| ມະຕິຂອງລັດຖະບານກ່ຽວກັບການຊື້ວັກຊິນຂອງກູບາ 10 ລ້ານໂດສ | |
| DAFO ຢ້ຽມຢາມ ແລະ ອວຍພອນບຸນປີໃໝ່ການນຳສະຖານທູດ ລາວ ປະຈຳ ດ່ານັ້ງ |
 |
| ທ່ານ ຫງວຽນງອກບິ່ງ ປະທານສະຫະພັນ ບັນດາອົງການຈັດຕັ້ງມິດຕະພາບ ນະຄອນດ່ານັ້ງ (DAFO) ມີການເຮັດວຽກທາງໄກກັບ ທ່ານນາງ Indira Lopez Arguelles ສະຖານກົງສູນໃຫຍ່ ກູບາ ປະຈຳນະຄອນ ໂຮ່ຈີມິນ |
ທີ່ການເຮັດວຽກ, ທ່ານ ຫງວຽນງອກບິ່ງ ໄດ້ກ່າວສັງເຂບປະຫວັດສາດການພົວພັນມິດຕະພາບ ແລະ ການຮ່ວມມືລະຫວ່າງ ຫວຽດນາມ - ກູບາ. ພ້ອມທັງແນະນຳໂດຍຫຍໍ້ກ່ຽວກັບນະຄອນ ດ່ານັ້ງ ແລະ ບັນດາການກຳນົດທິດພັດທະນາຂອງນະຄອນ ໃນໄລຍະຈະມາເຖິງ.
ທ່ານ ບິ່ງ ແນະນຳກ່ຽວກັບ DAFO ແລະ ສະເໜີບັນດາການເຄື່ອນໄຫວສອງຝ່າຍ ອາດຈະສົມທົບກັນຈັດຕັ້ງໃນໄຕມາດທີ IV/2021 ແລະ ປີ 2022.
ສອງຝ່າຍໄດ້ແລກປ່ຽນກ່ຽວກັບບັນດາການເຄື່ອນໄຫວຈະສົມທົບກັນຈັດຕັ້ງໃນໄຕມາດ IV/2021 ເນື່ອງໃນໂອກາດສະເຫຼີມສະຫຼອງ 61 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ກູບາ ຄື: ສັບປະດາຮູບເງົາ ກູບາ ຢູ່ດ່ານັ້ງ,ໂຄງການແຕ້ມພາບທີ່ມີຫົວຂໍ້ກ່ຽວກັບການພົວພັນລະຫວ່າງ ຫວຽດນາມ ກູບາ ທີ່ສະຫງວນໃຫ້ແກ່ນັກຮຽນຂັ້ນມັດທະຍົມຕອນຕອນຕົ້ນ, ແນະນຳກ່ຽວກັບສະພາບການກູບາໃນປັດຈຸບັນ, ກ່ຽວກັບປະເທດຊາດ, ຊາວກູບາ, ວັດທະນະທຳກູບາ ກັບນັກສຶກສາ, ຊາວໜຸ່ມດ່ານັ້ງ, ສົມທົບກັບບັນດາໜ່ວຍງານທີ່ກ່ຽວຂ້ອງຈັດຕັ້ງກອງປະຊຸມສຳມະນາສາກົນ ແນະນຳກາລະໂອກາດຮ່ວມມື, ລົງທຶນລະຫວ່າງບັນດາວິສາຫະກິດສອງປະເທດ…
ທ່ານນາງ Indira Lopez Arguelles ແບ່ງປັນບັນດາຄວາມປະທັບໃຈອັນດີງາມກ່ຽວກັບນະຄອນດ່ານັ້ງ, ສະແດງຄວາມຊົມເຊີຍຕໍ່ໝາກຜົນຂອງການປ້ອງກັນ, ຕ້ານໂລກລະບາດໂຄວິດ - 19 ຂອງນະຄອນ, ພິເສດແມ່ນນະໂຍບາຍໝູນຊ່ວຍສັງຄົມທີ່ສະຫງວນໃຫ້ແກ່ປະຊາຊົນທີ່ປະສົບກັບຄວາມຫຍຸ້ງຍາກຍ້ອນຜົນກະທົບຈາກໂລກລະບາດໂຄວິດ - 19. ທ່ານນາງກໍ່ສະແດງຄວາມຂອບອົກຂອບໃຈຕໍ່ບັນດາການໜູນຊ່ວຍອັນໃຫຍ່ຫຼວງຂອງປະຊາຊົນ ຫວຽດນາມ ທີ່ສະຫງວນໃຫ້ ກູບາ ແລະ ຢັ້ງຢືນການຢ້ຽມຢາມມິດຕະພາບ ສາທາລະນະລັດ ກູບາ ຢ່າງເປັນທາງການຂອງ ທ່ານປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ຫງວຽນຊວັນຟຸກ ແລະ ຄະນະຜູ້ແທນຂັ້ນສູງ ພັກ ແລະ ລັດ ຫວຽດນາມ ໃນລະຫວ່າງວັນທີ 18 – 20 ກັນຍາ 2021 ໄດ້ປະກອບສ່ວນເຮັດໃຫ້ນ້ຳໃຈສາມັກຄີ ລະຫວ່າງຫວຽດນາມ - ກູບາ ໃນໄລຍະໃໝ່ເລິກເຊິ່ງກວ່າອີກ.
ທ່ານນາງ Indira Lopez Arguelles ມີຄວາມປາດຖະໜາຢາກໃຫ້ການພົວພັນລະຫວ່າງ ກູບາ ແລະ ດ່ານັ້ງ ນັບມື້ນັບພັດທະນາ, ສ້າງຄວາມສະໜິດຕິດພັນລະຫວ່າງປະຊາຊົນ ດ່ານັ້ງ ແລະ ກູບາ, ທ່ານນາງກໍ່ເຫັນດີເປັນເອກະພາບກັບບັນດາຂໍ້ສະເໜີຂອງ DAFO ກ່ຽວກັບການຈັດຕັ້ງບັນດາການເຄື່ອນໄຫວການທູດປະຊາຊົນ ກັບສະຖານກົງສູນໃຫຍ່ ກູບາ ປະຈຳ ນະຄອນໂຮ່ຈີມິນ ໃນອະນາຄົດ.
ບຸນຄົງ
