| DAFO ແລະ ສະຖານກົງສູນໃຫຍ່ ກູບາ ປະຈຳ ນະຄອນໂຮ່ຈີມິນ ເຫັນດີເປັນເອກະພາບເພີ່ມທະວີການເຄື່ອນໄຫວພົບປະແລກປ່ຽນປະຊາຊົນ | |
| ມະຕິຂອງລັດຖະບານກ່ຽວກັບການຊື້ວັກຊິນຂອງກູບາ 10 ລ້ານໂດສ |
 |
| ທ່ານນາງ Marta Rojas (ພາບ: chicagotribune.com) |
ທ່ານນາງ Marta Rojas ເກີດວັນທີ 17 ພຶດສະພາ 1931 ຢູ່ Santiago de, ປະເທດກູບາ , ຮຽນຂະແໜງສື່ມວນຊົນຢູ່ ມະຫາວິທະຍາໄລ Havana.
ທ່ານນາງ Marta Rojas ແມ່ນສະມາຊິກສ້າງຕັ້ງໜັງສືພິມ Granma - ໂດຍແມ່ນອົງການກະບອກສຽງຂອງ ພັກກອມມູນິດ ກູບາ, ແມ່ນນັກຂ່າວທີ່ມີຊື່ສຽງຂອງກູບາ…
ໃນໄລຍະເກີດສົງຄາມຢູ່ຫວຽດນາມ ທ່ານນາງ ໄດ້ມາຫວຽດນາມ ເປັນຫຼາຍຄັ້ງ. ບັນດາບົດຂຽນຂອງທ່ານນາງ ໄດ້ຊ່ວຍໃຫ້ປະຊາຊົນກູບາ ແລະ ປະຊາຊົນອາເມລິກາລາຕິນ ເຂົ້າໃຈແຈ້ງກ່ຽວກັບການຕໍ່ສູ້ອັນຊອບທຳເພື່ອເອກະລາດຂອງຊົນຊາດ ຫວຽດນາມ.
ພ້ອມກັບບັນດານັກຂ່າວຍິງ Madeleine Riffaud ຂອງຝລັ່ງ, Blaga Dimitrova ຂອງບູນກາຣີ, ທ່ານນາງ Marta Rojas ແມ່ນນັກຂ່າວສາກົນທີ່ມີໜ້າຢູ່ຫຼາຍເຂດປົດປ່ອຍທາງພາກໃຕ້ຫວຽດນາມ ໃນສົງຄາມ, ໄດ້ຮ່ວມດຳລົງຊີວິດ ແລະ ມີຄວາມຊົງຈຳຫຼາຍຢ່າງກັບ ກອງຫຼອນປົດປ່ອຍຊາດ.
ທ່ານນາງ Marta Rojas ໄດ້ມາຫວຽດນາມ 13 ຄັ້ງ ແລະ ໄດ້ສຳພາດ ທ່ານປະທານໂຮ່ຈີມິນ ໃນເດືອນກໍລະກົດປີ 1969. ພ້ອມທັງ, ທ່ານນາງກໍ່ແມ່ນນັກຂ່າວຕ່າງປະເທດຄົນສຸດທ້າຍ ທີ່ໄດ້ສຳພາດ ທ່ານປະທານໂຮ່ຈີມິນ ກ່ອນເວລາເພິ່ນເຖິງແກ່ມໍລະນະກຳ.
ທ່ານນາງ Marta Rojas ໄດ້ສະຫງວນນ້ຳໃຈຕະຫຼອດຊີວິດຂອງຕົນໃຫ້ແກ່ປະຊາຊົນຫວຽດນາມ, ໄດ້ປະກອບສ່ວນເຂົ້າໃນການນຳພາບພົດຂອງລຸງໂຮ່ ແລະ ການຕໍ່ສູ້ຕ້ານອາເມລິກາ ຢູ່ ຫວຽດນາມ ໄປຍັງກູບາ ແລະ ບັນດາປະເທດອາເມລິກາລາຕິນ.
ໂດຍໄດ້ຮູ້ວ່າ ທ່ານນາງ Marta Rojas ໄດ້ມີໜ້າຢູ່ການພົບປະໃນວັນທີ 19 ກັນຍາ 2021 ລະຫວ່າງທ່ານປະທານປະເທດ ຫງວຽນຊວັນຟຸກ ກັບ ທ່ານຮອງປະທານຜູ້ທີໜຶ່ງສະຖາບັນກູບາມິດຕະພາບກັບບັນດາຊົນຊາດ Noemi Rabaza Fernandez, ທ່ານນາງປະທານສະມາຄົມມິດຕະພາບ ກູບາ - ຫວຽດນາມ Maria Yolanda Ferrer Gomez ແລະ ຜູ້ຕາງໜ້າການນຳບັນດາໂຮງຮຽນທີ່ມີຊື່ ໂຮ່ຈີມິນ, ຫງວຽນວັນເຈີຍ, ຫວໍທິທັງ…
ກ່າວຄຳເຫັນທີ່ການພົບປະ, ທ່ານນາງ Marta Rojas ໄດ້ສະແດງຄວາມປາດຖະໜາຢາກໃຫ້ການພົວພັນສອງປະເທດ ອ້າຍນ້ອງ ຫວຽດນາມ - ກູບາ ນັບມື້ນັບພັດທະນາ, ໝັ້ນແກ່ນ ແລະ ໃຫ້ຮູ້ວ່າ ເມື່ອມີສຸຂະພາບທີ່ແຂງແຮງ ທ່ານນາງຈະມາຢ້ຽມຢາມຫວຽດນາມ ອີກ.
ບຸນຄົງ
