| ສະຖານທູດ ຫວຽດນາມ ປະຈຳ ລັດເຊຍ ຕັ້ງໜ້າຜັນຂະຫຍາຍ ການທູດ ວັກຊິນ | |
| ຫວຽດນາມ ແລະ ເບລາຣູດ ປຶກສາຫາລືມາດຕະການເພີ່ມທະວີການຮ່ວມມືພັດທະນາການທ່ອງທ່ຽວ |
 |
| ທ່ານເອກອັກຄະລັດຖະທູດ ຫວຽດນາມ ປະຈຳໂອຕາລິດ ຫງວຽນຈຸງກຽນ ແລະ ທ່ານນາງ Barbara Kaudel-Jensen ທີ່ປຶກສາການທູດໃຫ້ນາຍົກລັດຖະມົນຕີ ໂອຕາລິກ (ພາບ: VOV) |
ທ່ານເອກອັກຄະລັດຖະທູດ ຫວຽດນາມ ປະຈຳໂອຕາລິດ ຫງວຽນຈຸງກຽນ ໃຫ້ຮູ້ວ່າ ປີ 2022 ຈະເປັນຂີດໝາຍ 50 ປີແຫ່ງວັນ ຫວຽດນາມ ແລະ ໂອຕາລິດ ສ້າງຕັ້ງການພົວພັນທາງການທູດ. ໃນໂອກາດຍຶ່ນສານຕາຕັ້ງຕໍ່ທ່ານປະທານາທິບໍດີ ໂອຕາລິດ, ທ່ານເອກອັກຄະລັດຖະທູດ ໄດ້ສົ່ງຄຳເຊື້ອເຊີນໄປຢ້ຽມຢາມຫວຽດນາມ ຢ່າງເປັນທາງການ ໃນປີ 2022 ຂອງທ່ານປະທານປະເທດ ຫວຽດນາມ ຫງວຽນຊວັນຟຸກ ເຖິງ ທ່ານປະທານາທິບໍດີ Alexander Van der Bellen. ທ່ານເອກອັກຄະລັດຖະທູດ ເຊື່ອໝັ້ນວ່າ ການຢ້ຽມຢາມຈະສືບຕໍ່ຜົນສຳເລັດຂອງການຢ້ຽມຢາມຂອງປະທານປະເທດໃນຖານະເປັນທ່ານນາຍົກລັດຖະມົນຕີ ລັດຖະບານໄປຍັງ ໂອຕາລິດ ເມື່ອປີ 2018, ຊ່ວຍຍູ້ແຮງການຮ່ວມມືລະຫວ່າງສອງປະເທດໃນໄລຍະຈະມາເຖິງ.
ທ່ານເອກອັກຄະລັດຖະທູດ ເນັ້ນໜັກວ່າ ຫວຽດນາມ ແລະ ໂອຕາລິດ ມີຄວາມສາມາດບົ່ມຊ້ອນຫຼາຍຢ່າງກ່ຽວກັບການຊຸກຍູ້ການຮ່ວມມືດ້ານການຄ້າ, ການລົງທຶນ ແລະ ບຳລຸງສ້າງວິຊາຊີບ. ເລື່ອງສັນຍາ EVFTA ມີຜົນສັກສິດແຕ່ເດືອນສິງຫາ 2020 ຈະແມ່ນເງື່ອນໄຂສະດວກເພື່ອໃຫ້ວິສາຫະກິດສອງປະເທດຊອກຫາກາລະໂອກາດຮ່ວມມືດຳເນີນທຸລະກິດຢູ່ຕະຫຼາດຂອງແຕ່ລະຝ່າຍ. ທ່ານເອກອັກຄະລັດທູດ ອີກຄັ້ງໜຶ່ງໄດ້ສະເໜີ ໂອຕາລິດ ພິຈາລະນາໃຫ້ສັດຕະຍາບັນສັນຍາກ່ຽວກັບການຮ່ວມມືອາລັກຂາການລົງທຶນລະຫວ່າງ ຫວຽດນາມ ແລະ EU (EVIPA) ໂດຍໄວ, ສ້າງເງື່ອນໄຂເພື່ອສັນຍາໄດ້ຮັບການໃຫ້ສັດຕະຍາບັນຈາກທຸກປະເທດສະມາຊິກ EU ໂດຍໄວ ແລະ ໄດ້ນຳເຂົ້າປະຕິບັດຕົວຈິງ. ເນື່ອງໃນໂອກາດນີ້, ທ່ານເອກອັກຄະລັດຖະທູດ ໄດ້ສະເໜີໃຫ້ສອງຝ່າຍຈັດຕັ້ງການເຄື່ອນໄຫວຮ່ວມມືຢູ່ຂັ້ນສູນກາງ ແລະ ທ້ອງຖິ່ນຈຳນວນໜຶ່ງ, ມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ສອງຝ່າຍໄດ້ແບ່ງປັນຄວາມວິຕົກກັງວົນກ່ຽວກັບສະພາບການໂລກລະບາດໂຄວິດ - 19 ແລະ ຖືວ່າ ນີ້ແມ່ນໜຶ່ງໃນບັນດາບັນຫາຮີບດ່ວນ ແລະ ບັນດາປະເທດຕ້ອງຮ່ວມມືກັນຢ່າງແໜ້ນແຟ້ນ ເພື່ອແກ້ໄຂໂດຍໄວ. ບົນຈິດໃຈດັ່ງກ່າວ, ທ່ານເອກອັກຄະລັດຖະທູດ ສະເໜີໃຫ້ໂອຕາລິດ ພິຈາລະນາໜູນຊ່ວຍ ຫວຽດນາມ ໃນວິວັດການຮັບມືກັບໂລກລະບາດໃນປັດຈຸບັນ.
ທ່ານເອກອັກຄະລັດຖະທູດ Kaudel-Jensen ໄດ້ສະແດງຄວາມດີໃຈທີ່ທ່ານເອກອັກຄະລັດຖະທູດ ຫງວຽນຈຸງກຽນ ຮັບໜ້າທີ່ປະຕິບັດງານຢູ່ ໂອຕາລິດ ແລະ ເຊື່ອໝັ້ນວ່າ ສອງປະເທດຈະເສີມຂະຫຍາຍບັນດາຄວາມສາມາດບົ່ມຊ້ອນໃນການຮ່ວມືໃນບັນດາຂົງເຂດທີ່ເປັນທ່າແຮງ, ມຸ່ງໄປເຖິງການສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ.
ທ່ານເອກອັກຄະລັດຖະທູດ Kaudel-Jensen ໄດ້ສະແດງຄວາມຂອບອົກຂອບໃຈຕໍ່ເລື່ອງ ຫວຽດນາມ ສະໜັບສະໜູນ ໂອຕາລິດ ຈັດຕັ້ງບັນດາກອງປະຊຸມໃນຂອບເຂດ ສະຫະພັນລັດຖະສະພາໂລກ (IPU) ໃນລະຫວ່າງວັນທີ 6 – 8 ກັນຍາ 2021 ແລະ ສະແດງຄວາມຊົມເຊີຍຕໍ່ເລື່ອງຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມ.
ນີ້ແມ່ນໂອກາດເພື່ອໃຫ້ສອງປະເທດຊຸກຍູ້ການທູດລັດຖະສະພາ, ປະກອບສ່ວນເຂົ້າໃນການປັບປຸງການພົວພັນຮ່ວມມືເວົ້າລວມ. ກ່ຽວກັບການຮັບມືກັບໂລກລະບາດໂຄວິດ - 19, ທ່ານເອກອັກຄະລັດຖະທູດ Kaudel-Jensen ໄດ້ຕີລາຄາສູງຄວາມມານະພະຍາຍາມຂອງ ຫວຽດນາມໃນການປ້ອງກັນ, ຕ້ານໂລກລະບາດໂຄວິດ - 19 ແລະ ສັນຍາວ່າ ຈະສົມທົບກັບບັນດາອົງການທີ່ກ່ຽວຂ້ອງໃນລັດຖະບານ ອົດສະຕາລີ ປະຕິບັດບັນດາລະບຽບການທີ່ຈຳເປັນເພື່ອໜູນຊ່ວຍ ຫວຽດນາມ ໃນບັນຫານີ້.
ບຸນຄົງ
