາມຄຳແນະນຳໃນຈົດໝາຍທາງລັດຖະການ 8938/BYT-DP ລົງວັນທີ 21 ຕຸລາ 2021 ແລະ ຈົດໝາຍເຫດທາງລັດຖະການ 9438/BYT-IT ໃນວັນທີ 5 ພະຈິກ 2021 ຢ່າງຊັດເຈນ.
 |
| ພາບປະກອບ:TTXVN |
ຂັ້ນຕອນທີ 2: ບັນດາຮາກຖານສັກຢາກັນພະຍາດ ຕ້ອງໄດ້ເຊັນຂໍ້ມູນວັກຊີນ ໂຄວິດ-19 ແບບດິຈິຕອນ ຢູ່ໃນພື້ນຖານການຄຸ້ມຄອງການສັກຢາປ້ອງກັນ ໂຄວິດ-19. ພື້ນຖານການຄຸ້ມຄອງນີ້ ໄດ້ເຊື່ອມຕໍ່ ແລະ ແບ່ງປັນຂໍ້ມູນການສັກຢາກັບລະບົບການຄຸ້ມຄອງການຢັ້ງຢືນການສັກຢາວັກຊີນ ໂຄວິດ-19 ເພື່ອຕອບສະໜອງຕາມບັນດາຂໍ້ກຳນົດກ່ຽວກັບການເຊື່ອມຕໍ່ຂໍ້ມູນທາງການແພດ ໂດຍກະຊວງສາທາລະນະສຸກປະກາດໃຊ້.
ຂັ້ນຕອນທີ 3: ກົມສາທາລະນະສຸກສຳຮອງ (ກະຊວງສາທາລະນະສຸກ) ປະຕິບັດການເຊັນຈິຕອນ ໃນໃບຢັ້ງຢືນການສັກຢາວັກຊີນປ້ອງກັນພະຍາດໂຄວິດ-19. ໃບຢັ້ງຢືນແມ່ນອອກໂດຍການນໍາໃຊ້ຮູບແບບລະຫັດ QR ຕາມມາດຕະຖານຂໍ້ກຳນົດຂອງ EU.
"ຫນັງສືຜ່ານແດນວັກຊີນ" ຈະສະແດງຂໍ້ມູນ 11 ຢ່າງ, ປະກອບມີ ຊື່ແລະນາມສະກຸນ, ວັນເດືອນປີເກີດ, ສັນຊາດ, ພະຍາດທີ່ໃບຢັ້ງຢືນເປົ້າຫມາຍ, ຈໍານວນໂດສສັກຢາທີ່ໄດ້ຮັບ, ວັນທີຂອງການສັກຢາ, ຈໍານວນຢາ, ວັກຊີນ, ຜະລິດຕະພັນວັກຊີນ. ຜູ້ສະໜອງ ຫຼື ຜູ້ຜະລິດ, ເລກລະຫັດການຢັ້ງຢືນ.
ບັນດາຂໍ້ມູນ ປະກອບມີຊື່ເຕັມ ແລະ ວັນເດືອນປີເກີດ ຈະຖືກລວມເຂົ້າກັບເອກະສານປະຈໍາຕົວອື່ນໆ, ເຊັ່ນ: ບັດປະຈໍາຕົວ, ບັດປະຈໍາຕົວພົນລະເມືອງ ຫຼື ຫນັງສືຜ່ານແດນເພື່ອຊ່ວຍກໍານົດເຈົ້າຂອງ.
ຂໍ້ມູນຈະໄດ້ຮັບການເຊັນດິຈິຕອນ, ລະຫັດ ແລະ ການຫຸ້ມຫໍ່ເປັນລະຫັດ QR 2D. ລະຫັດ QR ຈະໝົດອາຍຸ 12 ເດືອນນັບຈາກວັນທີ່ເລີ່ມສ້າງ.
ມາຮອດວັນທີ 21 ທັນວານີ້, ຫວຽດນາມ ໄດ້ສັກຢາວັກຊີນຫຼາຍກວ່າ 140 ລ້ານໂດສ. ອັດຕາການສັກຢາກັນພະຍາດຢ່າງໜ້ອຍ 1 ໂດສ ແມ່ນ 96.9% ແລະ ອັດຕາການໄດ້ຮັບວັກຊີນ 2 ໂດສແມ່ນ 83.6% ຂອງປະຊາກອນທີ່ມີອາຍຸ 18 ປີຂຶ້ນໄປ.
ສໍາລັບກຸ່ມອາຍຸ 12-17 ປີ ໄດ້ສັກຢາກັນພະຍາດ 9,2 ລ້ານກວ່າໂດສ, ໃນນີ້ ໄດ້ສັກຢາກວ່າ 6,7 ລ້ານກວ່າໂດສ ສຳລັບເຂັມທີ 1 ແລະ ສັກຢາໂດສທີ 2 ຫຼາຍກວ່າ 2,5 ລ້ານໂດສ, ອັດຕາການສັກຢາກັນພະຍາດຢ່າງໜ້ອຍ 1 ໂດສ ເທົ່າກັບ 73,4% ແລະ ອັດຕາການສັກຢາໂດສທີ 2 ແມ່ນ 28.1% ໃຫ້ແກ່ປະຊາກອນອາຍຸ 12-17 ປີ.
ຄຳຮຸ່ງ
