| ເສີມຂະຫຍາຍຄຸນຄ່າວັດທະນະທຳເພື່ອພັດທະນາແບບຍືນຍົງ | |
| ສືບຕໍ່ເພີ່ມພູນຄູນສ້າງການພົວພັນ ອາຊຽນ - ຈີນ ໃຫ້ມີການພັດທະນາຢ່າງບໍ່ຢຸດຢັ້ງ |
 |
| ທ່ານເລຂາທິການໃຫຍ່ ພັກກອມມູນິດ ຫວຽດນາມ ຫງວຽນຝຸຈ້ອງ (ພາບ: VGP) |
ຫວ່າງແລ້ວນີ້, ຢູ່ຮ່າໂນ້ຍ, ທີ່ກອງປະຊຸມວັດທະນະທຳທົ່ວປະເທດ, ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝຸຈ້ອງ ໄດ້ເປັນປະທານ ແລະ ມີບົດກ່າວປາໄສຊີ້ນຳທີ່ສຳຄັນຢູ່ກອງປະຊຸມ.
ບົດລາຍງານທີ່ກອງປະຊຸມຊີ້ແຈ້ງວ່າ ວັດທະນະທຳຫວຽດນາມແມ່ນໝາກຜົນນັບພັນປີແຫ່ງການອອກແຮງງານ, ປະດິດຄິດສ້າງ, ຕໍ່ສູ້ຢ່າງອົງອາດກ້າຫານ ເພື່ອປົກປັກຮັກສາ ແລະ ສ້າງສາປະເທດຊາດ. ວັດທະນະທຳຫວຽດນາມ ໄດ້ຫຼໍ່ຫຼອມຈິດວິນຍານ, ຄຸນນະທາດ ຫວຽດນາມ, ເຮັດໃຫ້ປະຫວັດສາດຂອງຊາດສະຫງ່າລາສີ, ສ້າງເປັນບັນດາຄຸນຄ່າທາງດ້ານວັດທະນະທຳ ຫວຽດນາມ ທີ່ສູງສົ່ງ ຍືນຍົງ. ພາຍຫຼັງ 35 ປີແຫ່ງການປ່ຽນແປງໃໝ່ ປະເທດຊາດ, ທຸກຊັ້ນຄົນໃນສັງຄົມ ໄດ້ເອົາໃຈໃສ່ເຖິງການສຶກສາມະນຸດຢ່າງຮອບດ້ານ. ບັນດາຄຸນຄ່າຄຸນສົມບັດທີ່ເປັນມູນເຊື້ອໄດ້ຮັບການຮັກສາ, ເສີມຂະຫຍາຍ, ປ່ຽນແປງໃໝ່ຕາມທິດທີ່ເໝາະສົມກັບພື້ນຖານເສດຖະກິດການຕະຫຼາດ, ເຊື່ອມໂຍງເຂົ້າກັບສາກົນ.
ກ່າວຄຳເຫັນຊີ້ນຳທີ່ກອງປະຊຸມ, ທ່ານເລຂາທິການໃຫຍ່ ຫງວຽນຝຸຈ້ອງ ຊີ້ແຈ້ງວ່າ ຫວຽດນາມ ຍາມໃດກໍ່ຖືບົດບາດຂອງວັດທະນະທຳເປັນສຳຄັນ ແລະ ມີຄວາມເອົາໃຈໃສ່ເປັນພິເສດເຖິງການສ້າງວັດທະນະທຳໃນພາລະກິດແຫ່ງການຕໍ່ສູ້ປົດປ່ອຍ ແລະ ສ້າງສາປະເທດຊາດ:
“ວັດທະນະທຳແມ່ນພື້ນຖານດ້ານຈິດໃຈຂອງສັງຄົມ, ທັງເປັນເປົ້າໝາຍ, ທັງເປັນກຳລັງແຮງພາຍໃນ, ກຳລັງໜູນສຳຄັນເພື່ອພັດທະນາປະເທດຊາດ, ກຳນົດການພັດທະນາວັດທະນະທຳຢ່າງຄົບຊຸດ, ກົມກຽວກັບການເຕີບໂຕເສດຖະກິດ ແລະ ຄວາມກ້າວໜ້າສັງຄົມ ແມ່ນການກຳນົດທິດພື້ນຖານຂອງຂະບວນວິວັດແຫ່ງການສ້າງສັງຄົມນິຍົມຢູ່ຫວຽດນາມ, ສະແດງໃຫ້ເຫັນລັກສະນະດີເລີດຂອງລະບອບເຮົາ.
ເວົ້າຢ່າງເລິກເຊິ່ງ ແລະ ກະທັດຮັດຄື ປະທານໂຮ່ຈີມິນແມ່ນ “ວັດທະນະທຳເຍືອງທາງໃຫ້ແກ່ປະຊາຊົນກ້າວເດີນ” ພື້ນຖານວັດທະນະທຳເຊິ່ງພວກເຮົາສ້າງຕັ້ງຂຶ້ນແມ່ນພື້ນຖານວັດທະນະທຳທີ່ກ້າວໜ້າ, ເຂັ້ມຂຸ້ມໄປດ້ວຍສີສັນວັດທະນະທຳ ດ້ວຍເນື້ອໃນຫຼັກແຫຼ່ງແມ່ນເອກະລາດຊົນຊາດ ແລະ ລັດທິສັງຄົມ, ລັດທິມາກ - ເລນິນ ແລະ ແນວຄິດໂຮ່ຈີມິນ ຮັກສາບົດບາດຫຼັກແຫຼ່ງໃນການດຳລົງຊີວິດດ້ານຈິດໃຈຂອງສັງຄົມ, ສືບທອດບັນດາມູນເຊື້ອດ້ານວັດທະນະທຳອັນດີງາມຂອງຊາດ ພ້ອມທັງຮັບເອົາຢ່າງມີການຄັດເລືອກບັນດາຜົນງານ, ສິ່ງຍອດຍິ່ງດ້ານວັດທະນະທຳຂອງໂລກ, ສູ້ຊົນສ້າງສັງຄົມສີວິໄລ, ປອດໄສ ເພື່ອຜົນປະໂຫຍດອັນຊອບທຳ ແລະ ກຽດສັກສີຂອງມະນຸດ, ດ້ວຍລະດັບຄວາມຮູ້, ຄຸນສົມບັດ, ກຳລັງແຮງ, ການດຳລົງຊີວິດ ແລະ ຄວາມສວຍງາມທີ່ນັບມື້ນັບສູງຂຶ້ນ.
ທ່ານເລຂາທິການໃຫຍ່ ຫງວຽນຝຸຈ້ອງ ໄດ້ສະເໜີໃຫ້ບັນດາກະຊວງ, ຂະແໜງການທ້ອງຖິ່ນ, ຂະແໜງວັດທະນະທຳສືບຕໍ່ປຸກລຸກຈິດໃຈຮັກຊາດ, ເຈດຈຳນົງສ້າງຄວາມເຂັ້ມແຂງດ້ວຍຕົນເອງ, ຈິດໃຈສາມັກຄີ, ຄວາມຄາດຫວັງຢາກພັດທະນາປະເທດຊາດໃຫ້ວັດທະນາຖາວອນ, ມີຄວາມຜາສຸກຂອງທົ່ວທັງຊາດຢ່າງແຮງກ່ວາອີກ, ເສີມຂະຫຍາຍບັນດາຄຸນຄ່າດ້ານວັດທະນະທຳ, ກຳລັງແຮງ ແລະ ຈິດໃຈອຸທິດສ່ວນຂອງທົ່ວປວງຊົນທັງຊາດ ຫວຽດນາມ, ສ້າງແຫຼ່ງກຳລັງພາຍໃນ ແລະ ກຳລັງໜູນບຸກທະລຸ ເພື່ອປະຕິບັດເປົ້າໝາຍພັດທະນາປະເທດຊາດ ຮອດປີ 2025, 2030, ວິໄສທັດເຖິງປີ 2045 ເຊິ່ງກອງປະຊຸມໃຫຍ່ຄັ້ງທີ XIII ຂອງພັກໄດ້ວາງອອກຢ່າງສຳເລັດຜົນ.
ສ້າງຊາວຫວຽດນາມ ໃນຍຸກສະໄໝໃໝ່, ພັດທະນາ, ເຊື່ອມຕົວເຂົ້າກັບບັນດາຄຸນຄ່າມາດຖານທີ່ເໝາະສົມ, ຕິດພັນກັບການຮັກສາ, ເສີມຂະຫຍາຍຄຸນຄ່າຄອບຄົວຫວຽດ, ລະບົບຄຸນຄ່າວັດທະນະທຳ, ຄຸນຄ່າຂອງປະເທດຊາດ, ສົມທົບກັບບັນດາຄຸນຄ່າທີ່ເປັນມູນເຊື້ອກັບຄຸນຄ່າຂອງຍຸກສະໄໝຢ່າງຄ່ອງແຄ້ວ: ຮັກຊາດ, ສາມັກຄີ, ສ້າງຄວາມເຂັ້ມແຂງດ້ວຍຕົນເອງ, ມີຄວາມຮັກແພງ, ຊື່ສັດບໍລິສຸດ, ມີລະບຽບວິໄນ, ປະດິດຄິດສ້າງ. ບັນດາຄຸນຄ່ານັ້ນ ໄດ້ຫຼໍ່ລ້ຽງດ້ວຍວັດທະນະທຳຄອບຄົວ ຫວຽດ ດ້ວຍບັນດາຄຸນຄ່າຫຼັກແຫຼ່ງ: ຄວາມອີ່ມໜຳສຳລານ, ສົມບູນພູມສຸກ, ຄວາມກ້າວໜ້າ, ສີວິໄລ, ໄດ້ຮັບການເພີ່ມເຕີມ, ພັດທະນາດ້ວຍພື້ນຖານວັດທະນະທຳ ຫວຽດນາມ ທີ່ກ້າວໜ້າ, ເຕັ້ມໄປດ້ວຍສີວັດວັດທະນະທຳ ຫວຽດນາມ, ເຂັ້ມຂົ້ນໄປດ້ວຍສີສັດຊາດ ດ້ວຍລະບົບຄຸນຄ່າ: ຊົນຊາດ, ອະທິປະໄຕ, ມະນຸດສະທຳ, ວິທະຍາສາດ, ບົນພື້ນຖານຂອງລະບົບຄຸນຄ່າແຫ່ງຊາດ ແລະ ກໍ່ແມ່ນເປົ້າໝາຍສູ້ຊົນທີ່ສູງສົ່ງຂອງຊາດເຮົາ: ສັນຕິພາບ, ເອກະພາບ, ເອກະລາດ, ປະຊາຊົນຮັ່ງມີ, ປະເທດຊາດເຂັ້ມແຂງ, ອະທິປະໄຕ, ຍຸຕິທຳ, ສິວິໄລ, ມີຄວາມຜາສຸກ”.
ທ່ານ ຫງວຽນຝຸຈ້ອງ ກໍ່ຮຽກຮ້ອງວ່າ: ຕ້ອງເອົາໃຈໃສ່ກໍ່ສ້າງພັກ ແລະ ລະບົບການເມືອງກ່ຽວກັບວັດທະນະທຳ, ຄຸນສົມບັດ, ເດັດດ່ຽວຕໍ່ສູ້ປ້ອງກັນ, ຕ້ານການສໍ້ລາດບັງຫຼວງ, ໄພຫຍໍ້ທໍ້, ເພື່ອໃຫ້ທັງລະບົບການເມືອງຂອງປະເທດຊາດ ແມ່ນຄຸນສົມບັດ, ແມ່ນຄວາມສີວິໄລຢ່າງແທ້ຈິງ, ເປັນຕົວແທນໃຫ້ຄວາມມະໂນທຳ ແລະ ກຽດສັກສີຂອງ ຊາວຫວຽດນາມ.
ບຸນຄົງ
