| ໝາກລິ້ນຈີ່ກະປ໋ອງຂອງຫວຽດນາມ ມີຢູ່ສັບພະສິນຄ້າຂອງຝຣັ່ງເປັນເທື່ອທຳອິດ | |
| ຄາດວ່າການສົ່ງອອກຂອງຂະແໜງຫນັງເກີບຈະເຕີບໂຕ 5% |
 |
| ທ່ານລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນແທງລອງ. ພາບ:suckhoedoisong.vn |
ຫວ່າງແລ້ວນີ້, ທ່ານລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນແທງລອງ ໄດ້ມີການເຮັດວຽກກັບ ທ່ານ Paul Jansen ເອກອັກຄະລັດຖະທູດ ລາຊະອານາຈັກແບນຊິກ ປະຈຳ ຫວຽດນາມ, ທ່ານ Gennady Bezdetko ເອກອັກຄະລັດຖະທູດ ສະຫະພັນລັດເຊຍ ປະຈຳ ຫວຽດນາມ.
ບັນດາການເຮັດວຽກມີເນື້ອໃນກ່ຽວຂ້ອງເຖິງການຮ່ວມມືດ້ານການແພດ ແລະ ກິດຈະກໍາການປ້ອງກັນ ແລະ ຄວບຄຸມ COVID-19; ໂດຍສະເພາະແມ່ນບັນດາການຮ່ວມມືດ້ານການຜະລິດ, ການມອບໂອນເຕັກໂນໂລຊີວັກຊີນຕ້ານໂຄວິດ-19, ຢາປິ່ນປົວ...
ບັນດາເອກອັກຄະລັດຖະທູດໄດ້ຕີລາຄາສູງຕໍ່ບັນດາຄວາມມານະພະຍາຍາມຂອງຫວຽດນາມ ໃນການປ້ອງກັນ ແລະ ຄວບຄຸມພະຍາດໂຄວິດ-19 ແລະ ໄດ້ສະແດງຄວາມປະທັບໃຈຕໍ່ໝາກຜົນຂອງຫວຽດນາມ ໃນການປະຕິບັດບັ້ນຮົບສັກວັກຊີນປ້ອງກັນພະຍາດໂຄວິດ-19.
ໂດຍເຮັດວຽກກັບ ທ່ານເອກອັກຄະລັດຖະທູດ ແບນຊິກ ປະຈຳຫວຽດນາມ Paul Jansen, ທ່ານລັດຖະມົນຕີ ຫງວຽນແທ່ງລອງ ໃຫ້ຮູ້ວ່າ ກະຊວງສາທາລະນະສຸກ ພວມ ກວດຄືນ ແລະ ປັບປຸງກົດໝາຍວ່າດ້ວຍການຢາ, ສະນັ້ນ ກະຊວງສາທາລະນະສຸກ ປາດຖະໜາຢາກແລກປ່ຽນ ແລະ ຮ່ວມມືກັບສະຫະພາບ ເອີລົບ ແລະ ແບນຊິກ ເພື່ອໃຫ້ບັນຫາຄຸ້ມຄອງການຢາຂອງ ຫວຽດນາມໄດ້ເຂົ້າເຖິງກັບມາດຖານຂອງໂລກ, ຜ່ານນັ້ນກໍ່ຮັບປະກັນຢາ ແລະ ວັກຊີນ ໃຫ້ຕາມຄວາມຕ້ອງການປິ່ນປົວ, ເບິ່ງແຍງສຸຂະພາບຂອງປະຊາຊົນຫວຽດນາມ.
ເມື່ອແລກປ່ຽນກັບທ່ານລັດຖະມົນຕີ ຫງວຽນແທງລອງ, ທ່ານເອກອັກຄະລັດຖະທູດສະຫະພັນ ລັດເຊຍ ປະຈຳ ຫວຽດນາມ Gennady Bezdetko ໃຫ້ຮູ້ວ່າ: ນອກຈາກການຮ່ວມມືດ້ານສາທາລະນະສຸກທີ່ພວມຜັນຂະຫຍາຍແລ້ວ, ບັນດາວິສາຫະກິດຂອງ ລັດເຊຍ ກໍພ້ອມແລ້ວທີ່ຈະເປີດກວ້າງການຮ່ວມມືກັບ ຫວຽດນາມ ໃນຂົງເຂດສາທາລະນະສຸກ, ວິທະຍາສາດ, ການຢາ.
ສ່ວນທ່ານ Gareth Ward, ເອກອັກຄະລັດຖະທູດລາຊະອານາຈັກ ອັງກິດ ປະຈຳ ຫວຽດນາມ, ກໍ່ສະແດງຄວາມເຫັນວ່າ ຝ່າຍອັງກິດ ພ້ອມແລ້ວທີ່ຈະແບ່ງປັນກັບ ຫວຽດນາມ ກ່ຽວກັບການປະຕິບັດການສັກວັກຊິນກັນໂຄວິດ-19 ໃຫ້ແກ່ເດັກນ້ອຍ; ອັງກິດ ກໍ່ຢາກຮ່ວມມືກັບ ຫວຽດນາມ ໃນການຄົ້ນຄວ້າ, ຜະລິດວັກຊິນກັນໂຄວິດ-19, ຢາປິ່ນປົວໂຄວິດ-19.
ໄຊພອນ
