 |
| ອົດສະຕາລີ ຊ່ວຍເຫຼືອຫວຽດນາມ ຕີລາຄາຜົນກະທົບຂອງເຕັກໂນໂລຢີເຖິງການເຕີບໂຕເສດຖະກິດ. ພາບ: ສະຖານທູດອົດສະຕາລີ ປະຈຳ ຫວຽດນາມ |
ວັນທີ 3 ພະຈິກ, ກະຊວງວິທະຍາສາດ ແລະເຕັກໂນໂລຢີຫວຽດນາມ ແລະກຸ່ມຄົ້ນຄວ້າ Data61 ຂອງອົງການຄົ້ນຄວ້າວິທະຍາສາດ ແລະອຸດສາຫະກໍາອົດສະຕາລີ (CSIRO) ໄດ້ລົງພິມບົດລາຍງານ “ການປ່ຽນແປງໃໝ່ເຕັກໂນໂລຢີຫວຽດນາມ - ຕີລາຄາຜົນກະທົບຂອງເຕັກໂນໂລຢີເຖິງການເຕີບໂຕເສດຖະກິດ”.
ບົດລາຍງານດັ່ງກ່າວໄດ້ສະເໜີໃນ 5 ຂົງເຂດ, ທໍາອິດແມ່ນການປັບປຸງກໍາລັງ ຄວາມສາມາດໃນການດຶງດູດ ແລະການລົງທຶນ ເພື່ອຊຸກຍູ້ການນໍາໃຊ້ ເຕັກໂນໂລຢີໃນວິສາຫະກິດ. ທີສອງ, ປັບປຸງທັກສະການຄຸ້ມຄອງ, ໂຄງສ້າງ ແລະທັກສະປອດເຕັກນິກຕ່າງໆ. ທີສາມ, ຊຸກຍູ້ການເຄື່ອນໄຫວຄົ້ນຄ້ວາ ແລະ ພັດທະນາ ແລະຕິດພັນກັບບັນດາວິສາຫະກິດ ເພື່ອຊຸກຍູ້ບັນດາຂະແໜງອຸດສາຫະກໍາ ປາຍແຫຼມ. ທີສີ່ ແມ່ນການພັດທະນາແຫຼ່ງຊັບພະຍາກອນມະນຸດ. ແລະສຸດທ້າຍ ແມ່ນສ້າງເຄື່ອງມືນະໂຍບາຍ ແລະກົນໄກການປະຕິບັດຢູ່ລະດັບຊາດ ແລະ ຂັ້ນແຂວງ ເພື່ອກະຕຸ້ນຄວາມມານະພະຍາຍາມພັດທະນາເຕັກໂນໂລຢີ.
ການຄົ້ນພົບຂອງນັກວິທະຍາສາດໃນຂອບເຂດຂອງບົດລາຍງານ “ປ່ຽນແປງໃໝ່ ເຕັກໂນໂລຢີຫວຽດນາມ-ຕີລາຄາຜົນກະທົບຂອງເຕັກໂນໂລຢີເຖິງການເຕີບໂຕເສດຖະກິດ” ແມ່ນຂໍ້ມູນທຳອິດທີ່ໄດ້ຄົ້ນຄວ້າ ແລະຕີລາຄາຢ່າງສັງລວມ, ປະກອບສ່ວນຊ່ວຍໃຫ້ ຫວຽດນາມ ເຂົ້າໃຈຢ່າງເລິກເຊິ່ງກ່ວາອີກກ່ຽວກັບການປະກອບສ່ວນຢ່າງແທດຈິງຂອງເຕັກໂນໂລຢີໃນການພັດທະນາປະເທດຊາດ. ບັນດາການຄົ້ນພົບ ແລະຂໍ້ສະເໜີໃນບົດລາຍງານສະບັບນີ້ ຈະແມ່ນການເຈາະຈິ້ີ້ມທີ່ສຳຄັນໃຫ້ແກ່ນະໂຍບາຍພັດທະນາເຕັກໂນໂລຢີຂອງຫວຽດນາມ ໃນໄລຍະຈະມາເຖິງ.
ໄຊພອນ
