ຫາລືໃສ່ຮ່າງກົດໝາຍ ວ່າດ້ວຍທີ່ດິນສະບັບປັບປຸງ

ກອງປະຊຸມຫາລືໃສ່ຮ່າງກົດໝາຍ ວ່າດ້ວຍທີ່ດິນສະບັບປັບປຸງ

ກອງປະຊຸມຄັ້ງນີ້, ໄດ້ພ້ອກັນປຶກສາຫາລື ແລະ ແລກປ່ຽນຄໍາຄິດເຫັນ ກ່ຽວກັບມາດຕາ ທີ່ພົວພັນ ກັບວຽກງານ ຄຸ້ມຄອງ ອະສັງຫາລິມະຊັບ ແລະ ການຄຸ້ມຄອງ ຄອນໂດມີນຽມ, ເຊິ່ງເປັນມາດຕາໃໝ່ ຂອງກົດໝາຍ ວ່າດ້ວຍທີ່ດິນ ສະບັບປັບປຸງ ແນໃສ່ຮັບປະກັນເນື້ອໃນ ໃຫ້ກົດໝາຍ ວ່າດ້ວຍທີ່ດິນ ສະບັບປັບປຸງ ມີເນື້ອໃນສອດຄ່ອງ ກັບສະພາບ ຄວາມເປັນຈິງ ແລະ ເຊື່ອມໂຍງກັບ ພາກພື້ນ-ສາກົນ,ພ້ອມທັງ ເປັນການ ຍົກວຽກງານກົດ ໝາຍໃຫ້ເຂັ້ມແຂງ ແລະ ທັງເປັນ ການຫັນເອົາ ການຄຸ້ມຄອງ ເສດຖະກິດ-ສັງຄົມ ດ້ວຍກົດໝາຍ ຕາມທິດຊີ້ນໍາ ຂອງພັກ.

ນອກຈາກນີ້, ຍັງໄດ້ຮັບຟັງ ການບັນລະຍາຍ ກ່ຽວກັບ ບົດຮຽນ ການດໍາເນີນ ອະສັງຫາລິມະຊັບ ແລະ ການຄຸ້ມຄອງ ຄອນໂດມີນຽມຂອງ ສສ ຫວຽດນາມ, ແນໃສ່ ເພື່ອຮັບປະກັນ ທາງດ້ານເນື້ອໃນ ຂອງກົດໝາຍ ວ່າດ້ວຍທີ່ດິນ (ສະບັບປັບປຸງ) ໃຫ້ມີຄວາມຮັດກຸມແລະ ສາມາດຈັດຕັ້ງປະຕິບັດໄດ້.

（ແຫຼ່ງ​ຂໍ້​ມູນ​： ຂປລ）