| ຈັດຕັ້ງສັບປະດາ “ມະຫາສາມັກຄີທົ່ວປວງຊົນທັງຊາດ - ມໍລະດົກວັດທະນະທໍາຫວຽດນາມ” | |
| ຮອງປະທານປະເທດຫວຽດນາມ ສິ້ນສຸດການຢ້ຽມຢາມເອີລົບ ຢ່າງຈົບງາມ |
ທ່ານລັດຖະມົນຕີກະຊວງພາຍໃນອັງກິດ ໄດ້ສະແດງຄວາມຍິນດີທີ່ໄດ້ຕ້ອນຮັບ ແລະ ເຮັດວຽກກັບຄະນະຜູ້ແທນຂັ້ນສູງກະຊວງຕຳຫຼວດ ຫວຽດນາມ, ທ່ານຢືນຢັນວ່າ ການຢ້ຽມຢາມອັງກິດ ຂອງທ່ານພົນເອກ ໂຕເລີມ ມີຄວາມໝາຍສຳຄັນ, ປະກອບສ່ວນເພີ່ມທະວີ ແລະ ຊຸກຍູ້ການພົວພັນຮ່ວມມືສອງຝ່າຍກ່ວາອີກ ເພື່ອແກ້ໄຂບັນຫາຄວາມປອດໄພແບບໃໝ່, ພິເສດແມ່ນການຈັດການບັນຫາອາດຊະຍາກຳຂ້າມຊາດ ເຊັ່ນ: ອາດຊະຍາກຳທາງເສດຖະກິດ, ອົບພະຍົບຜິດກົດໝາຍ, ການຄ້າມະນຸດ, ການຟອກເງິນ, ອາຊະຍາກຳເຕັກໂນໂລຊີສູງ…
 |
| ທ່ານລັດຖະມົນຕີ ໂຕເລີມ ມີການເຈລະຈາກັບ ທ່ານນາງ Priti Patel - ລັດຖະມົນຕີກະຊວງພາຍໃນອັງກິດ |
ທ່ານນາງ Priti Patel ຢືນຢັນວ່າ: ອັງກິດໃຫ້ຄຳໝັ້ນສັນຍາ ຈະເພີ່ມທະວີການພົວພັນຮ່ວມມືທີ່ຕິດພັນກັບຜົນປະໂຫຍດຢູ່ພາກພື້ນມະຫາສະມຸດອິນເດຍ-ປາຊີຟິກ; ເພີ່ມທະວີການພົວພັນຮ່ວມມືກັບອາຊຽນ ໃນທຸກຂົງເຂດ, ສະໜັບສະໜູນບົດບາດໃຈກາງຂອງອາຊຽນ ໃນການຮັກສາໂຄງປະກອບຄວາມໝັ້ນຄົງຂອງພາກພື້ນ. ອັງກິດ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ຄວາມປອດໄພທາງທະເລ ຢູ່ທະເລຕາເວັນອອກ ຕາມກົດໝາຍສາກົນ, ພິເສດແມ່ນ UNCLOS 1982.
ທ່ານລັດຖະມົນຕີ ໂຕເລີມ ສະແດງຄວາມຊົມເຊີຍ ອັງກິດ ທີ່ໄດ້ກາຍເປັນຄູ່ເຈລະຈາທີ 11 ຂອງ ອາຊຽນ ຢ່າງເປັນທາງການ ແລະ ພ້ອມແລ້ວທີ່ຈະເປັນຂົວຕໍ່ຊຸກຍູ້ການຮ່ວມມືລະຫວ່າງ ອັງກິດ ແລະ ອາຊຽນ, ໜູນຊ່ວຍ ອັງກິດ ເຂົ້າຮ່ວມ CPTPP.
ທ່ານລັດຖະມົນຕີ ໂຕເລີມ ໄດ້ຢືນຢັນວ່າ ຫວຽດນາມ ຍາມໃດກໍ່ຖືເປັນສຳຄັນການພັດທະນາສາຍພົວພັນກັບ ອັງກິດ, ຍາມໃດກໍຖື ອັງກິດ ແມ່ນໜຶ່ງໃນບັນດາບຸລິມະສິດອັນດັບໜຶ່ງໃນນະໂຍບາຍການຕ່າງປະເທດຂອງຫວຽດນາມ ເພື່ອສັນຕິພາບ, ການຮ່ວມມື ແລະ ພັດທະນາຢູ່ພາກພື້ນ ແລະ ໃນໂລກ. ຫວຽດນາມ ຕີລາຄາສູງເລື່ອງ ອັງກິດ ບັນລຸໄດ້ຂໍ້ຕົກລົງພາຍຫຼັງ Brexit ກັບ EU ໃນຫຼາຍຂົງເຂດ, ຜັນຂະຫຍາຍຍຸດທະສາດ “ອັງກິດໃນທົ່ວໂລກ”, ແລະ ປະກາດບົດລາຍງານສັງລວມກ່ຽວກັບການປ້ອງກັນຊາດ, ປ້ອງກັນຄວາມສະຫງົບ, ການຕ່າງປະເທດ ແລະ ນະໂຍບາຍພັດທະນາແຕ່ນີ້ຮອດປີ 2025, ວິໄສທັດຮອດປີ 2030, ໃນນັ້ນມີເປົ້າໝາຍກາຍເປັນປະເທດໜຶ່ງ ທີ່ມີອິດທິພົນໃຫຍ່ໃນໂລກ, ເຂົ້າຮ່ວມການແກ້ໄຂບັນຫາສາກົນ ແລະ ພາກພື້ນ, ສຸມໃສ່ເພີ່ມທະວີການເຊື່ອມຕໍ່ກັບພາກພື້ນມະຫາສະມຸດອິນເດຍ-ປາຊີຟິກ.
ທ່ານລັດຖະມົນຕີ ໂຕເລີມ ໃຫ້ຮູ້ວ່າ ການພົວພັນຮ່ວມມື ລະຫວ່າງສອງກະຊວງນັບມື້ນັບມີປະສິດທິຜົນ, ແທດຈິງໃນຫຼາຍຂົງເຂດ ຄື: ແບ່ງປັນຂໍ້ມູນຂ່າວສານດ້ານວິຊາສະເພາະ, ຂໍ້ມູນອາດຊະຍາກຳ, ບຳລຸງສ້າງ, ຍົກສູງກຳລັງພະນັກງານ, ຕໍ່ສູ້ຕ້ານອາດຊະຍາກຳຂ້າມຊາດ ໂດຍສະເພາະແມ່ນອາດຊະຍາກຳການຄ້າມະນຸດ, ອາດຊະຍາກຳເຕັກໂນໂລຊີສູງ ແລະ ອື່ນໆ. ເຖິງຢ່າງໃດກໍຕາມ, ໝາກຜົນຂອງການຮ່ວມມືຍັງມີຂໍ້ຄົງຄ້າງ ແລະ ຂໍ້ຈຳກັດທີ່ຕ້ອງສືບຕໍ່ໄດ້ຮັບການແກ້ໄຂໃນໄລຍະຈະມາເຖິງ.
ທ່ານລັດຖະມົນຕີ ໂຕເລີມ ໄດ້ສະເໜີ 5 ຈຸດ ເພື່ອໃຫ້ສອງຝ່າຍສົມທົບກັນປະຕິບັດໃນໄລຍະຈະມາເຖິງ, ປະກອບມີ: ແລກປ່ຽນຄະນະຜູ້ແທນທຸກຂັ້ນ; ແບ່ງປັນຂໍ້ມູນຂ່າວສານທີ່ຕ່າງຝ່າຍຕ່າງມີຄວາມສົນໃຈ; ຮຽກຮ້ອງໃຫ້ຝ່າຍອັງກິດໜູນຊ່ວຍ ຫວຽດນາມ ໃນການເຂົ້າເຖິງວັກແຊງ ແລະ ຢາປິ່ນປົວພະຍາດໂຄວິດ-19; ການຮ່ວມມືໃນການປ້ອງກັນຕ້ານການອົບພະຍົບທີ່ຜິດກົດຫມາຍ; ສ້າງເງື່ອນໄຂໃຫ້ພົນລະເມືອງຫວຽດນາມ ໄດ້ຮັບວີຊາ, ການເຂົ້າເມືອງ, ພັກພາອາໄສ, ສຶກສາ, ແຮງງານທີ່ຖືກກົດໝາຍຢູ່ອັງກິດ ແລະ ຖືວ່າແມ່ນມາດຕະການແກ້ໄຂສຳຄັນ ເພື່ອສະກັດກັ້ນການອົບພະຍົບທີ່ຜິດກົດໝາຍ...
ສອງຝ່າຍມີຄວາມປິຕິຍິນດີ ຕໍ່ບັນດາບາດກ້າວພັດທະນາໃໝ່ຂອງການພົວພັນຮ່ວມມື ລະຫວ່າງ ຫວຽດນາມ ແລະ ອັງກິດ, ພິເສດແມ່ນພາຍຫຼັງ 2 ປະເທດໄດ້ລົງນາມໃນຖະແຫຼງການຮ່ວມກ່ຽວກັບການພົວພັນຄູ່ຮ່ວມມືຍຸດທະສາດ ຫວຽດນາມ - ອັງກິດ: ກຳນົດທິດພັດທະນາໃນ 10 ປີຈະມາເຖິງໃນເດືອນກັນຍາ 2020; ສັນຍາການຄ້າເສລີ ອັງກິດ-ຫວຽດນາມ (UKVFTA) ລົງໃນວັນທີ 31 ທັນວາ 2020.
ສິ້ນສຸດການເຈລະຈາ, ທ່ານນາງລັດຖະມົນຕີກະຊວງພາຍໃນອັງກິດ ໃຫ້ຮູ້ວ່າ ຈະມາຢ້ຽມຢາມ ແລະ ເຮັດວຽກຢູ່ ຫວຽດນາມ ໃນໄຕມາດທີ 1 ປີ 2022 ເພື່ອປຶກສາຫາລືບັນດາແຜນການຮ່ວມມືສອງຝ່າຍລະຫວ່າງ ອັງກິດ ແລະ ຫວຽດນາມ.
ຄຳຮຸ່ງ
