ທີ່ການຕ້ອນຮັບປະທານສະມາຄົມມິດຕະພາບ ສ.ເກົາຫຼີ - ຫວຽດນາມ Choi Young-ju, ທ່ານປະທານສະພາແຫ່ງຊາດ ເວືອງດິ່ງເຫ້ວ ສະເໜີສະມາຄົມມິດຕະພາບ ສ.ເກົາຫຼີ - ຫວຽດນາມ ສົມທົບກັບສະມາຄົມມິດຕະພາບ ຫວຽດນາມ - ສ.ເກົາຫຼີ ຈັດຕັ້ງບັນດາການເຄື່ອນໄຫວທີ່ມີຄວາມໝາຍ ເນື່ອງໃນ ໂອກາດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດໃນປີ 2022.
 |
| ປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ຕ້ອນຮັບປະທານສະມາຄົມມິດຕະພາບ ສ.ເກົາຫຼີ - ຫວຽດນາມ Choi Young-ju. ພາບ: TTXVN |
ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ສະເໜີໃຫ້ພິຈາລະນາຈັດຕັ້ງງານວັນບຸນຫວຽດນາມ ຢູ່ ສ.ເກົາຫຼີ ແລະ ງານບຸນວັດທະນະທຳ ສ.ເກົາຫຼີ ຢູ່ ຫວຽດນາມ.
ທີ່ການຕ້ອນຮັບປະທານສະມາຄົມຊາວ ສ.ເກົາຫຼີ ເຊື້ອຊາດຫວຽດນາມ ຫຼີຮວນ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ສະແດງຄວາມຕື້ນຕັນໃຈເມື່ອໄດ້ພົບປະສັງສັນ ແລະ ໂອ້ລົມກັບລູກຫລານຂອງຕະກຸນຫຼີ.
ພາຍຫຼັງເກືອບ 1000 ປີ ນັບແຕ່ມາຢູ່ ສ.ເກົາຫຼີ, ວົງຄະນະຍາດຕະກຸນຫຼີ ນັບມື້ນັບໄດ້ຮັບການພັດທະນາຢ່າງເຂັ້ມແຂງ ແລະ ມີຜົນສຳເລັດຫຼາຍຢ່າງ, ປະກອບສ່ວນສຳຄັນເຂົ້າໃນການພັດທະນາຂອງ ສ.ເກົາຫຼີ. ທ່ານປະທານສະພາແຫ່ງຊາດ ເວືອງດິ່ງເຫ້ວ ໄດ້ຕີລາຄາສູງຈິດໃຈອວ່າຍໜ້າກັບເມືອບ້ານເກີດ ເມືອງນອນ, ຄວາມມານະພະຍາຍາມປະກອບສ່ວນເຂົ້າໃນການສ້າງປະເທດຊາດຂອງວົງຄະນະຍາດຕະກຸນຫຼີ.
ບູນມີ
