 |
| ພາບປະກອບ: TTXVN |
ຕາມນັກຮຽນຮູ້ແລ້ວ, ໃນຊຸມປີມໍ່ໆມານີ້, ການພົວພັນລະຫວ່າງ ສະຫະພັນ ລັດເຊຍ - ຫວຽດນາມ ໄດ້ຮັບຄວາມສົນໃຈຫຼາຍຂຶ້ນ ຈາກບັນດານັກຊ່ຽວຊານ ແລະ ພາຫະນະສື່ມວນຊົນແຖວໜ້າລັດເຊຍ. ສອງຝ່າຍ ສະເຫຼີມສະຫຼອງບັນດາເຫດການໃຫຍ່, ໃນປີ 2020, ສອງປະເທດໄດ້ສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດ, ປີນີ້ ສະເຫຼີມສະຫຼອງ ວັນສ້າງຕັ້ງການພົວພັນຄູ່ຮ່ວມມືຍຸດທະສາດ ຄົບຮອບ 20 ປີ ແລະ ສະເຫຼີມສະຫຼອງ ການພົວພັນຄູ່ຮ່ວມມືຍຸດທະສາດຮອບດ້ານຄົບຮອບ 10 ປີ.
ທ່ານ ປອ. Korolev ຖືວ່າ: ຫວຽດນາມ ແມ່ນຄູ່ຮ່ວມມືທີ່ໝັ້ນຄົງຂອງລັດເຊຍ. 2 ຝ່າຍຕັ້ງໜ້າຮ່ວມມືໃນຂົງເຂດພະລັງງານ ແລະ ນ້ຳມັນອາຍແກັສ. ບັນດາກຸ່ມບໍລິສັດອຸດສາຫະກຳໃຫຍ່ຂອງລັດເຊຍ ຄື Zarubezhneft, Rosneft ແລະ Gazprom ພວມປະຕິບັດບັນດາສັນຍາກັບ Petrovietnam ເພື່ອສະໜອງ ແລະ ຜະລິດນ້ຳມັນ ແລະ ອາຍແກັສ. ປີ 2019, Rosatom ແລະ ກະຊວງວິທະຍາສາດ ແລະ ເຕັກໂນໂລຊີ ຫວຽດນາມ ໄດ້ຮັບຮອງເອົາບົດບັນທຶກຊ່ວຍຈຳກ່ຽວກັບການກໍ່ສ້າງສູນວິທະຍາສາດ ແລະ ເຕັກໂນໂລຢີນິວເຄຼຍ ຢູ່ຫວຽດນາມ. ນີ້ອາດກາຍເປັນໂຄງການສອງຝ່າຍແຖວໜ້າໃໝ່ໃນຂະແໜງພະລັງງານ.
ກ່ຽວກັບການປ້ອງກັນພະຍາດໂຄວິດ-19, ລັດເຊຍ ແລະ ຫວຽດນາມ ໄດ້ເພີ່ມທະວີການຮ່ວມມືດ້ານການສະໜອງອຸປະກອນການແພດ, ໜູນຊ່ວຍພົນລະເມືອງຢູ່ເຂດດິນແດນຂອງກັນ, ສ້າງເງື່ອນໄຂສະດວກໃຫ້ແກ່ການກັບເມືອປະເທດ. ເດືອນກັນຍາ, ຫວຽດນາມໄດ້ຮັບວັກຊິນ Sputnik-V ການຄ້າຄັ້ງທຳອິດຂອງຣັດເຊຍ 739.000 ໂດສ. ຕາມເງື່ອນໄຂຂອງສັນຍາແລ້ວ, ຫວຽດນາມຈະໄດ້ຮັບຢາວັກຊິນທັງໝົດ 40 ລ້ານໂດສຈາກລັດເຊຍໃນເດືອນ ມິຖຸນາ 2022.
ນັກຮຽນຮູ້ນັ້ນໜັກວ່າ ຫວຽດນາມ ມີປະສົບການຫຼາຍຢ່າງໃນການເຈລະຈາ ແລະ ເຊັນສັນຍາການຄ້າ ແລະ ສົມທົບກັນຢ່າງແໜ້ນແຟ້ນໃນບັນດາຕ່ອງໂສ້ມູນຄ່າພາກພື້ນ ແລະ ທົ່ວໂລກ, ແມ່ນຕະຫຼາດໃຫຍ່ທີ່ມີປະຊາກອນປະມານ 100 ລ້ານຄົນ. ຄົນຊັ້ນກາງຂອງຫວຽດນາມພວມເຕີບໂຕ, ແມ່ນຕະຫຼາດທີ່ມີເຕັມໄປດ້ວຍແງ່ຫວັງ.
ໃນບັນດາສິ່ງທ້າທາຍເພື່ອທົດສອບກຳລັງແຮງຂອງການພົວພັນລັດເຊຍ-ຫວຽດນາມ, ອາດເວົ້າເຖິງສະພາບການຢູ່ທະເລຕາເວັນອອກ. ໃນນັ້ນ, ລັດເຊຍ ໄດ້ສະແດງທ່າທີເປັນກາງກ່ຽວກັບການຂັດແຍ້ງກັນຢູ່ທະເລຕາເວັນອອກ, ຖືເປັນສຳຄັນການແກ້ໄຂການປະທະກັນໂດຍສັນຕິວິທີ, ປະຕິບັດຕາມສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 ແລະ ຖະແຫຼງການກ່ຽວກັບການປະພຶດຂອງບັນດາຝ່າຍໃນທະເລຕາເວັນອອກ.
ນັກຂຽນເນັ້ນໜັກວ່າ, ການຢ້ຽມຢາມລັດເຊຍຂອງທ່ານປະທານປະເທດຫວຽດນາມ ຫງວຽນຊວນຟຸກ ຈະສ້າງກຳລັງໜູນໃຫມ່ໃຫ້ການພົວພັນລະຫວ່າງສອງປະເທດ. ການຢ້ຽມຢາມຄັ້ງນີ້ໄດ້ສະແດງໃຫ້ເຫັນຄວາມປາດຖະໜາຂອງຫວຽດນາມ ແລະ ລັດເຊຍ ໃນການປັບປຸງ ແລະ ພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ.
ບຸນຄົງ
