 |
| ບັນດາຜູ້ແທນເຂົ້າຮ່ວມພິທີ |
ຢູ່ມາເລເຊຍ, ທ່ານເອກອັກຄະລັດຖະທູດ ເຈິ່ນວຽດທ໊າຍ ໄດ້ແຈ້ງໃຫ້ຊາບກ່ຽວກັບສະພາບການພາຍໃນປະເທດ ແລະ ເນັ້ນໜັ້ກວ່າ ເຖິງວ່າສະພາບການໂລກລະບາດໂຄວິດ - 19 ພາຍໃນປະເທດພວມມີການຜັນແປ່ຢ່າງສັບສົນ, ແຕ່ພັກ, ລັດ ຍັງມີຄວາມເອົາໃຈໃສ່ເປັນພິເສດເຖິງປະຊາຄົມຊາວຫວຽດນາມ ອາໄສຢູ່ຕ່າງປະເທດ ເວົ້າລວມ, ຢູ່ມາເລເຊຍ ເວົ້າສະເພາະ. ນອກຈາກການສືບຕໍ່ນຳບັນດາກໍລະນີພິເສດທີ່ປະສົບກັບຄວາມຫຍຸ້ງຍາກກັບຄືນເມືອປະເທດແລ້ວ, ລັດຖະບານ ຍັງໄດ້ໜູນຊ່ວຍພໍ່ແມ່ປະຊາຊົນປະກອບວັດຖຸອຸປະກອນ ແລະ ການເງິນໃນການຕ້ານໂລກລະບາດໂຄວິດ - 19.
ສະຖານທູດ ສືບຕໍ່ຈັດຕັ້ງຫຼາຍການເຄື່ອນໄຫວທຳການກຸສົນ, ໜູນຊ່ວຍພໍ່ແມ່ປະຊາຊົນດ້ວຍບັນດາຂອງຂວັນທີ່ແທດຈິງ, ພ້ອມທັງສົມທົບກັບອົງການທີ່ມີໜ້າທີ່ຮັບຜິດຊອບຢູ່ປະເທດປະຈຳຖິ່ນ ເພື່ອໃຫ້ນັບມື້ນັບມີຊາວຫວຽດນາມຫຼາຍຄົນໃນບໍລິເວນໄດ້ຮັບການສັກວັກຊິນກັນໂຄວິດ - 19.
ທ່ານເອກອັກຄະລັດຖະທູດ ຈະຈັດຕັ້ງລາຍການເດີນທາງໄປປະຕິບັດງານຕົວຈິງຫຼາຍກ່ວາອີກ, ເປັນຕົ້ນແມ່ນສຳລັບເຂດຫ່າງໄກສອກຫຼີກ, ສະຖານທີ່ເຕົ້າໂຮມພໍ່ແມ່ປະຊາຊົນຫວຽດນາມເປັນຈຳນວນຫຼາຍ ທັງເພື່ອຊອກຮູ້ສະພາບການ ທັງແກ້ໄຂບັນດາບັນຫາທີ່ພໍ່ແມ່ປະຊາຊົນພວມປະສົບກັບຄວາມຫຍຸ້ງຍາກ.
ທ່ານເອກອັກຄະລັດຖະທູດ ໄດ້ສະແດງຄວາມຂອບອົກຂອບໃຈຕໍ່ພໍ່ແມ່ປະຊາຊົນທີ່ໄດ້ແບ່ງປັນ, ພ້ອມກັບສະຖານທູດ ປະຕິບັດວຽກງານປະຊາຄົມໃຫ້ເປັນຢ່າງດີ, ທ່ານກໍ່ມີຄວາມປາດຖະໜາຢາກໃຫ້ພໍ່ແມ່ປະຊາຊົນສືບຕໍ່ຜັນຂະຫຍາຍຈິດໃຈຮັກແພງກັນ, ພ້ອມກັຜ່ານຜ່າຄວາມຫຍຸ້ງຍາກ.
ໃນໄລຍະຜ່ານມາ, ປະຊາຄົມຊາວຫວຽດນາມ ອາໄສຢູ່ມາເລເຊຍ ໄດ້ສົມທົບກັບສະຖານທູດ ຈັດຕັ້ງບັນດາການທຳການກຸສົນຢູ່ບັນດາທ້ອງຖິ່ນ, ໜູນຊ່ວຍຜູ້ປະສົມກັບຄວາມຫຍຸ້ງຍາກຫຼາຍຄົນ.
ບັນດາຄະນະຊາວຫວຽດນາມ ໃນບໍລິເວນຄື ສະມາຄົມແມ່ຍິງ, ສະມາຄົມວິສາຫະກິດ ໄດ້ຮຽກຮ້ອງສະໜັບສະໜູນກອງທຶນສາຍໃຈຫວຽດ, ກອງທັບປ້ອງກັນ, ຕ້ານໂລກລະບາດໂຄວິດ - 19 ຂອງ ຫວຽດນາມ ນັບຮ້ອຍລ້ານດົ່ງ ແລະ ວັດຖຸອຸປະກອນການແພດຈຳນວນຫຼວງຫຼາຍ, ຊ່ວຍຊາວຫວຽດນາມ ນັບຮ້ອຍຄົນປະຕິບັດສຳເລັດການສັກວັກຊິນ...
ທີ່ການພົບປະເນື່ອງໃນໂອກາດ ວັນຊາດ, ບັນດາວິສາຫະກິດ ຫວຽດນາມ ໃນບໍລິເວນໄດ້ສະໜັບສະໜູນບັນດາການເຄື່ອນໄຫວທຳການກຸສົນຂອງສະຖານທູດ ເປັນຈຳນວນເງິນ 130 ລ້ານ ດົ່ງ.
ຢູ່ການາດາ, ທ່ານເອກອັກຄະລັດຖະທູດ ຟ້າມກາວຟອງ ໄດ້ຫວນຄືນຄວາມໝາຍຂອງໄຊຊະນະການປະຕິວັດເດືອນສິງຫາ ແລະ ວັນຊາດທີ 2 ກັນຍາ.
ທ່ານເອກອັກຄະລັດຖະທູດເນັ້ນໜັກວ່າ ໃນພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ, ຫວຽດນາມ ຍາມໃດກໍ່ຈົດຈຳ ແລະ ຕີລາຄາສູງການສະໜັບສະໜູນ, ການໜູນຊ່ວຍອັນລ້ຳຄ່າ, ປະສິດທິຜົນຂອງຫຼາຍປະເທດ, ເພື່ອນມິດ ແລະ ບັນດາອົງການຈັດຕັ້ງສາກົນ.
ໃນບັ້ນຕໍ່ສູ້ກັບໂລກລະບາດໂຄວິດ - 19, ຫວຽດນາມ ໄດ້ຮັບການໜູນຊ່ວຍ, ຊ່ວຍເຫຼືອຈາກບັນດາຄູ່ຮ່ວມມື, ເພື່ອນມິດທີ່ໃກ້ແລະໄກ, ທ່ານມີຄວາມປາດຖະໜາວ່າ ເພື່ອນມິດສາກົນ ຈະສືບຕໍ່ຮ່ວມແຮງຮ່ວມໃຈຊ່ວຍຫວຽດນາມ ຕ້ານໂລກລະບາດໂຄວິດ - 19.
ບຸນຄົງ
