| ທ່ານນາຍົກລັດຖະມົນຕີ ຟ໋າມມິງຈີງ ຕ້ອນຮັບ ປະທານອົງການຮ່ວມມືສາກົນຍີ່ປຸ່ນ | |
| ທ່ານນາຍົກລັດຖະມົນຕີ ຫວຽດນາມ ຟ້ານມິງຈິງ ພົບປະກັບຜູ້ຕາງໜ້າປັນຍາຊົນ ຫວຽດນາມ ຢູ່ ຍີ່ປຸ່ນ |
 |
| ທ່ານນາຍົກລັດຖະມົນຕີ ຟ້າມມິງຈິງ ໄປຢ້ຽມຢາມ ແຂວງ Tochigi (ພາບ: VGP) |
ທີ່ການຕ້ອນຮັບທ່ານ ຜູ້ວ່າການ Fukuda Tomikazu, ທ່ານນາຍົກລັດຖະມົນຕີ ຟ້າມມິງຈິງ ແນະນຳວ່າ ໃນຄະນະມີການນຳຫຼາຍແຂວງຂອງ ຫວຽດນາມ ທີ່ມີການພົວພັນມິດຕະພາບ, ການຮ່ວມມືກັບບັນດາທ້ອງຖິ່ນ ຍີ່ປຸ່ນ ຄື: ວິງຟຸກ, ບັກນິງ, ຮຶງອຽນ, ແທັງຮວາ, ເທື່ອທຽນເຫ້ວ, ດ່ານັ້ງ, ບິ່ງດິງ, ຝຸອຽນ…
ທ່ານນາຍົກລັດຖະມົນຕີ ສະແດງຄວາມຂອບອົກຂອບໃຈຕໍ່ການຕ້ອນຮັບອັນອົບອຸ່ນສຳລັບຄະນະ, ທ່ານສະແດງຄວາມປະທັບໃຈຕໍ່ການພັດທະນາທີ່ທັນສະໄໝ, ຍືນຍົງ, ກົມກຽວ ລະຫວ່າງ ເສດຖະກິດ ແລະ ສັງຄົມ, ຄວາມດຸ່ນດ່ຽງລະຫວ່າງ ອຸດສາຫະກຳ, ກະສິກຳ ແລະ ການບໍລິການ, ທ່ານກໍ່ສະແດງຄວາມຊົມເຊີຍຕໍ່ການພັດທະນາຢ່າງຕັ້ງໜ້າຂອງການພົວພັນຮ່ວມມືລະຫວ່າງ ແຂວງ Tochigi ແລະ ບັນດາທ້ອງຖິ່ນ ຫວຽດນາມ.
ທ່ານນາຍົກລັດຖະມົນຕີ ຕີລາຄາສູງບັນດານ້ຳໃຈອັນດີງາມຂອງ ທ່ານ ຜູ້ວ່າການ Fukuda Tomikazu ທີ່ສະຫງວນໃຫ້ແກ່ ຫວຽດນາມ, ທ່ານສະແດງຄວາມຂອບອົບຂອບໃຈ ທ່ານ Fukuda Tomikazu ແລະ ແຂວງ Tochigi ທີ່ໄດ້ສ້າງເງື່ອນໄຂສະດວກໃຫ້ແກ່ປະຊາຄົມຊາວຫວຽດນາມ ທີ່ພວມດຳລົງຊີວິດ, ຮ່ຳຮຽນ, ເຮັດວຽກຢູ່ແຂວງ ໃນໄລຍະເກີດໂລກລະບາດໂຄວິດ - 19. ທ່ານນາຍົກລັດຖະມົນຕີ ສະເໜີໃຫ້ທ່ານຜູ້ວ່າການແຂວງ Tochigi ເປີດກວ້າງການພົວພັນແລກປ່ຽນ, ການຮ່ວມມື, ລົງທຶນ ກັບຫຼາຍທ້ອງຖິ່ນຂອງ ຫວຽດນາມ ເພື່ອແນໃສ່ຂຸດຄົ້ນກຳລັງບົ່ມຊ້ອນ ແລະ ກົນໄກຮ່ວມມືທີ່ມີຢູ່ແລ້ວຢ່າງມີປະສິດທິຜົນ, ແລກປ່ຽນບົດຮຽນປະສົບການພັດທະນາແບບຍືນຍົງ, ຜ່ານນັ້ນ ກໍ່ຍູ້ແຮງບັນດາການເຄື່ອນໄຫວພົວພັນແລກປ່ຽນ, ແລກປ່ຽນຄະນະຜູ້ແທນທຸກຂັ້ນ, ສະໜັບສະໜູນວິສາຫະກິດຂອງແຂວງເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນກັບ ຫວຽດນາມ, ເພີ່ມທະວີການຕ້ອນຮັບນັກຝຶກງານ, ແຮງງານ ຫວຽດນາມ ມາເຮັດວຽກຢູ່ ແຂວງ, ຊຸກຍູ້ການຮ່ວມມືດ້ານທ່ອງທ່ຽວ, ບັນດາການເຄື່ອນໄຫວພົວພັນແລກປ່ຽນ, ຄວາມເຂົ້າໃຈເຊິ່ງກັນ ແລະກັນ ແລະ ນ້ຳໃຈມິດຕະພາບ ລະຫວ່າງ ປະຊາຊົນສອງປະເທດ. ຫວຽດນາມ ພ້ອມແລ້ວທີ່ຈະສ້າງທຸກເງື່ອນໄຂສະດວກເພື່ອໃຫ້ວິສາຫະກິດຂອງ ແຂວງ Tochigi ມາລົງທຶນ, ດຳເນີນທຸລະກິດຢ່າງສຳເລັດຜົນຢູ່ ຫວຽດນາມ, ພິເສດແມ່ນຟື້ນຟູການພັດທະນາເສດຖະກິດ - ສັງຄົມ ພາຍຫຼັງໂລກລະບາດໂຄວິດ - 19.
ທ່ານຜູ້ວ່າການ Fukuda Tomikazu ສະແດງຄວາມເປັນກຽດເມື່ອໄດ້ຕ້ອນຮັບທ່ານນາຍົກລະມົນຕີ ຟ້າມມິງຈິງ ແລະ ຄະນະຜູ້ແທນຂັ້ນສູງ ຫວຽດນາມ ມາຢ້ຽມຢາມ, ທ່ານໃຫ້ຮູ້ວ່າ Tochigi ມີລາຍຮັບໄລ່ສະເລ່ຍຕໍ່ຫົວຄົນສູງອັນດັບທີ 3 ໃນບັນດາທ້ອງຖິ່ນຂອງ ຍີ່ປຸ່ນ.
ທ່ານ Fukuda Tomikazu ລາຍງານຕໍ່ທ່ານນາຍົກລັດຖະມົນຕີ ກ່ຽວກັບສະພາບການຮ່ວມມືລະຫວ່າງແຂວງ Tochigi ແລະ ຫວຽດນາມ ໃນໄລຍະຜ່ານມາວ່າ: ປັດຈຸບັນ ມີວິສາຫະກິດ 22 ແຫ່ງຂອງແຂວງພວມລົງທຶນຢູ່ ຫວຽດນາມ. ປະຊາຄົມຊາວຫວຽດນາມ ປັດຈຸບັນແມ່ນປະຊາຄົມຊາວຕ່າງປະເທດໃຫຍ່ທີ່ສຸດຢູ່ ແຂວງ Tochigi ດ້ວຍ 8000 ຄົນ, ທ່ານຢັ້ງຢືນວ່າ ແຂວງ Tochigi ມີຄວາມປາດຖະໜາຢາກເພີ່ມທະວີການຮ່ວມມືກັບຫຼາຍທ້ອງຖິ່ນຂອງ ຫວຽດນາມ ກ່ວາອີກ, ຢາກຕ້ອນຮັບແຮງງານທີ່ມີຄຸນນະພາບສູງ, ນັກຝຶກງານ ຫວຽດນາມ ມາເຮັດວຽກຢູ່ແຂວງ…
ໃນໂອກາດນີ້, ທ່ານນາຍົກລັດຖະມົນຕີ ຟ້າມມິງຈິງ ໄດ້ເປັນສັກຂີພິຍານໃນພິທີລົງນາມຂໍ້ຕົກລົງການຮ່ວມມືລະຫວ່າງ ແຂວງ ວິງຟຸກ ແລະ ແຂວງ Tochigi.
ບຸນຄົງ
