| ຫໍພິພທະພັນວິຈິດສິນຫວຽດນາມ ເປີດຕົວເຕັກໂນໂລຢີການທ່ອງທ່ຽວອອນໄລ໌ 3D | |
| ປ່າໄມ້ຊອດຢູ່ເມືອງ Mu Cang Chai |
ທ່ານ ເລຫງອກແຄັ່ງ, ຮອງປະທານຄະນະກໍາມະການປະຊາຊົນແຂວງ ບາເຣຍ - ວູງເຕົາ ກ່າວວ່າ ແຂວງໄດ້ອະນຸຍາດໃຫ້ທົດລອງເປີດໂຮງແຮມຄືນໃໝ່ ດ້ວຍການບໍລິການຄົບວົງຈອນ, ໂດຍມີແຜນການຮັບປະກັນຄວາມປອດໄພໃນການປ້ອງກັນ ແລະ ຄວບຄຸມພະຍາດ ສຳລັບໂຮງແຮມ Melia ໂຮ່ຈ່າມ, ໂຮ່ຈ່າມ Strip, ຫ້ວຍນໍ້າຮ້ອນ ບີ່ງເຈົາ ແລະ ໂຮງແຮມ Six Senses ກົນດາວ… ຕາມການແນະນໍາ.
ຢູ່ບັນດາເມືອງເຂດສີຂຽວ ເຊັ່ນ: ເຈົາດຶດ, ຊຽນໂມກ, ເດີດດໍ ແລະ ກົນດາວ, ໄດ້ອະນຸຍາດໃຫ້ນຳໃຊ້ກິດຈະກຳການຜະລິດ, ທຸລະກິດ ແລະ ການບໍລິການຈຳນວນໜຶ່ງ...
 |
| ພາບປະກອບ |
ຫ້າງສັບພະສິນຄ້າ, ສູນການຄ້າ ແລະ ລະບົບຮ້ານຄ້າຂາຍຍ່ອຍ ຈະຕ້ອງດຳເນີນການປະເມີນຄວາມປອດໄພໃນການປ້ອງກັນ ແລະ ຄວບຄຸມພະຍາດ ກ່ອນຈະໄດ້ຮັບອະນຸຍາດໃຫ້ເປີດຄືນໃໝ່.
ຕະຫຼາດຈະເປີດຄືນໃໝ່ ແຕ່ຕ້ອງມີພຽງການຄ້າຂາຍສິນຄ້າທີ່ຈຳເປັນ ແລະ ກໍ່ຕໍ່ເມື່ອເຂົາເຈົ້າຕອບສະໜອງເງື່ອນໄຂການປ້ອງກັນ ແລະ ຄວບຄຸມການລະບາດຂອງພະຍາດໄດ້ຢ່າງຄົບຖ້ວນ.
ຄະນະກຳມະການປະຊາຊົນຂອງບັນດາເມືອງ ຕ້ອງກຳນົດເວລາ ແລະ ວິທີການດຳເນີນຂອງຕະຫຼາດ ໃຫ້ສອດຄ່ອງກັບສະພາບຕົວຈິງຂອງແຕ່ລະທ້ອງຖິ່ນ. ການໄປຕະຫຼາດນຳໃຊ້ຮູບແບບການແຈກບັດ ດ້ວຍສອງຄັ້ງຕໍ່ອາທິດ, ແບ່ງອອກເປັນໂມງເວລາຕາມບ້ານ, ຄຸ້ມ ແລະ ເມືອງ.
ຮ້ານອາຫານ, ສາຂາການບໍລິການອາຫານ ສາມາດດໍາເນີນການຜ່ານຮູບແບບການສັ່ງອອນໄລ, ບໍ່ໃຫ້ຂາຍໂດຍກົງໃຫ້ກັບປະຊາຊົນ, ຄົນສົ່ງແມ່ນພະນັກງານຂອງບໍລິວັດທີ່ໃຫ້ບໍລິການຈັດສົ່ງສິນຄ້າ ທີ່ນຳໃຊ້ເຕັກໂນໂລຢີຕ້ອງຮັບປະກັນມາດຕະການຄວາມປອດໄພ, ປ້ອງກັນການລະບາດ. ຫຼັງຈາກໄດ້ຮັບການພິຈາລະນາ ແລະ ປະເມີນເງື່ອນໄຂຄົບຖ້ວນ, ທາງຮ້ານຈະຕິດກາຄົວເຮືອນທຸລະກິດສີຂຽວ ຫຼື ຄົວເຮືອນທຸລະກິດທີ່ປອດໄພ ໃສ່ກັບອາຫານ.
ກິດຈະກຳກໍ່ສ້າງ ສືບຕໍ່ດໍາເນີນການໄດ້ໂດຍມີເງື່ອນໄຂນຳໃຊ້ແຮງງານວ່າ ຕ້ອງແມ່ນປະຊາຊົນທີ່ອາໄສຢູ່ໃນບໍລິເວນເມືອງໃດໜຶ່ງ.
ແຮງງານໄດ້ຮັບອະນຸຍາດໃຫ້ໃຊ້ພາຫະນະສ່ວນຕົວ ເພື່ອເດີນທາງຈາກບ່ອນຢູ່ອາໄສຂອງເຂົາເຈົ້າໄປຫາບ່ອນເຮັດວຽກ (ມີໃບຢັ້ງຢືນຂອງວິສາຫະກິດ, ສໍາລັບວຽກກໍ່ສ້າງລາຍຍ່ອຍ, ຕ້ອງມີໃບຢັ້ງຢືນຂອງຄະນະກໍາມະການປະຊາຊົນຂັ້ນຕາແສງ).
ແຂວງ ບາເຣຍ - ວູງເຕົາ ຍັງອະນຸຍາດໃຫ້ປຸກສ້າງເຮືອນຢູ່ຂອງປະຊາຊົນ ທີ່ກຳລັງປຸກສ້າງຍັງບໍ່ທັນແລ້ວ ທີ່ມີຮົ້ົ້ວກັ້ນຢູ່ອ້ອມຮອບພື້ນທີ່ ໄດ້ສືບຕໍ່ຜັນຂະຫຍາຍ (ດ້ວຍຈໍານວນແຮງງານຕໍ່າກວ່າ 10 ຄົນ), ນໍາໃຊ້ແຮງງານພາຍໃນທ້ອງຖິ່ນ, ຄວບຄຸມການລະບາດຂອງພະຍາດຕາມຂໍ້ກຳນົດ...
ຄຳຮຸ່ງ
