| ຮ່າໂນ້ຍ: ປະຊາຊົນກວ່າ 2,6 ລ້ານຄົນໄດ້ຮັບການຊ່ວຍໜູນສັງຄົມ | |
| ຈີນຈະໜູນຊ່ວຍວັກຊິນໃຫ້ແກ່ຫວຽດນາມ ຕື່ມອີກ 3 ລ້ານໂດສ |
 |
| ພາບປະກອບ |
ຕາມຂໍ້ຕົກລົງແຈກຢາຍວັກຊິນຂອງ ສະຖາບັນອະນາໄມພະຍາດລະບາດວິທະຍາສູນກາງ, ຮ່າໂນ້ຍໄດ້ຮັບກ່ວາ 1,3 ລ້ານໂດສ, ກວາງນິງກ່ວາ 700.000 ໂດສ, ນະຄອນໂຮ່ຈີມິນ, ລ້າງເຊີນ, ຫ໋າຍຟ່ອງ ແລະ ອຽນບ້າຍ, ແຕ່ລະແຂວງ 500.000 ໂດສ. ບັກນິງໄດ້ຮັບ 400.000 ໂດສ, ແຄ້ງຮ່ວາ, ກຽນຢາງແຕ່ລະແຂວງແມ່ນ 300.000 ໂດສ.
ບັກຢາງ, ນາມດິງ, ແທງຮວາ, ເງະອານ, ກ໋ວາງຈິ, ບິ່ງດິ້ງ, ລອງອານ, ດົ່ງທາບ, ເລິມດົ່ງ, ໄຕນິງ... ແຕ່ລະແຂວງແມ່ນ 200.000 ໂດສ, ບັນດາທ້ອງຖິ່ນຕ່າງໆປະມານ 100.000 ໂດສ.
ສະຖາບັນອະນາໄມພະຍາດລະບາດວິທະຍາສູນກາງຮຽກຮ້ອງໃຫ້ຫ້ອງການໂຄງການສັກວັກຊິນກັນໂຄວິດ - 19 ແຫ່ງຊາດສົມທົບກັນເພື່ອສົ່ງວັກຊິນກັນໂຄວິດ - 19 ໃຫ້ແກ່ຫ້ອງວ່າການສັກວັກຊິນເປີດກ້ວາງຕາມແຕ່ລະເຂດ. ສູນຄວບຄຸມໂລກລະບາດໂຄວິດ - 19 ບັນດາແຂວງ, ນະຄອນຈະຈັດຕັ້ງການສັກວັກຊິນໂຄວິດ - 19 ຕາມຈຳນວນທີ່ໄດ້ຮັບການແຈກຢາຍຢ່າງທັນທີ ລວມມີເຂັມທີ 1 ແລະ ທີ 2.
ມາຮອດປັດຈຸບັນ, ຫວຽດນາມ ໄດ້ຮັບວັກຊິນກັນໂຄວິດ - 19 ເກືອບ 48 ລ້ານໂດສ, ແຈກຢາຍເປັນ 43 ຄັ້ງໃຫ້ແກ່ບັນດາແຂວງ, ນະຄອນໃນທົ່ວປະເທດ.
ບຸນຄົງ
