| ສະວິດ ປາດຖະໜາຢາກບັນລຸໄດ້ ສັນຍາການຄ້າເສລີ FTA ກັບ ຫວຽດນາມ | |
| ທ່ານປະທານປະເທດ ຫວຽດນາມ ຫງວຽນຊວັນຟຸກ ເລີ່ມດຳເນີນລາຍການຢ້ຽມຢາມ ສະວິດ |
ໃນວາລະການເຮັດວຽກ, ທ່ານ ນາງ Anjuska Weil ປະທານສະມາຄົມມິດຕະພາບສະວິດ - ຫວຽດນາມ ສະແດງຄວາມຊົມເຊີຍຕໍ່ການຂະຫຍາຍຕົວຂອງສາຍພົວພັນລະຫວ່າງສອງປະເທດ, ແລະ ຕີລາຄາສູງຕໍ່ຜົນງານການພັດທະນາດ້ານຕ່າງໆຂອງຫວຽດນາມ.
 |
| ບັນຍາກາດທີ່ການເຮັດວຽກ |
ບັນດາສະມາຊິກສະມາຄົມມິດຕະພາບສະວິດ - ຫວຽດນາມ ນຳສະເໜີຫຼາຍແນວຄວາມຄິດ ທີ່ແນໃສ່ເພີ່ມທະວີມິດຕະພາບລະຫວ່າງປະຊາຊົນສອງຊາດ, ໃນນັ້ນ, ຄວາມສາມັກຄີປະຊາຄົມຊາວຫວຽດນາມ ຢູ່ ສະວິດ ເປັນປັດໄຈສຳຄັນໜຶ່ງທີ່ຊຸກຍູ້ການພົວພັນແລກປ່ຽນຂອງປະຊາຊົນສອງຊາດ, ແລະ ດຶງດູດການເຂົ້າຮ່ວມຂອງໄວໜຸ່ມທັງສອງປະເທດເຂົ້າໃນການເຄື່ອນໄຫວເພີ່ມທະວີຄວາມເຂົ້າໃຈ, ຄວາມສາມັກຄີ, ມິດຕະພາບ.
 |
| ທ່ານນາງ ຫງວຽນເຟືອງງາ ປະທານສະຫະພັນມິດຕະພາບ ມອບຂອງຂວັນທີ່ລະນຶກໃຫ້ແກ່ທ່ານນາງ Anjuska Weil, ປະທານສະມາຄົມມິດຕະພາບ ສະວິດ - ຫວຽດນາມ. |
ທ່ານນາງ ຫງວຽນເຟືອງງາ ປະທານສະຫະພັນມິດຕະພາບ ສະແດງຄວາມຂອບໃຈຕໍ່ສະມາຄົມມິດຕະພາບ ສະວິດ - ຫວຽດນາມ ແລະ ເພື່ອນມິດສະວິດ ສຳລັບການສະໜັບສະໜູນ, ຊ່ວຍເຫຼືອ, ພິເສດແມ່ນໄດ້ຊ່ວຍ ຫວຽດນາມ ໃນການຕ້ານພະຍາດ Covid-19 ແລະ ມີຫຼາຍກິດຈະກຳການສະເຫຼີມສະຫຼອງ 50 ປີ ວັນສ້າງຕັ້ງສາຍພົວພັນການທູດລະຫວ່າງ ສອງປະເທດ ກໍຄືການເຄື່ອນໄຫວຕ່າງໆທາງດ້ານຂໍ້ມູນຂ່າວສານກ່ຽວກັບສະພາບການຢູ່ຫວຽດນາມ.
 |
| ທ່ານນາງ ຫງວຽນເຟືອງງາ ປະທານສະຫະພັນມິດຕະພາບ ໄດ້ຖ່າຍຮູບທີ່ລະນຶກກັບສະມາຄົມມິດຕະພາບ ສະວິດ - ຫວຽດນາມ. |
ທັງສອງຝ່າຍໄດ້ແລກປ່ຽນກ່ຽວກັບທິດທາງການເພີ່ມທະວີການຮ່ວມມືໃນໄລຍະຕໍ່ໜ້າ, ພິເສດແມ່ນມີບັນດາການເຄື່ອນໄຫວກິດຈະກຳທີ່ແທດຈິງເພື່ອສະເຫຼີມສະຫຼອງ 40 ປີ ວັນສ້າງຕັ້ງສະມາຄົມມິດຕະພາບສະວິດ - ຫວຽດນາມ ໃນປີ 2022.
 |
| ທ່ານນາງ ຫງວຽນເຟືອງງາ ປະທານສະຫະພັນມິດຕະພາບ ໄດ້ມອບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊົນຊາດ” ໃຫ້ແກ່ທ່ານນາງ Anjuska Weil ປະທານສະມາຄົມມິດຕະພາບສະວິດ-ຫວຽດນາມ. |
ວັນດຽວກັນນັ້ນ, ໃນວາລະການພົບປະລະຫວ່າງທ່ານປະທານປະເທດ ຫວຽດນາມ ຫງວຽນຊວນຟຸກ ແລະ ສະມາຄົມມິດຕະພາບສະວິດ - ຫວຽດນາມ ແລະ ຜູ້ຕາງໜ້າປະຊາຄົມຊາວຫວຽດນາມ ທີ່ອາໄສຢູ່ສະວິດ, ທ່ານນາງ ຫງວຽນເຟືອງງາ ປະທານສະຫະພັນມິດຕະພາບ ໄດ້ມອບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາຊົນຊາດ” ໃຫ້ແກ່ທ່ານນາງ Anjuska Weil ປະທານສະມາຄົມມິດຕະພາບສະວິດ - ຫວຽດນາມ.
ໄຊພອນ
