| ຫວຽດນາມ ຮັບວັກຊິນກັນພະຍາດໂຄວິດ-19 ຈໍານວນ 1,5 ລ້ານໂດສ ຂອງຝະລັ່ງ ແລະອີຕາລີ | |
| ສື່ມວນຊົນອີຕາລີ ໄດ້ຕີລາຄາສູງຕໍ່ການນຳຊຸດໃໝ່ຂອງຫວຽດນາມ |
 |
| ປິ່ນປົວໃຫ້ຜູ້ຕິດເຊື້ອພະຍາດໂຄວິດ - 19 (ພາບ: TTXVN) |
ທີ່ການແລກປ່ຽນກັບ ທ່ານນາງເອກອັກຄະລັດຖະທູດຫວຽດນາມ ປະຈຳອີຕາລີ ຫງວຽນທິບິກເຮ້ວ, ທ່ານ Mario Balzanelli ໃຫ້ຮູ້ວ່າ ລະບົບ 118 ປາດຖະໜາຢາກລົງນາມບົດບັນທຶກຊ່ວຍຈຳກ່ຽວກັບການຮ່ວມມືດ້ານວິທະຍາສາດລະຫວ່າງ 2 ປະເທດໃນຂົງເຂດສາທາລະນະສຸກໂດຍໄວ. ຂົງເຂດຮ່ວມມືຈຸດສຸມແມ່ນແນໃສ່ການເບິ່ງແຍງດູແລສຸຂະພາບຮີບດ່ວນ, ບຳລຸງສ້າງ, ພັດທະນາບັນດາທັກສະ, ເຕັກນິກ, ກະກຽມການແນະນຳໃຫ້ບັນດາກໍລະນີຮີບດ່ວນກ່ຽວກັບໂລກລະບາດ…
ຕາມທ່ານນາງ ຫງວຽນທິບິກເຮ້ວ ແລ້ວ: ລັດຖະບານ ແລະ ປະຊາຊົນຫວຽດນາມ ໄດ້ ແລະ ພວມມານະພະຍາຍາມເພື່ອຮັກສາການຄວບຄຸມໂລກລະບາດບໍ່ປະໃຫ້ແຜ່ລະບາດອອກທົ່ວປະເທດ. ເຖິງວ່າ ແຫຼ່ງວັກຊິນ, ຢຸກຢາ, ພາຫະນະ, ວັດຖຸອຸປະກອນໃນການປິ່ນປົວຜູ້ຕິດເຊື້ອໂຄວິດ - 19 ຍັງຄົງຂາດເຂີນ. ສະນັ້ນ, ຫວຽດນາມ ຕ້ອງການຄວາມຊ່ວຍເຫຼືອ ແລະ ແບ່ງປັນບົດຮຽນໃນການຮັບມືກັບໂລກລະບາດຂອງເພື່ອນມິດສາກົນເວົ້າລວມ ແລະ ອີຕາລີ ເວົ້າສະເພາະ.
ຕາມແຜນການ, ໃນໄລຍະຈະມາເຖິງ, ຄະນະທ່ານໝໍ 118 ຂອງອີຕາລີ ຈະມານະຄອນ ໂຮ່ຈີມິນ ເພື່ອເຂົ້າຮ່ວມການໃຫ້ຄຳປຶກສາ, ໜູນຊ່ວຍ ແລະ ຖ່າຍຖອດຂັ້ນຕອນກວດວິໄຈຫາເຊື້ອ, ປິ່ນປົວ, ເບິ່ງແຍງດູແລກຜູ້ຕິດເຊື້ອພະຍາດໂຄວິດ-19.
ບຸນຄົງ
