| ຫວຽດນາມ ແລະ ເບລາຣູດ ປຶກສາຫາລືມາດຕະການເພີ່ມທະວີການຮ່ວມມືພັດທະນາການທ່ອງທ່ຽວ | |
| ຊຸກຍູ້ການຮ່ວມມືດ້ານການທ່ອງທ່ຽວ, ສ້າງເງື່ອນໄຂອຳນວຍຄວາມສະດວກດ້ານການຄ້າ ລະຫວ່າງຫວຽດນາມ ແລະ ຮົງກົງ |
ວັນທີ 28 ສິງຫາ, ຫໍພິພິທະພັນວິຈິດສິນຫວຽດນາມ ໄດ້ເປີດຕົວເຕັກໂນໂລຢີການທ່ອງທ່ຽວອອນໄລ 3D Tour, ໂດຍໄດ້ລວບລວມຢູ່ໃນເວັບໄຊ໌ vnfam.vn.
ໃນສະພາບການຜັນແປທີ່ສັບສົນຂອງການແຜ່ລະບາດຂອງພະຍາດໂຄວິດ -19, ຫໍພິພິທະພັນ ແລະ ສະຖານທີ່ຮ່ອງຮອຍຕ່າງໆ ຍັງຕ້ອງໄດ້ຢຸດຮັບແຂກຊົ່ວຄາວ. ສະນັ້ນ ເຕັກໂນໂລຢີ ໄດ້ເປັນຂົວຕໍ່ທີ່ມີປະສິດທິພາບທີ່ສຸດ ເພື່ອສະຖານທີ່ຮ່ອງຮອຍ ແລະ ຫໍພິພິທະພັນ ສາມາດເຂົ້າເຖິງມະຫາຊົນ.
 |
| ຫໍພິພທະພັນວິຈິດສິນຫວຽດນາມ ເປີດຕົວເຕັກໂນໂລຢີການທ່ອງທ່ຽວອອນໄລ໌ 3D. |
ດ້ວຍເນື້ອໃນເປັນພາສາຫວຽດນາມ ແລະ ພາສາອັງກິດ, ມະຫາຊົນຢູ່ທຸກແຫ່ງຫົນໃນໂລກ ສາມາດຄົ້ນຫາພື້ນທີ່ການວາງສະແດງຂອງຫໍພິພິທະພັນໄດ້ຢ່າງເສລີ, ຮັບຊົມຜົນງານສິລະປະ ແລະ ຮັບຟັງຄຳແນະນຳທົ່ວໄປກ່ຽວກັບຫົວຂໍ້ການວາງສະແດງຂອງຫໍພິພິທະພັນ. ວັດຖຸພັນ100 ອັນ ທີ່ໄດ້ນໍາສະເໜີຢູ່ໃນໂປແກລມ iMuseum VFA ໄດ້ເຊື່ອມຕໍ່ກັບການສະແດງອອນໄລ໌ 3D Tour, ໂດຍໄດ້ຕິດຮູບສັນຍາລັກທີ່ໂດດເດັ່ນ ເພື່ອເຮັດໃຫ້ຜູ້ເຂົ້າຊົມສາມາດຮັບຮູ້ໄດ້ງ່າຍ.
ການທ່ອງທ່ຽວທັດສະນະອອນໄລ໌ ແມ່ນບໍ່ໄດ້ເສຍຄ່າ. ນີ້ແມ່ນຄວາມພະຍາຍາມ ແລະ ໝາກຜົນຂອງວິວັດການຄົ້ນຄ້ວາ, ການພັດທະນາແນວຄວາມຄິດ ແລະ ຂະບວນການຈັດຕັ້ງປະຕິບັດຂອງພະນັກງານພິພິທະພັນ, ຮ່ວມກັບການຮ່ວມມື ແລະ ການຊ່ວຍເຫຼືອຂອງເພື່ອນຮ່ວມງານທັງພາຍໃນ ແລະ ຕ່າງປະເທດ, ດ້ວຍຄວາມປາຖະໜາທີ່ຢາກແຜ່ກະຈາຍ, ເຜີຍແຜ່ຄວາມຮັກຕໍ່ສິລະປະ ແລະ ມໍລະດົກ, ນໍາເອົາຫໍພິພິທະພັນວິຈິດສິນຫວຽດນາມ ເຂົ້າໃກ້ກັບມວນຊົນກວ່າອີກ.
ຄຳຮຸ່ງ
