| ຊາວໜຸ່ມ, ນັກສຶກສາຫວຽດນາມຢູ່ຕ່າງປະເທດຈັດກິດຈະກຳກ່ຽວກັບປະເທດຊາດ | |
| ຫວຽດນາມ ແມ່ນເສົາຄ້ຳສຳຄັນ ຂອງນະໂຍບາຍການກະທຳມຸ່ງໄປສູ່ທິດຕາເວັນອອກຂອງອິນເດຍ |
ຈຸດພົ້ນເດັ່ນ
ສຳລັບປະຊາຄົມຊາວຫວຽດນາມ 5,3 ລ້ານຄົນທີ່ດຳລົງຊີວິດ ແລເຮັດວຽກຢູ່ 130 ກວ່າປະເທດ ແລະເຂດແຄວ້ນ, ພາສາຫວຽດ ແມ່ນຄວາມເອກອ້າງທະນົງໃຈຂອງຊາດ ແລະ ເປັນບ່ອນອີງອັນໝັ້ນຄົງຂອງວັດທະນະທຳພື້ນເມືອງ. ດ້ວຍຄວາມມານະພະຍາຍາມຂອງບັນດາຄູສອນ ແລະອາສາສະໝັກຊາວຫວຽດນາມ ອາໄສຢູ່ຕ່າງປະເທດນັບພັນຄົນ ວຽກງານເຜີຍແຜ່ພາສາຫວຽດ ໃຫ້ແກ່ຊາວ ຫວຽດນາມ ລຸ້ນຄົນທີ 2 ແລະ 3 ຄົນທີ່ເກີດ ແລະເຕີບໃຫຍ່ຢູ່ຕ່າງປະເທດ ບັນລຸໄດ້ບັນດາຜົນງານທີ່ສຳຄັນ.
 |
| ປະຊາຄົມຊາວຫວຽດນາມ ໃນ 5 ທະວີບເຊີດຊູ ແລະຮັກສາພາສາຫວຽດ. ພາບ: vov |
ໃນອາເມລິກາ, ປະຈຸບັນພາສາຫວຽດ ແມ່ນພາສາທີ່ມີຄວາມນິຍົມ ອັນດັບ 5 ຖັດຈາກພາສາອັງກິດ, ແອັດສະປາຍ, ຈີນ ແລະ ຕາກາລັອກ.
ຢູ່ເອີລົບ, ມີຈຸດພົ້ນເດັ່ນຫຼາຍຢ່າງກ່ຽວກັບການເຄື່ອນໄຫວສິດສອນ ແລະຮຽນພາສາຫວຽດໃນວົງຄະນະຍາດ, ພົ້ນເດັ່ນແມ່ນບັນດາປະເທດ Bulgaria ແລະ ສ.ເຊັກໂກ.
ໃນສະພາບການພະຍາດໂຄວິດ-19 ໄດ້ສົ່ງຜົນກະທົບຢ່າງກວ້າງຂວາງເຖິງຫຼາຍດ້ານຂອງຊີວິດສັງຄົມເອີລົບ, ຂະບວນການສິດສອນ ແລະຮຽນພາສາຫວຽດໃນວົງຄະນະຍາດຍັງສືບຕໍ່ໄດ້ຮັບການຮັກສາ ແລະແຜ່ຂະຫຍາຍ.
ໃນປະເທດຕ່າງໆ, ຂະບວນການສິດສອນ ແລະຮຽນພາສາຫວຽດ ກໍ່ມີຄວາມຟົດຟື້ນເຊັ່ນກັນ. ຢູ່ໄຕ້ຫວັນ, ພາສາຫວຽດ ພວມໄດ້ຮັບຄວາມນິຍົມ ນັບແຕ່ ປໍ 1 ຫາ ປໍ 3, ນັກຮຽນທີ່ຮຽນ ແມ່ນຊາວຫວຽດນາມ ລຸ້ນຄົນທີ 2 ແລະ ຍັງມີນັກຮຽນຊາວປະເທດປະຈໍາຖິ່ນນຳອີກ. ຢູ່ລາວ, ມີໂຮງຮຽນສອນພາສາຫວຽດນາມ 13 ແຫ່ງ, ໃນນັ້ນມີ ໂຮງຮຽນສອງພາສາ ລາວ-ຫວຽດນາມ ຫງວຽນຢູ ຢູ່ນະຄອນຫຼວງວຽງຈັນ ມີນັກຮຽນເກືອບ 1.700 ຄົນ ແລະ ໂຮງຮຽນປະຖົມມິດຕະພາບຈຳປາສັກ ມີນັກຮຽນເກືອບ 900 ຄົນ. ຢູ່ໄທ, ຍັງມີເກືອບ 30 ຫ້ອງຮຽນໂດຍບໍ່ເສຍຄ່າໂດຍສະມາຄົມຊາວຫວຽດນາມ ຈັດຕັ້ງ.
ນອກຈາກເປົ້າໝາຍຕົ້ນຕໍແມ່ນຊາວຫວຽດນາມ ອາໄສຢູ່ຕ່າງປະເທດແລ້ວ, ຄວາມຮຽກຮ້ອງຕ້ອງການຮຽນພາສາຫວຽດຂອງຊາວຕ່າງປະເທດກໍ່ເພີ່ມຂຶ້ນ, ໂດຍສະເພາະແມ່ນບັນດາປະເທດອາຊີຕາເວັນອອກສ່ຽງເໜືອ. ໂດຍຜ່ານພາສາຫວຽດ, ພາບພົດຂອງປະເທດຊາດ ແລະຊາວຫວຽດນາມ ໄດ້ຮັບການເຜີຍແຜ່ຢ່າງກວ້າງຂວາງເຖິງເພື່ອນມິດສາກົນກວ່າອີກ.
ເລີ່ມຈາກຄວາມຮຽກຮ້ອງຕ້ອງການຮຽນພາສາຫວຽດນັບມື້ນັບເພີ່ມຂຶ້ນ, ພ້ອມກັບຄວາມມານະພະຍາຍາມຢ່າງບໍ່ຢຸດຢັ້ງຂອງປະຊາຄົມຊາວຫວຽດນາມ ອາໄສຢູ່ຕ່າງປະເທດໃນການຮັກສາ ແລະ ເສີມຂະຫຍາຍພາສາຫວຽດ, ໃນຊຸມປີມໍ່ໆມານີ້ ພາສາຫວຽດນາມ ໄດ້ຮັບການນຳເຂົ້າສອນຢູ່ບັນດາໂຮງຮຽນມັດທະຍົມປາຍ, ມະຫາວິທະຍາໄລໃນບັນດາປະເທດຄື ລາວ, ໄຕ້ຫວັນ, ອົດສະຕາລີ, ອາເມລິກາ, ເຢຍລະມັນ, ຝຣັ່ງ, ສ.ເກົາຫຼີ... ນັ້ນແມ່ນແຫຼ່ງກຳລັງໜູນ ຊ່ວຍຊຸກຍູ້ພາລະກິດການປົກປັກຮັກສາ ແລະ ເສີມຂະຫຍາຍພາສາຫວຽດຢູ່ຕ່າງປະເທດ.
ກໍາລັງໜູນຈາກບ້ານເກີດເມືອງນອນ
 |
| ປະຊາຄົມຊາວຫວຽດນາມ ໃນ 5 ທະວີບເຊີດຊູ ແລະຮັກສາພາສາຫວຽດ. |
ອີງຕາມການສະຖິຕິຂອງອົງການສະຫະປະຊາຊາດ, ປະຈຸບັນ ມີປະມານ 7.000 ພາສາທີ່ພວມໄດ້ນໍາໃຊ້, ເຊິ່ງສ່ອງແສງໃຫ້ເຫັນຄວາມຫຼາຍຮູບຫຼາຍແບບຂອງ ວັດທະນະທໍາ ແລະພູມປັນຍາມວນມະນຸດ. ເຖິງຢ່າງໃດກໍ່ຕາມ, ພາຍໃຕ້ ຜົນກະທົບຂອງໂລກາພິວັດ ແລະການເຊື່ອມໂຍງເຂົ້າກັບສາກົນ, 40% ພາສາຂອງໂລກພວມຖືກໄພນາບຂູ່, ແລະທຸກໆສອງອາທິດພາສາຫນຶ່ງຈະສູນຫາຍໄປ. ໃນຍຸກ ຂອງວິທະຍາສາດ ແລະເຕັກໂນໂລຊີ, ຈະມີຫນ້ອຍກ່ວາ 100 ພາສາທີ່ໄດ້ນໍາໃຊ້ໃນໂລກດິຈິຕອນ. ໃນສະພາບການນັ້ນ, ພາສາຫວຽດ ກໍປະເຊີນກັບຄວາມສ່ຽງທີ່ຈະສູນເສຍໄປ. ສະພາບການນັ້ນໄດ້ສ້າງຄວາມຈຳເປັນອັນຮີບດ່ວນເພື່ອປົກປັກຮັກສາ ແລະເສີມຂະຫຍາຍພາສາຫວຽດ. ນັ້ນແມ່ນໜ້າທີ່ສຳຄັນ ທີ່ຮຽກຮ້ອງຕ້ອງໄດ້ໃຊ້ເວລາ ແລະຄວາມກະຕືລືລົ້ນ, ທັງມີຄຸນຄ່າຕົວຈິງ ແລະ ຄວາມໝາຍດ້ານມະນຸດສະທຳອັນເລິກເຊິ່ງຂອງຊາວຫວຽດນາມທຸກຄົນທີ່ຢູ່ພາຍໃນ ແລະ ຕ່າງປະເທດ.
ເພື່ອປົກປັກຮັກສາ ແລະ ເຊີດຊູພາສາປະຈຳຊາດ, ເພື່ອຕອບສະໜອງຄວາມຮຽກຮ້ອງຕ້ອງການຂອງການຮຽນພາສາຫວຽດທີ່ນັບມື້ນັບເພີ່ມຂຶ້ນ ໃນປະຊາຄົມຊາວຫວຽດນາມ ອາໄສຢູ່ຕ່າງປະເທດ, ພັກ ແລະ ລັດຂອງພວກເຮົາ ຍາມໃດກໍ່ມີນະໂຍບາຍສ້າງເງື່ອນໄຂທີ່ສະດວກ.
 |
| ປະຊາຄົມຊາວຫວຽດນາມ ໃນ 5 ທະວີບເຊີດຊູ ແລະຮັກສາພາສາຫວຽດ. |
ໂດຍປະກອບສ່ວນປະຕິບັດບັນດານະໂຍບາຍດັ່ງກ່າວໃຫ້ປະກົດຜົນເປັນຈິງ, ໃນໄລຍະທີ່ຜ່ານມາ ຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດໄດ້ປະຕິບັດບັນດາວຽກງານທີ່ແທດຈິງ.
ໃນໄລຍະຈະມາເຖິງ, ບັນດາມາດຕະການແທດຈິງຈະໄດ້ຮັບການຜັນຂະຫຍາຍເພື່ອສົ່ງເສີມ ແລະເຜີຍແຜ່ຂະບວນການສິດສອນ ແລະຮຽນພາສາຫວຽດ, ຍົກສູງຄວາມຮູ້ ແລະຄວາມຮັບຜິດຊອບຂອງທົ່ວສັງຄົມໃນການເຊີດຊູ, ຮັກສາ ແລະ ເສີມຂະຫຍາຍຄວາມໃສແຈ້ງ, ຄຸນຄ່າຂອງພາສາຊາດ.
ຄຽງຄູ່ກັບຂະບວນການເຊື່ອມໂຍງເຂົ້າກັບສາກົນຢ່າງເລິກເຊິ່ງກວ້າງຂວາງ ແລະຮອບດ້ານ, ການປົກປັກຮັກສາ ແລະເຊີດຊູພາສາຫວຽດ ແມ່ນປະກອບສ່ວນຍົກສູງຄຸນຄ່າວັດທະນະທຳ, ປະກອບສ່ວນສ້າງກຳລັງແຮງອັນສຳຄັນ, ຮັບປະກັນການພັດທະນາແບບຍືນຍົງຂອງປະເທດຊາດຕາມທັດສະນະພັດທະນາທີ່ໄດ້ຢືນຢັນໃນຍຸດທະສາດພັດທະນາເສດຖະກິດ - ສັງຄົມ 10 ປີ 2021-2030.
ການຮັກສາ ແລະເຊີດຊູພາສາຫວຽດ ກໍ່ຈະປະກອບສ່ວນປະຕິບັດຍຸດທະສາດການທູດວັດທະນະທຳຮອດປີ 2030 ໃຫ້ປະສົບຜົນສໍາເລັດ, ຄຽງຄູ່ກັບການກຳນົດທິດພັດທະນາປະເທດຊາດຮອດປີ 2030 ແລະ 2045 ຕາມຈິດໃຈຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ຂອງພັກ.
ບູນມີ
