ກ່າວຄຳເຫັນທີ່ນີ້, ທ່ານປະທານປະເທດ ຫງວຽນຊວນຟຸກ ແຈ້ງວ່າ ການຢ້ຽມຢາມທາງລັດຖະກິດຢູ່ ກຳປູເຈຍ ດຳເນີນໄປຢ່າງສຳເລັດຜົນ, 2 ປະເທດໄດ້ລົງນາມເອກະສານຮ່ວມມືສຳຄັນ 7 ສະບັບໃນຫຼາຍຂົງເຂດ, ເປີດກ້ວາງການຮ່ວມມືໃໝ່ຢູ່ ຫວຽດນາມ ໃນໄລຍະຈະມາເຖິງ.
 |
| ທ່ານປະທານປະເທດ ຫງວຽນຊວນຟຸກ ກ່າວຄໍາເຫັນທີ່ການພົບປະ. ພາບ: TTXVN |
ທ່ານປະທານປະເທດ ຫງວຽນຊວນຟຸກ ຮຽກຮ້ອງໃຫ້ພະນັກງານ, ພາລະກອນສະຖານທູດ ສືບຕໍ່ປະຕິບັດວຽກງານຊາວຫວຽດນາມ ອາໄສຢູ່ຕ່າງປະເທດໃຫ້ເປັນຢ່າງດີໃນສະພາບການໃໝ່; ປະຕິບັດໜ້າທີ່ປົກປ້ອງພົນລະເມືອງ, ໜູນຊ່ວຍຊີວິດການເປັນຢູ່ຂອງຊາວຫວຽດນາມ ອາໄສຢູ່ຕ່າງປະເທດໃຫ້ນັບມື້ນັບມີຫຼາຍກິດຈະກໍາທີ່ແທດຈິງຂອງພໍ່ແມ່ປະຊາຊົນ ອວ່າຍໜ້າກັບເມືອບ້ານເກີດເມືອງນອນ, ປະກອບສ່ວນສ້າງບ້ານເກີດເມືອງນອນ, ປະເທດຊາດ. ສະຖານທູດ ແລະສະມາຄົມຂະແມ - ຫວຽດນາມ ປະຈຳກຳປູເຈຍ, ປະຊາຄົມຊາວຫວຽດນາມ ຢູ່ກຳປູເຈຍ ຕ້ອງເອົາໃຈໃສ່ເຖິງວຽກງານສຶກສາອົບຮົມລຸ້ນໜຸ່ມກ່ຽວກັບພາສາຫວຽດ ແລະວັດທະນະທຳຫວຽດ.
ທ່ານປະທານປະເທດ ປາດຖະໜາວ່າ ຊາວຫວຽດນາມ ອາໄສຢູ່ຕ່າງປະເທດ ຈະສືບຕໍ່ສາມັກຄີ, ຮັກແພງ ແລະອູ້ມຊູຊ່ວຍເຫຼືອເຊິ່ງກັນ ແລະກັນ, ປະຕິບັດກົດໝາຍຂອງປະເທດປະຈໍາຖິ່ນ, ປະກອບສ່ວນໃຫ້ແກ່ການພັດທະນາປະເທດປະຈໍາຖິ່ນ ແລະປະກອບສ່ວນຊຸກຍູ້ການພົວພັນຮ່ວມມືລະຫວ່າງ 2 ປະເທດ ຫວຽດນາມ-ກໍາປູເຈຍ.
ບູນມີ
