ສະຫະພັນບັນດາສະມາຄົມມິດຕະພາບ

ຍີ່ປຸ່ນ ໜຸນຊ່ວຍ ວັກຊີນ COVID-19 ໃຫ້ແກ່ຫວຽດນາມ ເພີ່ມອີກ

15:18 | 15/09/2021

ຍສໝ - ວັນທີ 14 ກັນຍາ, ທ່ານລັດຖະມົນຕີການຕ່າງປະເທດ ຍີ່ປຸ່ນ Toshimitsu Motegi ປະກາດວ່າ ປະເທດນີ້ຈະໜຸນຊ່ວຍວັກຊີນປ້ອງກັນພະຍາດໂຄວິດ -19 ຂອງ AstraZeneca ທັງໝົດ 1,3 ລ້ານໂດຮ ໃຫ້ 4 ປະເທດ/ເຂດແຄ້ວນໃນອາຊີ, ລວມມີ ຫວຽດນາມ, ໄທ, ບຣູໄນ ແລະໄຕ້ຫວັນ (ຈີນ).

ວັກຊີນ Pfizer ທີ່ໄດ້ຮັບການຊ່ວຍເຫຼືອຈາກສະຫະລັດອາເມລິກາໄດ້ມາຮອດນະຄອນໂຮ່ຈີມິນແລ້ວ ວັກຊີນ Pfizer ທີ່ໄດ້ຮັບການຊ່ວຍເຫຼືອຈາກສະຫະລັດອາເມລິກາໄດ້ມາຮອດນະຄອນໂຮ່ຈີມິນແລ້ວ
ປະເທດຝຣັ່ງ ມອບວັກຊີນປ້ອງກັນໂຄວິດ -19 ຈຳນວນ 670.000 ໂດສ ໃຫ້ແກ່ຫວຽດນາມ ປະເທດຝຣັ່ງ ມອບວັກຊີນປ້ອງກັນໂຄວິດ -19 ຈຳນວນ 670.000 ໂດສ ໃຫ້ແກ່ຫວຽດນາມ
ພາບປະກອບ
ພາບປະກອບ

ກ່າວຄຳເຫັນທີ່ການປະຊຸມຂ່າວປະຈຳ ຢູ່ໂຕກຽວ, ທ່ານລັດຖະມົນຕີ Motegi ໃຫ້ຮູ້ວ່າ ບົນພື້ນຖານການສະເໜີຈາກບັນດາປະເທດ/ເຂດແຄ້ວນທີ່ກ່ຽວຂ້ອງ, ຍີ່ປຸ່ນຕັດສິນໃຈສະໜອງ ວັກຊີນ 500.000 ໂດສ ໃຫ້ແກ່ໄຕ້ຫວັນ (ຈີນ), 400.000 ໂດສ ໃຫ້ແກ່ຫວຽດນາມ, 300.000ໂດສ ໃຫ້ແກ່ໄທ ແລະ 100,000 ໂດສ ໃຫ້ແກ່ບຣູໄນ.

ຈໍານວນວັກຊີນເຫຼົ່ານີ້ຈະຖືກສົ່ງໃຫ້ບັນດາປະເທດ/ເຂດແຄ້ວນ ໄວເທົ່າທີ່ຈະໄວໄດ້. ມາຮອດປະຈຸບັນ, ຍີ່ປຸ່ນໄດ້ບໍລິຈາກວັກຊີນ AstraZeneca ທີ່ຜະລິດຢູ່ໃນປະເທດຍີ່ປຸ່ນໃຫ້ກັບບັນດາປະເທດ/ເຂດແຄ້ວນ ໃນອາຊີຕາເວັນອອກສ່ຽງໃຕ້, ອາຊີໃຕ້ ແລະບັນດາປະເທດໝູ່ເກາະປາຊີຟິກ ຫຼາຍກວ່າ 23 ລ້ານໂດສ.

ຍີ່ປຸ່ນຍັງໃຫ້ຄໍາໝັ້ນສັນຍາຈະໜຸນຊ່ວຍ 1 ຕື້ໂດລາສະຫະລັດ ແລະ ວັກຊີນ 30 ລ້ານໂດສ ພາຍໃນຂອບໂຄງການແບ່ງປັນວັກຊີນສາກົນ COVAX ທີ່ໄດ້ຕິດຕາມກວດກາໂດຍກຸ່ມພັນທະມິດ GAVI ແລະອົງການອະນາໄມໂລກ (WHO).

ໄຊພອນ

ເຫດການ