| ເຂດນິເວດວິທະຍາ 2 ແຫ່ງຂອງ ຫວຽດນາມ ໄດ້ຮັບການສະເໜີຢູ່ UNESCO | |
| ຊຸກຍູ້ການຮ່ວມມືດ້ານກະສິກຳສອງຝ່າຍ ລະຫວ່າງຫວຽດນາມ ແລະ ແບນຊິກ |
 |
| ຈີນຢືນຢັນຄືນການຖືການພົວພັນຮອບດ້ານກັບຫວຽດນາມເປັນສຳຄັນ. ພາບ: VOV |
ເມື່ອເຕື້ອງເຖິງໝາກຜົນການມາຢ້ຽມຢາມຫວຽດນາມ ຂອງທ່ານລັດຖະມົນຕີການຕ່າງປະເທດຈີນ ຫວາງອີ ໃນລະຫວ່າງ ວັນທີ 10-12 ກັນຍາ, ທ່ານໂຄສົກກະຊວງການຕ່າງປະເທດຈີນ ແຈ້ວຫຼີຈຽນ ຢັ້ງຢືນວ່າ: ຈີນ ຍາມໃດ ກໍ່ໃຫ້ບຸລິມະສິດແຖວໜ້າການພົວພັນຕ່າງປະເທດຖານບ້ານໃກ້ເຮືອນຄຽງລະຫວ່າງ ຈີນ-ຫວຽດນາມ, ພ້ອມແລ້ວຈະຮ່ວມມືພ້ອມກັບຫວຽດນາມ ຮັກສາທ່າພັດທະນາຢ່າງປອດໄສ, ມີສະຖຽນລະພາບ ແລະ ຮອບດ້ານຂອງການພົວພັນລະຫວ່າງ 2 ປະເທດ.
ຈີນ ພ້ອມແລ້ວທີ່ຈະພ້ອມກັບຫວຽດນາມ ຢຶດໝັ້ນຊຸກຍູ້ກອບການຮ່ວມມືພາກພື້ນ ຖືອາຊຽນ ເປັນໃຈກາງ, ຍູ້ໄວການຮ່ວມມືເຊື່ອມຕໍ່ລະຫວ່າງຂໍ້ລິເລີ່ມ “ໜຶ່ງແລວທາງ ແລະ ໜຶ່ງເສັ້ນທາງ” ກັບ “ສອງແລວ ໜຶ່ງເສັ້ນທາງ”, ໃຫ້ສັດຕະຍາບັນ “ສັນຍາຄູ່ຮ່ວມມືເສດຖະກິດຮອບດ້ານພາກພື້ນ” (RCEP) ໂດຍໄວ ແລະ ມີຜົນສັກສິດ, ຕັ້ງໜ້າຊຸກຍູ້ການປຶກສາຫາລືກ່ຽວກັບກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC), ພ້ອມກັບຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ.
ເມື່ອເຕື້ອງເຖິງການຢ້ຽມຢາມກໍາປູເຈຍຂອງທ່ານ ຫວາງອີ ແລ້ວ, ທ່ານ ແຈ້ວຫຼີຈຽນ ກ່າວວ່າ ໃນລະຫວ່າງການຢ້ຽມຢາມຄັ້ງນີ້, ທ່ານ ຫວາງອີ ໄດ້ຢືນຢັນວ່າຈີນ ແລະ ກໍາປູເຈຍເປັນ "ເພື່ອນມິດທີ່ດີທີ່ມີຄວາມໄວ້ເນື້ອເຊື່ອໃຈ ໃນລະດັບສູງ ແລະ ປະຊາຄົມຮ່ວມຊາຕະກໍາຢ່າງສະໜິດຕິດແໜ້ນ”. ປັກກິ່ງຫວັງວ່າໃນອາຍຸການທີ່ກໍາປູເຈຍເປັນປະທານໝູນວຽນ ASEAN ໃນປີ 2022, ຈີນ ແລະ ບັນດາປະເທດອາຊຽນຈະສາມາດປະຕິບັດສໍາເລັດການເຈລະຈາກ່ຽວກັບ COC.
ໂດຍໄດ້ຮູ້ວ່າ ຫວຽດນາມ ແລະ ກຳປູເຈຍ ເປັນສອງປະເທດທຳອິດຂອງການເດີນທາງໄປຢ້ຽມຢາມ 4 ປະເທດອາຊີ ຂອງທ່ານ ຫວາງອີ ໃນລະຫວ່າງວັນທີ 10-15 ກັນຍາ.
ໄຊພອນ
