ໃນຕອນເຊົ້າວັນທີ 5 ກັນຍາ, ທ່ານປະທານປະເທດ ຫງວຽນຊວນຟຸກ ໄດ້ລົງນາມໃນຂໍ້ຕົກລົງມອບຫຼຽນໄຊແຮງງານຊັ້ນສາມ ໃຫ້ທ່ານໝໍ ຈິງຮຶວເຍິນ ແລະ ອະດີດພະຍາບານ ເຈິ່ນຖິເຝຶ່ອງຮັ່ງ. ທ່ານໝໍ ຈິງຮຶວເຍິນ, ທ່ານໝໍ (ຊັ້ນ II), ອະດີດຫົວໜ້າສຸກສາລາຕາແສງ ເຟືອກໂລກ, ສູນການແພດເມືອງ ຍ່າແບ່, ພະແນກສາທາລະນະສຸກນະຄອນໂຮ່ຈີມິນ.
 |
| ມອບຫຼຽນໄຊແຮງງານ, ໃບຍ້ອງຍໍໃຫ້ແກ່ບຸກຄົນຢູ່ນະຄອນໂຮ່ຈີມິນ ທີ່ມິຜົນງານໃນການປ້ອງກັນ ແລະຄວບຄຸມການລະບາດຂອງພະຍາດ. ພາບ: TTXVN |
ທ່ານນາງ ເຈິ່ນຖິເຝຶ່ອງຮັ່ງ, ອະດີດພະຍາບານ (ຊັ້ນ IV), ພະແນກຟື້ນຟູສຸຂະພາບ, ໂຮງໝໍປະຊາຊົນ ຢາດິ້ງ. ທັງສອງທ່ານໄດ້ມີຜົນງານອັນດີເລີດໃນການປ້ອງກັນ ແລະ ຄວບຄຸມການລະບາດຂອງພະຍາດ COVID-19 ຢູ່ນະຄອນໂຮ່ຈີມິນ, ປະກອບສ່ວນເຂົ້າໃນພາລະກິດສ້າງສັງຄົມນິຍົມ ແລະ ປົກປັກຮັກສາປະເທດຊາດ.
ກ່ອນໜ້ານີ້, ວັນທີ 4 ກັນຍາ, ນາຍົກລັດຖະມົນຕີ ຟ້າມມິງຈິງ ໄດ້ເຊັນຂໍ້ຕົກລົງມອບໃບຍ້ອງຍໍໃຫ້ແກ່ບຸກຄົນ 18 ຄົນ ທີ່ມີຜົນງານ ແລະ ການປະກອບສ່ວນຫຼາຍຢ່າງ ໃນການປ້ອງກັນຕ້ານພະຍາດ COVID-19 ຢູ່ນະຄອນໂຮ່ຈີມິນ. ບັນດາຄົນເຫຼົ່ານີ້ແມ່ນປະຊາຊົນທຳມະດາ, ບຸກຄົນຜູ້ທີ່ໄດ້ເຂົ້າຮ່ວມໃນວຽກງານຂອງສະມາຄົມ ແລະ ຄະນະໃນທ້ອງຖິ່ນ, ເຄີຍເປັນພົນທະຫານປະຊາຊົນ, ເປັນຫົວໜ້າໜ່ວຍ, ແລະ ເປັນຮອງຫົວໜ້າໜ່ວຍຂອງຄຸ້ມບ້ານ ແລະ ຜູ້ຮ່ວມງານໃນທີມງານຄວາມເປັນລະບຽບຕົວເມືອງ .... ເຂົາເຈົ້າເຄີຍເຂົ້າຮ່ວມໃນວຽກງານປ້ອງກັນ ແລະ ຄວບຄຸມການລະບາດຂອງພະຍາດ, ຖືກຕິດເຊື້ອພະຍາດ COVID-19 ໃນໄລຍະປະຕິບັດໜ້າທີ່ ແລະ ເສຍຊີວິດຍ້ອນອາການແຊກຊ້ອນຮ້າຍແຮງ.
ຄຳຮຸ່ງ
