 |
| ປ້ອມ ປ້ອງກັນ, ສະກັດກັ້ນໂລກລະບາດໂຄວິດ - 19 ຢູ່ ດົງແອັງ - ຮ່າໂນ້ຍ |
ການແຜ່ລະບາດຮອບທີ 4 ຂອງໂລກລະບາດໂຄວິດ - 19 ພວມມີຄວາມຄຸກຄາມຢ່າງແຮງ, ຈຳນວນຜູ້ຕິດເຊື້ອພະຍາດໂຄວິດ - 19 ຍັງເພີ່ມຂຶ້ນເລື່ອຍໆ, ເຖິງຢ່າງໃດກໍ່ຕາມ ຍັງມີບັນດາປ້ອມປ້ອງກັນ, ສະກັດກັ້ນໂລກລະບາດໂຄວິດ - 19 ໂດຍພະນັກງານ ແລະ ປະຊາຊົນສ້າງຕັ້ງຂຶ້ນດ້ວຍຄວາມຕັດສິນໃຈຢ່າງສູງ, ຄວາມສາມັກຄີ ແລະ ຫົວຄິດປະດິດສ້າງ. ບ້ານ ໂລຢາວ, ຕາແສງ ວຽດຮຸ່ງ (ດົ່ງແອງ - ຮ່າໂນ້ຍ) ຊຶ່ງແມ່ນໜຶ່ງໃນບັນດາທ້ອງຖິ່ນໄດ້ຮັບໃບຍ້ອງຍໍຈາກນາຍົກລັດຖະມົນຕີ ຍ້ອນປະຕິບັດການປ້ອງກັນ, ສະກັດກັ້ນໂລກລະບາດໂຄວິດ - 19 ໄດ້ເປັນຢ່າງດີ.
ບົນເສັ້ນທາງໄປຍັງໃຈກາງຂອງຕາແສງ ວຽດຮຸ່ງ, ບ້ານໂລຢາວ ເຕັມໄປດ້ວຍທຸງຊາດ, ຄຳຂວັນ ຊຶ່ງກະກຽມໃຫ້ແກ່ວັນເລືອກຕັ້ງ. ການດຳລົງຊີວິດເຖິງວ່າຢູ່ໃນສະພາບການທີ່ເປັນປົກກະຕິ ແຕ່ຊາວໃນບ້ານຍັງພວມກຽມສູ້ຮົບກັບໂລກລະບາດໂຄວິດ - 19 ຢ່າງຂ້ຽວຂາດ. ທຸກຄົນລ້ວນແຕ່ຕ້ອງໃສ່ຜ້າອັດປາກ - ດັງ, ພິເສດແມ່ນຜູ້ມາຈາກບ່ອນອື່ນນອກຈາກຕ້ອງໃສ່ຜ້າອັດປາດກັງ ກໍ່ຕ້ອງແທກອຸນຫະພູນຫ່າງກາຍ ແລະ ແຈ້ງອາການສຸຂະພາບ.
ບົນເສັ້ນທາງລະຫວ່າງບ້ານ, ດົນໆກໍ່ມີລົດບັນເທົາເຄື່ອງ, ລົກຈັກຂົນສົ່ງສິນຄ້າ, ເຄື່ອງຂອງທີ່ຈຳເປັນໄປຍັງບ້ານໂລຢາວ ແລະ ເອົາເຄື່ອງລົງຢູ່ປ້ອມກວດກາຂອງບ້ານ. ອ້າຍຫງວຽນຮຸຍຕວານ, ຕຳຫຼວດ ເມືອງດົ່ງແອັງ ໂດຍເປັນຜູ້ຍາມປ້ອມຢູ່ທີ່ນີ້ ໄດ້ຕັກເຕືອນທຸກຄົນວ່າ ຕ້ອງຮັກສາໄລຍະຫ່າງ, ມອບຮັບເຄື່ອງຢູ່ນອກປ້ອມ. ຫຼັງຈາກນັ້ນສິນຄ້າຈະໄດ້ຊາວໜຸ່ມອາສາສະໝັກ ຢູ່ພາຍໃນຂົນສົ່ງໄປຍັງຮອບທີ 2 ຂອງບ້ານ. ຖ້າຫາກຕ້ອງແລກປ່ຽນເງິນສົ, ຜູ້ຢູ່ພາຍໃນບ້ານຕ້ອງຈ່າຍເງິນ ແລ້ວໃສ່ນ້ຳຢາຂ້າເຊື້ອ ແລ້ວໄວ້ຢູ່ໂຕະ ເພື່ອໃຫ້ຄົນຢູ່ນອກມາເອົາຢູ່ໂຕະ. ການແລກປ່ຽນໃນລະດູນັ້ນຍັງຮັກສາໄດ້ໄລຍະຫ່າງຢ່າງໜ້ອຍສຸດແມ່ນ 2 ແມັດ ແລະ ເດັດຂາດບໍໄດ້ພົບປະກັນໂດຍກົງ.
ໂດຍປະຕິບັດການຂ້າເຊື້ອຢູ່ປ້ອມນີ້, ອ້າຍ ຫງວຽນຄັກຊ໊າງ ອາຍຸ 31 ປີ, ຊາວບ້ານໂລຢາວ ພວມທຳຢາຂ້າເຊື້ອ ແລະ ຊີດຢາຢູ່ລົດຂົນສົ່ງໃນບ້ານແຕ່ລະຄັນ, ແລ້ວກໍ່ຟ້າວຝັນຂົນສົ່ງອາຫານສົດເຂົ້າໃນບ້ານ. ຢຶນຢູ່ພາຍໃນ ປ້ອມປ້ອງກັນສະກັດກັ້ນໂລກລະບາດໂຄວິດ - 19 ອ້າຍຊ໊າງໃຫ້ຮູ້ວ່າ: ບ້ານປະຕິບັດການ lockdow, ແຕ່ບໍ່ຫ້າມຂົນສົ່ງສິນຄ້າ, ແລກປ່ຽນພົວພັນສິນຄ້າ. ຈຳນວນສິນຄ້າ, ເຄື່ອງບັນເທົາທຸກຍັງຮັກສາໄດ້ການຂົນສົ່ງ, ດັ່ງນັ້ນບໍ່ມີເລື່ອງຂາດເຂີນເຄື່ອງບັນເທົາທຸກທີ່ຈຳເປັນໃນເຂດ.
ເວລາ 11 ໂມງເຊົ້າ, ໂທລະໂຄງຂອງບ້ານເລີ່ມອອກອາກາດ, ທຸກໆວັນ, ທຸກວັນໂທລະໂຄ່ງໃນບ້ານລ້ວນແຕ່ອອກອາກາດ ເນື້ອໃນອະທິບາຍ, ຕັກເຕືອນທຸກຄົນ ຢູ່ໃຈກາງຂອງບ້ານ ໂດຍເປັນສະຖານທີ່ຖືກແຍກຕົວ, ປິດລ້ອມ, ປະຕິບັດການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ເປັນຢ່າງດີ. ຮຽກຮ້ອງໃຫ້ທຸກຄົນຢູ່ໃນບ້ານ, ບໍ່ໄດ້ພົບປະ, ສຳຜັດກັນຢ່າງເດັດຂາດ ແລະ ປະຕິບັດບັນດາມາດຕະການປ້ອງກັນສະກັດກັ້ນໂລກລະບາດໂຄວິດ - 19 ໃຫ້ເປັນຢ່າງດີ. ເພາະສະນັ້ນ, ປະຊາຊົນ ຈຶ່ງເຂົ້າໃຈ ແລະ ມີຈິດໃຈຕ້ານໂລກລະບາດ ໂຄວິດ - 19 ຂອງແຕ່ລະຄອບຄົວໄດ້ເປັນເຈົ້າການກ່ວາ.
ອ້ານ ຫງວຽນຄັກຊ໊າງ ຫວນຄືນ, ເມື່ອກວດພົບຜູ້ຕິດເຊື້ອພະຍາດໂຄວິດ - 19 ຢູ່ໃນບ້ານ, ປະຊາຊົນໝົດທຸກຄົນລ້ວນແຕ່ຮູ້ສຶກກັງວົນ. ໂລກລະບາດຢູ່ຄຽງຂ້າງເຮົາ, ທົ່ວບ້ານບໍ່ມີຜູ້ໃດກ້າອອກໄປນອກບ້ານ. ຄອບຄົວຂອງ ອ້າຍຊ໊າງ ກໍ່ຄືກັນ, ພໍ່ແມ່ມີອາຍຸສູງແລ້ວ, ລູກຍັງນ້ອຍ, ລາຍຮັບຕົ້ນຕໍໃນຄອບຄົວແມ່ນເງິນເດືອນເປັນກຳມະກອນຂອງລາວ. ໄລຍະປິດບ້ານ, ກໍ່ໝາຍຄວາມວ່າ ອ້າຍຊ໊າງ ບໍ່ໄດ້ໄປເຮັດວຽກ. ເຖິງຢ່າງໃດກໍຕາມ, ດ້ວຍຈິດໃຈພ້ອມກັນຕ້ານໂລກລະບາດໂຄວິດ - 19, ບໍລິສັດຂອງອ້າຍຍັງຕົກລົງຈ່າຍສ່ວນໜຶ່ງເງິນເດືອນຂອງ ອ້າຍ ໃນໄລຍະອ້າຍຢູ່ບ້ານ. ເມື່ອຄວາມກົດດັ່ນກ່ຽວກັບຄ່າໃຊ້ຈ່າຍຫຼຸດລົງ, ອ້າຍຊ໊າງ ພ້ອມກັບຊາວໜຸ່ມໃນບ້ານກໍ່ສະຫງວນເວລາທັງໝົດ ເພື່ອໜູນຊ່ວຍໃຫ້ແກ່ວຽກງານປ້ອງກັນ, ສະກັດກັ້ນໂລກລະບາດໂຄວິດ - 19.
 | ປະຊາຄົມຊາວຫວຽດນາມ ຕ້ອງເປັນເຈົ້າການ, ປະຕິບັດບັນດາຫຼັກການປ້ອງກັນ, ສະກັດກັ້ນໂລກລະບາດໂຄວິດ - 19 ຂອງ ຍີ່ປຸ່ນ ຢ່າງເດັດຂາດ ຍສໝ -ໃນສານຂອງຕົນ, ທ່ານເອກອັກຄະລັດຖະທູດ ຫວູນົ່ງນາມໄດ້ຂຽນວ່າ: ໂລກລະບາດໂຄວິດ - 19 ສືບຕໍ່ມີການຜັນແປຢ່າງສັບສົນ, ເກີດຂຶ້ນໄວຣັດສາຍພັນໃໝ່ຫຼາຍຊະນິດໃນບໍລິເວນທົ່ວໂລກ, ໃນນັ້ນ ມີຍີ່ປຸ່ນ ແລະຫວຽດນາມ, ຈຳນວນຜູ້ຕິດເຊື້ອຢູ່ຍີ່ປຸ່ນຍັງບໍ່ທັນຫຼຸດລົງເທື່ອ. |
 | ມອບເຂົ້າສານ 7 ໂຕນ, ໝີ່ສຳເລັດຮູບ 700 ແກັດ ແລະ ງົບປະມານຊ່ວຍໃຫ້ພໍ່ແມ່ປະຊາຊົນຊາວ ຫວຽດນາມ ອາໄສຢູ່ ກຳປູເຈຍ ເພື່ອປ້ອງກັນ, ຕ້ານໂລກລະ ຍສໝ - ຄະນະໄດ້ມອບໃຫ້ສະມາຄົມຂະແມ - ຫວຽດນາມ ເຂົ້າສານ 2500 ກີໂລກຼາມ, ໝີ່ສຳເລັດຮູບ 350 ແກັດ ແລະ ເງິນເປັນຈຳນວນ 50 ລ້ານດົ່ງ ເພື່ອຊ່ວຍໃຫ້ພໍ່ແມ່ປະຊາຊົນຊາວຫວຽດນາມ ຫຼຸດຜ່ອນຄວາມຫຍຸ້ງຍາກ, ຜ່ານຜ່າໂລກລະບາດໂຄວິດ - 19. |
 | ຊາວຫວຽດນາມ ອາໄສຢູ່ຕ່າງປະເທດ, ສູນກາງຊາວໜຸ່ມ ສສ. ຫວຽດນາມສືບຕໍ່ໜູນຊ່ວຍລາວ ໃນການປ້ອງກັນສະກັດກັ້ນໂລກລະບາດໂຄວິດ - 19 ຍສໝ - ຈຳນວນຂອງຂວັນລວມມີ ສິນຄ້າ 135 ແກັດໃນນັ້ນມີ ຜ້າອັດປາກດັງ ລວມທັງໝົດ 337.500ອັນ ໂດຍຄອບຄົວທ່ານ ເຈິ່ນວຽດຕວັນ ຊາວຫວຽດນາມ ອາໄສຢູ່ຕ່າງ ແລະ ສູນກາງຊາວໜຸ່ມ ກອມມູນິດ ໂຮ່ຈີມິນ ບໍລິຈາກ, ດ້ວຍມູນຄ່າ 10.000 ໂດລາສະຫະລັດ ຊຶ່ງໄດ້ມອບໃຫ້ຄະນະສະເພາະກິດປ້ອງກັນ, ສະກັດກັ້ນໂລກລະບາດໂຄວິດ - 19 ... |
ບຸນຄົງ
