| ບົດທີ 5: ຫ້າວຽກງານຈຸດສຸມກ່ຽວກັບຊາວຫວຽດນາມອາໄສຢູ່ຕ່າງປະເທດ | |
| ບົດທີ 4: ຄວາມປາດຖະໜາ ແລະ ແຜນການຈະເລີນຮຸ່ງເຮືອງ |
 |
| ຊາວຫວຽດນາມ ຢູ່ Johor ສາມັກຄີຊ່ວຍເຫລືອເຊິ່ງກັນ ແລະ ກັນໃນໄລຍະໂລກລະບາດ. |
ທ່ານຫົວໜ້າຄະນະປະສານງານຊາວຫວຽດນາມ ປະຈຳລັດ Johor ຫງວຽນຮົ່ງເຊີນ ໃຫ້ຮູ້ວ່າ: ພະຍາດລະບາດໄດ້ສົ່ງຜົນສະທ້ອນເຖິງຊີວິດ ແລະ ລາຍຮັບຂອງຊາວ ຫວຽດນາມ ຢູ່ທີ່ນີ້ຢ່າງຮ້າຍແຮງ. ຫຼາຍຄົນຫວ່າງງານ ຫຼືຕ້ອງພັກວຽກດົນໆ, ຊີວິດການເປັນຢູ່ປະສົບຄວາມຫຍຸ້ງຍາກຫຼາຍຢ່າງ.
ຕໍ່ໜ້າສະພາບການດັ່ງກ່າວ, ຄະນະປະສານງານຊຸມຊົນຫວຽດນາມ ຢູ່ລັດ Johor ໄດ້ຮັບການຊີ້ນຳ ແລະ ໜູນຊ່ວຍຢ່າງທັນການຈາກສະຖານທູດ ແລະ ການສະໜັບສະໜູນຢ່າງໃກ້ຊິດຂອງບັນດາວິສາຫະກິດຫວຽດນາມ, ບັນດາກຸ່ມອາສາສະໝັກ. ຂອງຂວັນນັບພັນພູດໄດ້ມອບໂດຍກົງໃຫ້ແກ່ຜູ້ທີ່ປະສົບກັບສະພາບການທີ່ຫຍຸ້ງຍາກ, ຄົນເຈັບເປັນຫຼາຍຄົນໄດ້ຮັບການປິ່ນປົວ, ຄົນຕິດຄ້າງຫຼາຍຄົນໄດ້ຖືກສົ່ງກັບຄືນປະເທດ.
ຄະນະປະສານງານຊຸມຊົນຊາວຫວຽດນາມ ຢູ່ລັດ Johor ໜູນຊ່ວຍເຊິ່ງກັນ ແລະ ກັນ ດ້ວຍເຄື່ອງໃຊ້ທີ່ຈຳເປັນ ແລະ ຊອກຫາວິທີສ້າງວຽກເຮັດງານທຳໃຫ້ແກ່ຜູ້ປະສົບກັບຄວາມຫຍຸ້ງຍາກ, ເຈັບປ່ວຍ, ປະສົບອຸບັດຕິເຫດ, ຮ່ວມແຮງຮ່ວມໃຈກັບສະຖານທູດໃນບັນດາການເຄື່ອນໄຫວອາສາສະໝັກຢູ່ທ້ອງຖິ່ນອື່ນ... ດ້ວຍຄວາມຮັກແພງເໝືອນດັ່ງກັບຄອບຄົວດຽວກັນທີ່ມີຄວາມອົບອຸ່ນ, ເຕັມໄປດ້ວຍຄວາມຮັກແພງ.
ສະຖານທູດ ຫວຽດນາມ ປະຈຳ ມາເລເຊຍ ຈະສືບຕໍ່ໜູນຊ່ວຍຊາວ ຫວຽດນາມ, ບັນດາ ໃພ້ ຫວຽດນາມ ທີ່ໄດ້ສັນຊາດມາເລເຊຍ ແລະ ສົ່ງເສີມບັນດາວິສາຫະກິດ ຫວຽດນາມ ເຂົ້າຮ່ວມໂຄງການເຊື່ອມຕໍ່ ແລະ ພັດທະນາວິສາຫະກິດຢູ່ ມາເລເຊຍ.
ໄຊພອນ
