 |
| ທ່ານ ອະດີດເອກອັກຄະລັດຖະທູດ Ted Osius ເປີດຕົວປຶ້ມກ່ຽວກັບວິວັດການສ້າງຄວາມປອງດອງລະຫວ່າງສະຫະລັດອາເມລິກາ ແລະຫວຽດນາມ. ພາບ: TTXVN |
ເຂົ້າຮ່ວມການເປີດຕົວມີ: ທ່ານ ຮ່າກິມຫງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ; ທ່ານຜູ້ອຳນວຍການຝ່າຍບໍລິຫານ ບໍລິສັດ AmCham ຫວຽດນາມ Mary Tarnowka ແລະຜູ້ຕາງໜ້າ ການນໍາວິສາຫະກິດໃຫຍ່ຫຼາຍແຫ່ງຈາກຫວຽດນາມ ດແລະສະຫະລັດອາເມລິກາ.
ຕາມທ່ານ ຮ່າກິມຫງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ແລ້ວ, ປຶ້ມແມ່ນເອກະສານອ້າງອີງທີ່ລ້ຳຄ່າຫຼາຍສຳລັບນັກຄົ້ນຄ້ວາ, ນັກປະຫວັດສາດ, ນັກຮຽນຮູ້, ນັກສຶກສາ ແລະຜູ້ທີ່ກ່ຽວຂ້ອງໂດຍກົງເຖິງການພົວພັນຫວຽດນາມ-ອາເມລິກາ. ທ່ານ ຮ່າກິມຫງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ເນັ້ນໜັກເຖິງສານຂໍ້ຄວາມຂອງປຶ້ມກ່ຽວກັບຄວາມໝາຍ ແລະຄວາມສໍາຄັນຂອງການສ້າງຄວາມໄວ້ເນື້ອເຊື່ອໃຈ, ເຄົາລົບເຊິ່ງກັນ ແລະກັນ, ໂດຍສະເພາະແມ່ນເຄົາລົບກົດບັນຍັດການເມືອງຂອງກັນແລະກັນ, ຜ່ານນັ້ນ ກໍ່ຊຸກຍູ້ຄວາມປອງດອງ ແລະການຮ່ວມມືລະຫວ່າງປະຊາຊົນສອງປະເທດ.
ທ່ານ ຮ່າກິມຫງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ສະແດງຄວາມເຊື່ອໝັ້ນໃນອະນາຄົດອັນສົດໃສຂອງການພົວພັນຫວຽດນາມ-ອາເມລິກາ ເມື່ອມີເພື່ອນມິດທີ່ດີ, ຈິງໃຈ, ສຸດຈິດສຸດໃຈ ເພື່ອຫວຽດນາມຄືກັບທ່ານເອກອັກຄະລັດຖະທູດ Osius.
ເນື່ອງໃນໂອກາດນີ້, ທ່ານ ຮ່າກິມຫງອກ ເອກອັກຄະລັດຖະທູດຫວຽດນາມ ປະຈຳ ອາເມລິກາ ໄດ້ຊົມເຊີຍທ່ານເອກອັກຄະລັດຖະທູດ Ted Osius ທີ່ໄດ້ຮັບການເລືອກຕັ້ງເປັນປະທານ ແລະຜູ້ອຳນວຍການ ຝ່າຍບໍລິຫານຂອງສະພາທຸລະກິດອາເມລິກາ-ອາຊຽນ (USABC). ທ່ານເອກອັກຄະລັດຖະທູດຫວັງວ່າ ໃນຕຳແໜ່ງໃໝ່ຂອງຕົນ, ທ່ານເອກອັກຄະລັດຖະທູດ Osius ຈະປະກອບສ່ວນຢ່າງຕັ້ງໜ້າ ເຂົ້າໃນການຊຸກຍູ້ການຮ່ວມມືດ້ານເສດຖະກິດ, ການຄ້າ, ການລົງທຶນລະຫວ່າງອາເມລິກາ, ຫວຽດນາມ ແລະອາຊຽນໃຫ້ຫຼາຍກວ່າອີກ.
ທ່ານເອກອັກຄະລັດຖະທູດ Ted Osius ແມ່ນບຸກຄົນທີ່ໃກ້ຊິດສະໜິດສະໜົມ ກັບປະເທດ ແລະປະຊາຊົນຫວຽດນາມ, ມີໄລຍະເວລາເຮັດວຽກຢູ່ຫວຽດນາມທີ່ປະສົບຜົນສຳເລັດທີ່ສຸດ ແຕ່ປີ 2014 - 2017. ທ່ານໄດ້ມີການປະກອບສ່ວນອັນໃຫຍ່ຫຼວງເຂົ້າໃນການຊຸກຍູ້ການພົວພັນຫວຽດນາມ - ອາເມລິກາ, ໂດຍສະເພາະແມ່ນປະກອບສ່ວນອັນສຳຄັນເຂົ້າໃນຜົນສຳເລັດຂອງການຢ້ຽມຢາມຄັ້ງປະຫວັດສາດຂອງ ທ່ານເລຂາທິການໃຫຍ່ ຫງວຽນຟູຈ້ອງ ຢູ່ສະຫະລັດອາເມລິກາ ໃນປີ 2015. ທ່ານຍັງເປັນເອກອັກຄະລັດຖະທູດອາເມລິກາ ປະຈຳ ຫວຽດນາມ ຄົນທຳອິດທີ່ເປັນກຽດໄດ້ຮັບຫຼຽນໄຊມິດຕະພາບ ໂດຍປະທານປະເທດແຫ່ງສາທາລະນະລັດສັງຄົມນິຍົມຫວຽດນາມ ມອບໃຫ້.
ໄຊພອນ
