ໄປດ້ຽນບຽນ ຊົມທະເລເມກຂາວທີ່ໄຫຼລອຍຢູ່ລະຫວ່າງສະຫວັນ ແລະແຜ່ນດິນ

18:07 | 28/12/2021

ຍສໝ - ທະເລເມກແມ່ນປະກົດການທຳມະຊາດທີ່ເປັນເອກະລັກສະເພາະ, ທັງມີຄວາມ ງົດງາມຊວນຝັນ ທັງໃຫຍ່ໂຕມະຫາຖານເຊິ່ງເຮັດໃຫ້ໃຜໆກໍ່ນິຍົມຊົມຍ້ອງເມື່ອໄດ້ ເຫັນປະຈັກຕາ.

	ຍ້ອງຍໍຊົມເຊີຍນັກສຶກສາ ລາວ ແລະ ກຳປູເຈຍ ຜູ້ດີເດັ່ນຈຳນວນ 107 ຄົນ
	ຕຳຫຼວດທະເລໂຄສະນາຕ້ານການຂຸດຄົ້ນສິນທະເລແບບຜິດກົດໝາຍ ໃຫ້ແກ່ຊາວປະມົງ ເກາະແບກລອງວີ

ເພື່ອສາມາດພົບເຫັນປະກົດການນີ້, ທ່ານຕ້ອງການກະກຽມກ່ອນ, ຊອກຮູ້ກ່ຽວກັບ ສະພາບອຸນຫະພູມ, ສະພາບດິນຟ້າອາກາດ ແລະຄວາມໂຊກດີເລັກນ້ອຍນຳອີກ. ທະເລເມກມັກຈະປະກົດຢູ່ໃນຮ່ອມພູໃນເວລາທີ່ອຸນຫະພູມກາງແຈ້ງປະມານ 10-22 ອົງສາ.

ຂໍເຊີນເພື່ອນຜູ້ອ່ານຊົມສະຖານທີ່ສວຍງາມທີ່ມີທະເລເມກຢູ່ ດ້ຽນບຽນ:

ທະເລເມກຢູ່ໝູ່ບ້ານເກເນງ, ຕາແສງແທງມິນ, ນະຄອນ ດ້ຽນບຽນຝູ

ຫ່າງຈາກໃຈກາງນະຄອນພຽງ 5 ກິໂລແມັດ, ທ່ານຈະສາມາດເຫັນທະເລເມກ ຂາວທີ່ໄຫຼລອຍຢູ່ກາງຮ່ອມພູທີ່ມີທົ່ງນາກວ້າງໃຫຍ່ໄພສານ.

ໄປດ້ຽນບຽນ ຊົມທະເລເມກຂາວທີ່ໄຫຼລອຍຢູ່ລະຫວ່າງສະຫວັນ ແລະແຜ່ນດິນ

ຊ່ອງພູຕັ່ງກວ໊າຍ , ເມືອງເມື່ອງອ໊າງ, ນະຄອນ ດ້ຽນບຽນຝູ

ຊ່ອງພູຕັ່ງກວ໊າຍ ມີຄວາມຍາວ 11 ກິໂລແມັດ, ຕັ້ງຢູ່ທາງຫຼວງ 279 ຈາກນະຄອນ ດ້ຽນບຽນຝູ ຫາ ເມືອງເມື່ອງອ໊າງ. ດ້ວຍທະເລເມກທີ່ໄຫຼລອຍເຕັມຊ່ອງ ພູອັ໊ງເນືອ ຕະຫຼອດ 4 ລະດູຂອງປີ, ຊ່ອງພູຕັ່ງກວ໊າຍ ແມ່ນສະຖານທີ່ທີ່ຄຸ້ນເຄີຍ ແລະດຶງດູດນັກທ່ອງທ່ຽວຫຼາຍຄົນ, ໂດຍສະເພາະແມ່ນໄວໜຸ່ມ.

ສະຖານທີ່ຊົມເມກຕ່າງໆຢູ່ໃນເມືອງຕົ໊ວຈົ໊ວ

ຕົ໊ວຈົ໊ວແມ່ນເມືອງພູສູງທາງທິດຕາເວັນອອກສ່ຽງເໜືອ, ຫ່າງຈາກນະຄອນດ້ຽນບຽນຝູ ເກືອບ 130 ກິໂລແມັດ. ດ້ວຍພູມສັນຖານທີ່ຫຼາກຫຼາຍ, ມີພູຫຼາຍແຫ່ງ, ດັ່ງນັ້ນບໍ່ແມ່ນເລື່ອງຍາກທີ່ຈະຊອກຫາສະຖານທີ່ສວຍງາມຊົມທະເລເມກຢູ່ທີ່ນີ້ ເຊັ່ນ: ຕາແສງຊິງພິ່ງ, ຕາແສງຊິນຈ໊າຍ, ຕາແສງເມື່ອງບ໋າງ...