 |
| ທ່ານຮອງນາຍົກລັດຖະມົນຕີຫວູດຶກດາມ ກ່າວຄຳເຫັນທີ່ກອງປະຊຸມ (ພາບ: VGP) |
ທີ່ກອງປະຊຸມ, ບັນດາຜູ້ແທນໄດ້ຕີລາຄາສູງການໜູນຊ່ວຍຢ່າງຕັ້ງໜ້າຂອງວິທະຍາສາດເຕັກໂນໂລຢີໃນວຽກງານປ້ອງກັນ, ຕ້ານໂລກລະບາດໂຄວິດ - 19.
ໃນໄລຍະທີ່ຜ່ານມາ, ຂະແໜງວິທະຍາສາດເຕັກໂນໂລຢີສືບຕໍ່ຄົ້ນຄ້ວາວັກຊິນແລະຢາປິ່ນປົວໂຄວິດ - 19, ບັນດາວິທີການວິໄຈຫາເຊື້ອໃໝ່ດ້ວຍການກວດນ້ຳລາຍແລະລົມຫາຍໃຈ, ຄົ້ນຄ້ວາບັນດາອາການຫຼັງຕິດເຊື້ອໂຄວິດ - 19, ຄົ້ນຄ້ວາຜະລິດຊຸດກວດຫາເຊື້ອ, ເຄື່ອງຊ່ວຍຫາຍໃຈ.
ທ່ານຮອງສາດສະດາຈານ - ປ.ອ ຫງວຽນເລິນຫ໋ຽວ, ຜູ້ອຳນວຍການໂຮງໝໍມະຫາວິທະຍາໄລແພດສາດຮ່າໂນ້ຍໄດ້ສະເໜີວ່າ: ພວກຂ້າພະເຈົ້າສະເໜີກະຊວງວິທະຍາສາດເຕັກໂນໂລຢີພ້ອມກັບກະຊວງສາທາລະນະສຸກນຳໃຊ້ມາດຕະການວິທະຍາສາດສ້າງມາດຕະຖານຄະແນນເພື່ອຕີລາຄາລະດັບຂອງຜູ້ຕິດເຊື້ອ, ນີ້ແມ່ນບັນຫາສຳຄັນທີ່ສຸດເມື່ອສຳຜັດກັບຜູ້ຕິດເຊື້ອໃນເບື້ອງຕົນແລະຫຼັງຈາກໝູນໃຊ້ເຕັກໂນໂລຢີ, ຖ້າພວກເຮົາບໍ່ຕີລາຄາປະສິດທິຜົນຂອງການໝູນໃຊ້ເຕັກໂນໂລຢີໃນການປິ່ນປົວໃຫ້ແກ່ຜູ້ຕິດເຊື້ອໝາຍຄວາມວ່າ ຈະບໍ່ປະສົບຜົນສຳເລັດ. ໄປຄຽງຄູ່ກັນນັ້ນແມ່ນການນຳໃຊ້ລະບົບປັນຍາປະດິດເພື່ອຈຳແຍກການເຊື່ອມຕໍ່ບັນດາຕຽງນອນວ່າງ, ລົດສຸກເສີນເພື່ອຮັບຄົນເຈັບແລະນຳສົ່ງໄປໂຮງໝໍ.
ປັດຈຸບັນ, ວັກຊິນ Nanocovax ໂດຍບໍລິສັດຫຸ້ນສ່ວນເຕັກໂນໂລຢີຊີວະສາດການຢາ Nanogen ຄົ້ນຄ້ວາຜະລິດໄດ້ຮັບການຕີລາຄາວ່າແມ່ນຢູ່ກາງໄລຍະທີ 3 ແລະພວມລໍຖ້າກະຊວງສາທາລະນະສຸກອະນຸຍາດນຳໃຊ້ໂດຍດ່ວນ. ພ້ອມທັງຢາປິ່ນປົວພະຍາດໂຄວິດ - 19 ຊະນິດຕ່າງໆກໍ່ພວມໄດ້ຮັບການຄົ້ນຄ້ວາຜະລິດ.
ບຸນຄົງ
