| ຈຸດພົ້ນເດັ່ນຂອງ Festival ຫວຽດນາມ ຄັ້ງທີ 2 ຢູ່ຝຣັ່ງ | |
| ອວຍພອນປີໃຫມ່ດ້ວຍພາສາຫວຽດນາມ, ປະທານາທິບໍດີຝຣັ່ງ Emmanuel Macron ເຮັດໃຫ້ເກີດຄວາມຊື່ນຊົມຍິນດີ ໃນສັງຄົມອິນເຕີແນດ |
ກ່ອນໜ້ານັ້ນ, ໃນອາທິດກາງເດືອນມິຖຸນາ, ທ່ານນາຍົກລັດຖະມົນຕີ ຟ້າມມີງຈິງ ໄດ້ມີການໂອ້ລົມທາງໂທລະສັບ ກັບທ່ານນາຍົກລັດຖະມົນຕີຝຣັ່ງ Jean Castex ແລະ ທັງສອງຝ່າຍໄດ້ເຫັນດີເປັນເອກພາບແລກປ່ຽນປະສົບການ ໃນການຕໍ່ສູ້ກັບການລະບາດຂອງພະຍາດ COVID-19 ແລະ ໜູນຊ່ວຍການສະໜອງ ວັກຊີນປ້ອງກັນຕ້ານພະຍາດ COVID-19.
ທ່ານນາຍົກລັດຖະມົນຕີຝຣັ່ງ Castex ຕີລາຄາສູງການພົວພັນຄູ່ຮ່ວມມືຍຸດທະສາດກັບຫວຽດນາມ, ໂດຍເນັ້ນໜັກວ່າ ຫວຽດນາມແມ່ນໜຶ່ງໃນບັນດາຄູ່ຮ່ວມມືແຖວໜ້າ ໃນນະໂຍບາຍຂອງປະເທດຝຣັ່ງ ທີ່ມຸ່ງໄປສູ່ພາກພື້ນ.
 |
| ທ່ານປະທານາທິບໍດີປະເທດຝຣັ່ງ Emmanuel Macron. |
ໃນສະພາບອັນອື່ນ, ໃນວັນທີ 23 ກໍລະກົດ 2021, ລັດຖະມົນຕີການຕ່າງປະເທດ ຫວຽດນາມ ບູຍແທັງເຊີນ ໄດ້ມີການສົນທະນາທາງໂທລະສັບ ກັບລັດຖະມົນຕີກະຊວງເອີຣົບ ແລະ ການຕ່າງປະເທດ ຝຣັ່ງ Jean Yves Le Drian. ທ່ານລັດຖະມົນຕີ Le Drian ໄດ້ຕີລາຄາສູງບັນດາຜົນງານຂອງຫວຽດນາມໃນຊຸມປີຜ່ານມາ, ທັງຮັບມືກັບໂລກລະບາດ COVID-19, ທັງພັດທະນາເສດຖະກິດ-ສັງຄົມ ແລະ ສະແດງຄວາມຂອບໃຈຫວຽດນາມ ທີ່ໄດ້ສ້າງເງື່ອນໄຂສະດວກໃຫ້ປະເທດຝຣັ່ງ ນຳເຂົ້າວັກຊີນເພື່ອສັກຢາກັນພະຍາດໃຫ້ປະຊາຄົມ ຊາວຝຣັ່ງ ທີ່ດຳລົງຊີວິດ ແລະ ເຮັດວຽກຢູ່ ຫວຽດນາມ.
ທ່ານລັດຖະມົນຕີ Le Drian ຢືນຢັນວ່າ ດ້ວຍບົດບາດຂອງຕົນ, ຝຣັ່ງຈະຊຸກຍູ້ການສະໜອງວັກຊີນໃຫ້ຫວຽດນາມ ໃນປະລິມານຫຼາຍທີ່ສຸດໂດຍໄວເທົ່າທີ່ຈະໄວໄດ້ ໂດຍຜ່ານກົນໄກ COVAX.
ຄຳຮຸ່ງ
