| ນັກປະພັນ ຫວຽດນາມ ຍາດໄດ້ລາງວັນວັນນະຄະດີໃຫຍ່ ຢູ່ ອາເມລິກາ | |
| ຫວຽດນາມ ສະໜັບສະໜູນການເຊື່ອມຕໍ່ການໂອ້ລົມສົນທະນາ, ການຮ່ວມມືລະຫວ່າງ ອາເມລິກາ ແລະ ກູບາ |
 |
| ທ່ານປະທານສະພາແຫ່ງຊາດຫວຽດນາມເວືອງດິ່ງເຫ້ວ ກ່າວຄຳເຫັນທີ່ການເຮັດວຽກ (ພາບ: nld.com.vn) |
ນັ້ນແມ່ນຄຳຢັ້ງຢືນຂອງທ່ານປະທານທັງເປັນຜູ້ອຳນວຍການໃຫຍ່ສະພາທຸລະກິດອາເມລິກາ - ອາຊຽນ Ted Osius. ຕອນເຊົ້າວັນທີ 30 ກັນຍາ, ຕາມການສະເໜີຂອງທ່ານ Ted Osius, ທ່ານປະທານສະພາແຫ່ງຊາດເວືອງດິ່ງເຫ້ວໄດ້ເປັນປະທານການເຮັດວຽກໂດຍກົງສົມທົບກັບທາງໄກກັບຄະນະວິສາຫະກິດຂັ້ນສູງຂອງສະພາທຸລະກິດອາເມລິກາ - ອາຊຽນ.
ການເຮັດວຽກໄດ້ຈັດຕັ້ງຕາມການສະເໜີຈາກຝ່າຍສະພາທຸລະກິດອາເມລິກາ - ອາຊຽນດ້ວຍສະຖານທີ່ເຊື່ອມຕໍ່ຖ່າຍທອດສົດ 100 ແຫ່ງຢູ່ 12 ປະເທດ. ບັນດາສະຖານທີ່ເຊື່ອມຕໍ່ດັ່ງກ່າວແມ່ນຢູ່: ຫໍສະພາແຫ່ງຊາດຫວຽດນາມ, ນະຄອນຫຼວງວໍຊິງຕັນ (ອາເມລິກາ), ສິງກະໂປ, ຟີລິບປິນແລະ ປະເທດຕ່າງໆ.
ກ່າວຄຳເຫັນຕ້ອນຮັບ, ທ່ານປະທານສະພາແຫ່ງຊາດຫວຽດນາມເວືອງດິ່ງເຫ້ວໄດ້ຕີລາຄາສູງປະສິດທິຜົນຂອງປະຊາຄົມວິສາຫະກິດອາເມລິກາເວົ້າລວມ, ສະພາທຸລະກິດອາເມລິກາເວົ້າສະເພາະ, ໄດ້ປະກອບສ່ວນຢ່າງຕັ້ງໜ້າເຂົ້າໃນການພັດທະນາເສດຖະກິດຂອງຫວຽດນາມແລະການພັດທະນາການພົວພັນຄູ່ຮ່ວມມືຮອບດ້ານລະຫວ່າງຫວຽດນາມ - ອາເມລິກາ.
ທ່ານປະທານສະພາແຫ່ງຊາດສະແດງຄວາມປິຕິຊົມຊື່ນຕໍ່ບັນດາໝາກຜົນທີ່ດີງາມໃນການຢ້ຽມຢາມຫວຽດນາມຂອງທ່ານນາງຮອງປະທານາທິບໍດີ Kamala Harris (ເດືອນສິງຫາ 2021) ແລະທ່ານປະທານປະເທດຫງວຽນຊວັນຟຸກເຂົ້າຮ່ວມກອງປະຊຸມສະມັດຊາໃຫຍ່ສປຊປະຈຳນິວຢອກ (ເດືອນກັນຍາ 2021).
ທ່ານປະທານສະພາແຫ່ງຊາດຖືວ່າບັນດາໂຄງການກະທຳໂດຍລັດຖະບານຫວຽດນາມວາງອອກເພື່ອແນໃສ່ຊຸກຍູ້ການພົວພັນດ້ານເສດຖະກິດ, ການຄ້າ, ການລົງທຶນສອງປະເທດໄດ້ມີການພັດທະນາຢ່າງແທດຈິງ.
ທ່ານປະທານສະພາແຫ່ງຊາດໄດ້ສະແດງຄວາມຂອບອົກຂອບໃຈການສະໜັບສະໜູນອັນລ້ຳຄ່າຂອງລັດຖະບານ, ປະຊາຊົນແລະບັນດາວິສາຫະກິດອາເມລິກາທີ່ສະຫງວນໃຫ້ແກ່ຫວຽດນາມໃນການປ້ອງກັນ, ຕ້ານໂລກລະບາດໂຄວິດ - 19, ສະໜອງວັກຊິນໃຫ້ແກ່ຫວຽດນາມເພື່ອຄວບຄຸມໂລກລະບາດໂດຍໄວ, ຟື້ນຟູການຜະລິດແລະພັດທະນາເສດຖະກິດເທື່ອລະກ້າວ, ຕີລາຄາສູງບັນດາບໍລິສັດPfizer, Moderna, Johnson & Johnsonທີ່ໄດ້ແລະພວມໜູນຊ່ວຍວັກຊິນໃຫ້ແກ່ຫວຽດນາມ…
ສ່ວນທ່ານປະທານທັງເປັນຜູ້ອຳນວຍການໃຫຍ່ສະພາທຸລະກິດອາເມລິກາ - ອາຊຽນ Ted Osius ໄດ້ກ່າວຄຳເຫັນສະແດງຄວາມເປັນກຽດເມື່ອມີໂອກາດໄດ້ປະກອບສ່ວນເຂົ້າໃນການພັດທະນາການພົວພັນລະຫວ່າງສອງປະເທດ, ສະແດງຄວາມຊົມເຊີຍຕໍ່ບັນດາຄວາມມານະພະຍາຍາມຂອງຫວຽດນາມໃນການຮັບປະກັນໃຫ້ແກ່ທຸກຄົນກໍ່ຄືໜູນຊ່ວຍວິສາຫະກິດປັບຕົວໃຫ້ແທດເໝາະກັບສະພາບການໃໝ່ແລະປັບປຸງວິທີການສຳຜັດກັບໂລກລະບາດໂຄວິດ - 19.
ທ່ານປະທານທັງເປັນຜູ້ອຳນວຍການໃຫຍ່ສະພາທຸລະກິດອາເມລິກາ - ອາຊຽນ Ted Osius ເນັ້ນໜັກວ່າສະພາທຸລະກິດອາເມລິກາອາຊຽນມີຄວາມຫວັງຢາກຮ່ວມມືພ້ອມກັບລັດຖະບານຫວຽດນາມເພື່ອຮັກສາການຜະລິດ, ສ້າງວຽກເຮັດງານທຳແລະຊຸກຍູ້ການພັດທະນາເສດຖະກິດ. ປະຊາຄົມວິສາຫະກິດອາເມລິກາໃຫ້ຄຳໝັ້ນສັນຍາສະໜັບສະໜູນເປົ້າໝາຍຄວບຄູ່ຂອງຫວຽດນາມແມ່ນທັງຄວບຄຸມໂລກລະບາດແລະພັດທະນາເສດຖະກິດ, ກໍ່ຄືປັບຕົວໃຫ້ແທດເໝາະກັບສະພາບການປົກກະຕິໃໝ່.
| ຕາງໜ້າວິສາຫະກິດອາເມລິກາຂຶ້ນກັບ 6 ກຸ່ມຂະແໜງໄດ້ເຂົ້າຮ່ວມການເຮັດວຽກ. ລະອຽດແມ່ນ: ກຸ່ມການແພດ (Abbott, Merck US, Organon, Varian Medical Systems), ກຸ່ມກະສິກຳ - ສະບຽງອາຫານ (Bayer, Coca-Cola Vietnam, CropLife Asia, Philip Morris, Suntory PepsiCo), ກຸ່ມພະລັງງານ (AES, ECV Holding, General Electric), ກຸ່ມເຕັກໂນໂລຢີ (3M, Amazon Web Services, Apple, Autodesk, Facebook, Ford, Google, IBM, Mastercard, Oracle, Salesforce), ກຸ່ມການບໍລິການການເງິນ (AIG, Bank of America, Citi), ກຸ່ມຕ່າງໆ(logistics, ການສຶກສາ, ມາດຕະການແລະການກວດກາ, ສື່ມວນຊົນບັນເທິງ, ເຄື່ອງບໍລິໂພກ, ການປ້ອງກັນຊາດ) ລວມມີ Agoda, Bay Global Strategies, Bell, Boeing, FedEx, Lockheed Martin, Netflix, Nike, UL, UPSm US-ABC… |
ບຸນຄົງ
