| ທ່ານປະທານປະເທດ ຫງວຽນຊວນຟຸກ ຕ້ອນຮັບບັນດາອົງການມິດຕະພາບກູບາ-ຫວຽດນາມ | |
| ທ່ານປະທານປະເທດ ຫງວຽນຊວນຟຸກ ຢ້ຽມຢາມສະຖານທູດ ແລະປະຊາຄົມຊາວຫວຽດນາມ ອາໄສຢູ່ກູບາ |
 |
| ທ່ານປະທານປະເທດ ກູບາ ປະດັບຫຼຽນໄຊ Jose Marti ໃຫ້ແກ່ ທ່ານປະທານປະເທດ ຫງວຽນຊວນຟຸກ. ພາບ: zingnews.vn |
ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ສະແດງຄວາມເປັນກຽດ ແລະ ມີຄວາມຕື້ນຕັນໃຈທີ່ໄດ້ຮັບຫຼຽນໄຊອັນສູງສົ່ງທີ່ສຸດຂອງລັດ ກູບາ.
ຕາງໜ້າໃຫ້ລັດ ແລະປະຊາຊົນຫວຽດນາມ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ສະແດງຄວາມຂອບໃຈຢ່າງຈິງໃຈ ແລະຄວາມຮູ້ບຸນຄຸນຢ່າງເລິກເຊິ່ງຕໍ່ອາລົມຈິດ ແລະ ການຮັບຮູ້ຂອງຜູ້ນຳພັກ, ລັດ ແລະປະຊາຊົນກູບາ ສຳລັບຄວາມມານະພະຍາຍາມແລະການປະກອບສ່ວນ ເພື່ອການພັດທະນາການພົວພັນຄວາມສາມັກຄີມິດຕະພາບ ລະຫວ່າງພັກ, ລັດ ແລະປະຊາຊົນສອງປະເທດຫວຽດນາມ - ກູບາ.
ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ກ່າວແຈ້ງວ່າ ການໄດ້ຮັບຫຼຽນໄຊອັນສູງສົ່ງແມ່ນມີຄວາມເປັນກຽດອັນໃຫຍ່ຫຼວງ ແລະ ປາດຖະໜາວ່າຈະໄດ້ແບ່ງປັນຄວາມເອກອ້າງທະນົງໃຈກັບບັນດາສະຫາຍຖານອ້າຍນ້ອງຫວຽດນາມ ແລະກູບາ.
ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ຢ້ຳຄືນຄຳເວົ້າທີ່ມີຊື່ສຽງຂອງ ຜູ້ນຳ Fidel Castro ທີ່ວ່າ: “ເພື່ອຫວຽດນາມ, ກູບາ ພ້ອມແລ້ວທີ່ຈະອຸທິດສ່ວນທັງເລືອດເນື້ອຂອງຕົນ” ແລະ ຄຳເວົ້າຂອງປະທານ ໂຮ່ຈີມິນ ເມື່ອຕ້ອນຮັບຄະນະຜູ້ແທນຂັ້ນສູງກູບາ ໃນເດືອນ ຕຸລາ 1966 ທີ່ວ່າ: “ຫວຽດນາມ ແລະ ກູບາ ເຖິງວ່າຢູ່ຫ່າງໄກກັນກໍຕາມ ແຕ່ສາຍຈິດມິດໃຈລະຫວ່າງສອງປະເທດແມ່ນໃກ້ຊິດສະໜິດສະໜົມເໝືອນດັ່ງອ້າຍນ້ອງໃນຄອບຄົວດຽວ”.
ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ຢັ້ງຢືນຄວາມຕັດສິນໃຈ ແລະ ມານະພະຍາຍາມ ສືບຕໍ່ເພີ່ມພູນຄູນສ້າງສາຍພົວພັນສາມັກຄີທີ່ບໍລິສຸດຜຸດຜ່ອງ ແລະ ເປັນແບບຢ່າງນີ້ ໂດຍປະທານໂຮ່ຈີມິນ ແລະ ຜູ້ນຳ Fidel Castro ພ້ອມດ້ວຍການນຳ ແລະປະຊາຊົນລຸ້ນຕ່າງໆໄດ້ເພີ່ມພູນຄູນສ້າງ, ໄດ້ຮັບການຫຼໍ່ຫຼອມໃນຕະຫຼອດໄລຍະປະຫວັດສາດ 60 ກວ່າປີທີ່ຜ່ານມາ.
ກ່ອນໜ້ານັ້ນ, ໃນຕອນບ່າຍຂອງວັນທີ 19 ກັນຍາ, ທ່ານປະທານປະເທດຫວຽດນາມ ຫງວຽນຊວນຟຸກ ແລະ ຄະນະຜູ້ແທນຂັ້ນສູງ ຂອງຫວຽດນາມ ໄດ້ໄປວາງພວງມາລາຢູ່ອະນຸສາວະລີ ແລະ ຢ້ຽມຢາມເຂດອະນຸສອນສະຖານນັກວິລະຊົນແຫ່ງຊາດ Jose Marti.
ພວງມາລາ ໄດ້ຂຽນໂຕແຖວໜັງສືວ່າ: ກຽດສະຫງ່າແມ່ນຂອງວິລະຊົນແຫ່ງຊາດກູບາ Jose Marti ຕະຫຼອດໄປ.
ເຂົ້າຮ່ວມພິທີຖະຫວາຍທູບທຽນມີ ທ່ານກຳມະການກົມການເມືອງ, ຮອງປະທານປະເທດກູບາ Salvador Valdés Mesa ແລະບັນດາສະມາຊິກໃນຄະນະຜູ້ແທນຂັ້ນສູງຂອງພັກ ແລະລັດຫວຽດນາມ.
ໄຊພອນ
