ໃນວັນທີ 8-9 ຕຸລາ, ຢູ່ຮ່າໂນ້ຍ, ກອງປະຊຸມສຳມະນາວິທະຍາສາດສາກົນ “ເຊື່ອມຕໍ່ວັດທະນະທຳ ແລະ ຄວາມສີວິໄລ ອິນເດຍ-ອາຊຽນ”, ຈັດໂດຍສະຖາບັນຄົ້ນຄວ້າອິນເດຍ ແລະ ອາຊີຕາເວັນຕົກສ່ຽງໃຕ້ (VIISAS), ສະຖາບັນວິທະຍາສາດສັງຄົມຫວຽດນາມ ສົມທົບກັບສູນຄົ້ນຄວ້າອິນເດຍ-ອາຊຽນ (AIC), ສະຖາບັນຂໍ້ມູນຂ່າວສານ ແລະ ການຄົ້ນຄວ້າເພື່ອການພັດທະນາປະເທດ (RIS).
 |
| ສະຖານທູດຫວຽດນາມ ປະຈຳ ສ.ເກົາຫຼີ ໄດ້ຈັດຕັ້ງພິທີວາງພວງມາລາເຖິງດວງວິນຍານ ສະຫາຍ ເລຂາຟຽວ ຢູ່ປະເທດຝລັ່ງ, ອີຕາລີ, ສ.ເກົາຫຼີ. (ພາບ: nhandan) |
ກອງປະຊຸມສຳມະນາໄດ້ສຸມໃສ່ບັນດາຫົວຂໍ້ຕໍ່ໄປນີ້: ບັນດາແງ່ມູມທີ່ແຕກຕ່າງຂອງການເຊື່ອມຕໍ່ທາງດ້ານວັດທະນະທໍາ ລະຫວ່າງອິນເດຍ ແລະ ອາຊຽນ ຜ່ານໄລຍະປະຫວັດສາດ, ການຕີລາຄາຜົນງານ, ຄວາມໝາຍ ແລະ ຜົນກະທົບຂອງວິວັັດການເຊື່ອມຕໍ່; ການຄຸ້ມຄອງລັດ ກ່ຽວກັບການເຊື່ອມຕໍ່ທາງດ້ານວັດທະນະທໍາ ແລະ ຄວາມສີວິໄລ, ໃນນັ້ນ ເນັ້ນໜັກເຖິງຄວາມສໍາພັນລະຫວ່າງວັດທະນະທໍາກັບແນວຄິດ ແລະ ລະບອບລະບຽບການ.
ກອງປະຊຸມຍັງໄດ້ເຮັດແຈ້ງຍຸດທະສາດສິດອຳນາດອ່ອນ ໂດຍອີງໃສ່ຄຸນຄ່າທາງດ້ານການເມືອງລວມຂອງອິນເດຍ ແລະ ອາຊຽນ, ພ້ອມທັງມາດຕະການສັນຕິພາບໃນການຄຸ້ມຄອງການປະທະ ແລະ ການຮ່ວມມືດ້ານເສດຖະກິດ ເພື່ອບັນລຸໄດ້ການວິທີແກ້ໄຂລວມ.
ນີ້ແມ່ນເວທີການສຶກສາທີ່ເປີດກວ້າງ, ເປັນມືອາຊີບ ແລະ ກົງໄປກົງມາເພື່ອປຶກສາຫາລືບັນດາວິທີການເປີດກວ້າງ ແລະ ເສີມຂະຫຍາຍການເຊື່ອມຕໍ່ທາງດ້ານວັດທະນະທຳ ລະຫວ່າງອິນເດຍ ແລະ ອາຊຽນ, ປະກອບສ່ວນເຂົ້າໃນການເສີມສ້າງກຳລັງແຮງລວມຂອງສອງພາກພື້ນ, ຊຸກຍູ້ການແລກປ່ຽນວັດທະນະທຳ ແລະ ການທູດລະຫວ່າງປະຊາຊົນ, ຊຸກຍູ້ຄວາມກົມກຽວ, ການພັດທະນາ ແລະ ຄວາມວັດທະນາຖາວອນ.
ຄໍາຮຸ່ງ
