 |
| ມອບຂອງຂວັນຊ່ວຍເຫຼືອປະຊາຊົນຊາວຫວຽດນາມ ແລະຊາວລາວ ທີ່ປະສົບຄວາມຫຍຸ້ງຍາກຍ້ອນພະຍາດໂຄວິດ-19. ພາບ: ສໍານັກຂ່າວສານຫວຽດນາມ. |
ວັນທີ 21 ຕຸລາ, ສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ໄດ້ສົມທົບກັບວັດເຟິດຕິກ, ທະນາຄານ VietcomBank ສາຂາລາວ ແລະບໍລິສັດ ຄຳຮຸ່ງ ໄຊຈະເລີນ ມອບຂອງຂວັນຈໍານວນ 200 ພູດດ້ວຍມູນຄ່າ 60 ລ້ານກີບ (ທຽບເທົ່າ 6.000 ໂດລາສະຫະລັດ) ໃຫ້ບັນດາຄອບຄົວຊາວຫວຽດນາມ ອາໄສຢູ່ລາວ ແລະຊາວລາວ ທີ່ປະສົບຄວາມຫຍຸ້ງຍາກຍ້ອນພະຍາດໂຄວິດ-19 ຢູ່ນະຄອນຫຼວງວຽງຈັນ.
ກ່າວຄໍາເຫັນທີ່ພິທີ, ຕາງໜ້າບັນດາວິສາຫະກິດອຸປະຖຳ, ທ່ານ ຫງວຽນແທ່ງໂດ ຜູ້ອໍານວຍການ VietcomBank ສາຂາລາວ ໃຫ້ຮູ້ວ່າ ພະຍາດໂຄວິດ-19 ແກ່ຍາວເກືອບ 2 ປີຜ່ານມາໄດ້ສົ່ງຜົນສະທ້ອນອັນໃຫຍ່ຫຼວງເຖິງການດໍາເນີນທຸລະກິດຂອງວິສາຫະກິດ ກໍ່ຄືຊີວິດການເປັນຢູ່ຂອງປະຊາຄົມຊາວຫວຽດນາມ ທີ່ພວມທຳມາຫາກິນຢູ່ລາວ ແລະປະຊາຊົນລາວ. ເຖິງວ່າຍັງຖືກຜົນສະທ້ອນຈາກພະຍາດໂຄວິດ-19 ເຊັ່ນດຽວກັນກໍ່ຕາມ, ແຕ່ຕໍ່ໜ້າຄວາມຫຍຸ້ງຍາກອັນໃຫຍ່ຫຼວງຂອງພີ່ນ້ອງຮ່ວມຊາດ ແລະຂອງປະຊາຊົນລາວ, ບັນດາວິສາຫະກິດຫວຽດນາມ ໄດ້ຮ່ວມແຮງຮ່ວມໃຈບໍລິຈາກເງິນ, ເພື່ອຊ່ວຍເຫຼືອຜູ້ປະສົບຄວາມຫຍຸ້ງຍາກ, ດ້ວຍຄວາມປາດຖະໜາຢາກພ້ອມກັນແບ່ງປັນ, ພ້ອມກັນຜ່ານຜ່າສິ່ງທ້າທາຍຈາກພະຍາດໂຄວິດ-19.
ຕາມຂໍ້ກໍານົດກ່ຽວກັບການປ້ອງກັນ, ຕ້ານພະຍາດໂຄວິດ-19 ຂອງລັດຖະບານລາວ, ຂອງຂວັນເຫຼົ່ານີ້ຈະສົ່ງມອບໃຫ້ຜູ້ຕາງໜ້າບັນດາທ້ອງຖິ່ນ, ຫຼັງຈາກນັ້ນຈະສົ່ງເຖິງບັນດາຄອບຄົວທີ່ປະສົບຄວາມຫຍຸ້ງຍາກ.
la.qdnd.vn
