 |
| ທ່ານນາງ ດັ້ງທີທູຮ່າ ເອກອັກຄະລັດຖະທູດ ຫວຽດນາມ ປະຈຳ ມາຣົກ ກ່າວຄຳເຫັນທີ່ພິທີ (ພາບ: baoquocte.vn) |
ພິທີສະເຫຼີມສະຫຼອງການສ້າງຕັ້ງການພົວພັນທາງການທູດ ລະຫວ່າງ ຫວຽດນາມ - ມາຣົກ ຫາກໍ່ດຳເນີນຢູ່ນະຄອນຫຼວງ Rabat, ມາຣົກ. ເຫດການລວມມີຫຼາຍລາຍການແລກປ່ຽນພົວພັນວັດທະນະທຳສະແດງສິລະປະຂອງສອງປະເທດຄືື ການສະແດງຊຸດອາພອນປະຈຳຊາດ, ສະແດງການຫຼິ້ນດົນຕີ, ສະແດງມວຍພື້ນເມືອງ ແລະ ມວຍວໍວີນາມ.
ພິເສດ, ບັນດາແຂກຖືກເຊີນກໍ່ມີໂອກາດ ໄດ້ຊີມເຍື່ອງອາຫານຫຼາຍຢ່າງທີ່ເປັນເອກະລັກຂອງ ຫວຽດນາມ, ພ້ອມທັງເຂົ້າຮ່ວມງານວາງສະແດງພາບແຕ້ມ “ຫວຽດນາມ: ຫົວໃຈ ແລະ ຈິດວິນຍານ” ຂອງນັກຈິດຕະກອນ Naima Deniale ໂດຍແມ່ນພັນລະຍາຂອງ ທ່ານເອກອັກຄະລັດຖະທູດ ມາຣົກ ປະຈຳ ຫວຽດນາມ El Houcine Fardani.
ທ່ານນາງ ດັ້ງທີທູຮ່າ ເອກອັກຄະລັດຖະທູດ ຫວຽດນາມ ປະຈຳ ມາຣົກ ໃຫ້ຮູ້ວ່າ: ນີ້ແມ່ນໂອກາດເພື່ອພ້ອມກັນຫວນຄືນບັນດາຜົນສຳເລັດທີ່ບັນລຸໄດ້ໃນໄລຍະ 60 ປີຜ່ານມາ ໃນການພົວພັນສອງປະເທດ, ສ້າງທ່ວງທ່າໃຫ້ແກ່ການພັດທະນາຢ່າງແຮງກ່ວາອີກ ໃນໄລຍະຈະມາເຖິງ. ພ້ອມທັງນີ້ກໍ່ແມ່ນໂອກາດເພື່ອຍ້ອງຍໍຈຸດຄວາມງາມດ້ານວັດທະນະທຳຂອງທັງສອງຊາດ, ເຊີດຊູປະຊາຄົມຊາວຫວຽດນາມ ຢູ່ມາຣົກ, ເພື່ອໃຫ້ປະຊາຊົນມາຣົກ ມີຄວາມເຂົ້າໃຈ ແລະ ຮັກແພງຫວຽດນາມ ຕື່ມອີກ.
ບຸນຄົງ
