ທ່ານເລຂາທິການໃຫຍ່, ປະທານປະເທດລາວ ສິ້ນສຸດການຢ້ຽມຢາມສັນຖະວະໄມຕີຫວຽດນາມ ຢ່າງຈົບງາມ
	ທ່ານນາງ ດັ້ງ ທິ້ ງອກ ທິ້ງ ຮອງປະທານປະເທດຫວຽດນາມ ພົບປະກັບປະທານາທິບໍດີ ສະວິດ

ທ່ານນາງ ຫວໍ້ທິແອງຊວນ ຮອງປະທານປະເທດຫວຽດນາມ ພົບປະກັບທ່ານ Panagiotis Pikrammenos ຮອງນາຍົກລັດຖະມົນຕີເກຼັກ. ພາບ: ສໍານັກຂ່າວສານຫວຽດນາມ.

ທີ່ການພົບປະກັບຮອງນາຍົກລັດຖະມົນຕີເກຼັກ, ສອງຝ່າຍເຫັນດີເປັນເອກະພາບເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງ; ຜັນຂະຫຍາຍກົນໄກທາບທາມຄວາມເຫັນທີ່ມີຢູ່ໃນປະຈຸບັນໃຫ້ປະສິດທິຜົນ; ເຫັນດີເປັນເອກະພາບເພີ່ມທະວີການສົມທົບກັນຢູ່ເວທີປາໄສສາກົນ ແລະໃນພາກພື້ນ (ສປຊ, ອີຢູ-ອາຊຽນ...); ຮ່ວມມື, ແລກປ່ຽນພະນັກງານຄົ້ນຄວ້າ ແລະກໍ່ສ້າງ.

ໃນການແລກປ່ຽນກັບເລຂາທິການໃຫຍ່ພັກກອມມູນິດເກຼັກ, ທ່ານນາງ ຫວໍ້ທິແອງຊວນ ໄດ້ແຈ້ງໃຫ້ຊາບກ່ຽວກັບບັນດາເປົ້າໝາຍ ແລະການກໍານົດທິດພັດທະນາປະເທດຂອງພັກກອມມູນິດຫວຽດນາມ ໄລຍະ 2021-2025, ວິໄສທັດຮອດປີ 2030 ແລະ 2045. ທ່ານນາງ ຫວໍ້ທິແອງຊວນ ຕີລາຄາສູງການພັດທະນາຕັ້ງໜ້າຂອງການພົວພັນຫວຽດນາມ-ເກຼັກ ແລະຢັ້ງຢືນວ່າ ຫວຽດນາມ ຍາມໃດກໍ່ຖືເປັນສໍາຄັນ ແລະປາດຖະໜາຢາກເພີ່ມທະວີການພົວພັນມິດຕະພາບ, ຮ່ວມມືຮອບດ້ານກັບເກຼັກ. ສອງຝ່າຍເຫັນດີເປັນເອກະພາບຮັກສາບັນດາກົນໄກທາບທາມຄວາມເຫັນສອງຝ່າຍ, ການຮ່ວມມືລະຫວ່າງສອງພັກ ແລະສອງປະເທດຢ່າງສະໝ່ຳສະເໝີ, ຊຸກຍູ້ການພົບປະແລກປ່ຽນວັດທະນະທໍາ ແລະພົບປະແລກປ່ຽນປະຊາຊົນເພື່ອແນໃສ່ນໍາການພົວພັນທີ່ດີງາມລະຫວ່າງສອງປະເທດຂຶ້ນສູ່ລະດັບສູງໃໝ່.

ວັນທີ 2 ພະຈິກ, ຄະນະປະຕິບັດງານໄດ້ສິ້ນສຸດການຢ້ຽມຢາມບຸນກາຣີ, ປອກຕຸຍການ ແລະເກຼັກ ດ້ວຍຜົນສໍາເລັດຢ່າງຈົບງາມ. ໃນວັນດຽວກັນ, ວັກຊິນ AstraZeneca ຈໍານວນ 250.000 ໂດສ ໂດຍລັດຖະບານເກຼັກ ມອບໃຫ້ກໍ່ໄດ້ສົ່ງມາຫວຽດນາມ ເພື່ອຮັບໃຊ້ວຽກງານປ້ອງກັນ, ຕ້ານພະຍາດໂຄວິດ-19.