ຫວຽດນາມ ປາດຖະໜາຢາກຮ່ວມມືກັບບັນດາວິສາຫະກິດການຢາ, ວັກຊິນຕ່າງປະເທດ | |
ຫວຽດນາມ ຍັງແມ່ນຈຸດນັດພົບທີ່ດູດດື່ມຂອງບັນດານັກລົງທຶນຕ່າງປະເທດ |
ໃນໄລຍະ 2 ວັນ (ວັນທີ 7-8 ທັນວາ), ຫຼາຍກວ່າ 100 ປະເທດ ແລະ ອົງການຈັດຕັ້ງໃນທົ່ວໂລກ ໄດ້ເຂົ້າຮ່ວມກອງປະຊຸມສຸດຍອດໂພຊະນາການເພື່ອການພັດທະນາ ເຊິ່ງຈັດຂຶ້ນທາງອອນໄລນ ຈາກສະຖານທີ່ເຊື່ອມຕໍ່ຖ່າຍທອດສົດ ທີ່ນະຄອນຫຼວງໂຕກຽວ ປະເທດຍີ່ປຸ່ນ.
ໂດຍແບ່ງປັນກ່ຽວກັບບັນດາສານ ແລະ ຄຳໝັ້ນສັນຍາຂອງ ຫວຽດນາມ ທີ່ກອງປະຊຸມ, ທ່ານຮອງລັດຖະມົນຕີກະຊວງສາທາລະນະສຸກ ຫງວຽນເຈຶອງເຊີນ ເນັ້ນໜັກວ່າ: ໂພຊະນາການ ຍາມໃດກໍແມ່ນໜຶ່ງໃນບັນດາບັນຫາບຸລິມະສິດດ້ານສຸຂະພາບ ແລະ ກາຍເປັນຄາດໝາຍທີ່ສຳຄັນ ໃນແຜນພັດທະນາເສດຖະກິດ - ສັງຄົມຂອງປະເທດຊາດ ແລະ ແຕ່ລະທ້ອງຖິ່ນ.
ຫວຽດນາມ ໃຫ້ຄຳໝັ້ນສັນຍາບັນດາໂຄງການກະທຳດ້ານໂພຊະນາການເພື່ອພັດທະນາ. (ພາບ: baodantoc) |
ສະພາແຫ່ງຊາດ ແລະ ລັດຖະບານຫວຽດນາມ ໄດ້ວາງເນື້ອໃນປັບປຸງດ້ານໂພຊະນາການຂອງເດັກ ໃນບັນດາໂຄງການເປົ້າໝາຍແຫ່ງຊາດ ແລະ ມາຮອດປັດຈຸບັນນີ້ ແມ່ນຍຸດທະສາດແຫ່ງຊາດດ້ານໂພຊະນາການ ໄລຍະ 2021 – 2030.
ຜ່ານນັ້ນ, ຫວຽດນາມ ຈະປະຕິບັດ 2 ຄຳໝັ້ນສັນຍາທີ່ກອງປະຊຸມສຸດຍອດ ກ່ຽວກັບການພັດທະນາໂພຊະນາການຄັ້ງນີ້, ໃນນັ້ນມີ: ປັບປຸງສະພາບການຂາດໂພຊະນາການ ຮ່າງກາຍຈ່ອຍ ແລະ ບໍ່ສູງ ໃນເດັກອາຍຸຕ່ຳກວ່າ 5 ປີ, ໂດຍສະເພາະ ແມ່ນເຂດຊົນເຜົ່າສ່ວນໜ້ອຍ ແລະ ເຂດພູດອຍ, ແລະ ຄວບຄຸມສະພາບການນ້ຳໜັກເກີນ ແລະ ໂລກຕຸ້ຍ ໃນເດັກອາຍຸ 0-18 ປີ.
ບົນພື້ນຖານນັ້ນ, ເພື່ອປະຕິບັດຄຳໝັ້ນສັນຍາທີ່ກ່າວມານີ້, ຫວຽດນາມ ໄດ ແລະ ພວມສ້າງບັນດາໂຄງການກະທຳຕິດພັນກັບບັນດາຄຳໝັ້ນສັນຍາກ່ຽວກັບນະໂຍບາຍ, ງົບປະມານໃນການປະຕິບັດ, ຜັນຂະຫຍາຍ ແລະ ຕິດຕາມກວດກາ.
ຄຳຮຸ່ງ