| ຝຸກວັກ ທົດລອງຮັບແຂກທ່ອງທ່ຽວສາກົນນັບແຕ່ເດືອນຕຸລາ 2021 | |
| ແນະນຳຕະຫຼາດ ບັກຮ່າ, ລາວກາຍ - ສະຖານທີ່ທ່ອງທ່ຽວທີ່ດູດດື່ມ |
ຕາມທ່ານ Jason Wong ແລ້ວ, ຝ່າຍຮົງກົງ ປາດຖະໜາຢາກຮ່ວມມືຢ່າງແໜ້ນແຟ້ນ ກັບສະຖານກົງສູນໃຫຍ່ຫວຽດນາມ ເພື່ອຜັນຂະຫຍາຍຮູບແບບ “ຟອງການທ່ອງທ່ຽວ”, ທົດລອງເປີດປະຕູຕ້ອນຮັບນັກທ່ອງທ່ຽວ. ທ່ານ Jason Wong ກ່າວວ່າ ເກາະຟຸກວັກ ເປັນສະຖານທີ່ໃນອຸດົມຄະຕິສຳລັບການເປີດທົດລອງ ຖ້າສອງຝ່າຍໄດ້ບັນລຸຂໍ້ຕົກລົງ ກ່ຽວກັບການຍົກເວັ້ນການຈຳກັດບໍລິເວນ ແລະ ບັນດາກົນໄກການຈັດຕັ້ງປະຕິບັດ.
 |
| ຊຸກຍູ້ການຮ່ວມມືດ້ານການທ່ອງທ່ຽວ, ສ້າງເງື່ອນໄຂອຳນວຍຄວາມສະດວກດ້ານການຄ້າ ລະຫວ່າງຫວຽດນາມ ແລະ ຮົງກົງ. |
ທ່ານກົງສຸນໃຫຍ່ ຟ້າມບີງດ່າມ ໄດ້ກ່າວວ່າ ໃນສະພາບການປັດຈຸບັນ, ການເປີດປະຕູປແມ່ນຂັ້ນຕອນໜຶ່ງທີ່ຈໍາເປັນຕ້ອງໄດ້ທົດລອງໃນຂອບຂະໜາດນ້ອຍ ກ່ອນທີ່ຈະສາມາດນໍາມາໃຊ້ຢ່າງກວ້າງຂວາງໄດ້. ສະຖານກົງສຸນໃຫຍ່ຫວຽດນາມ ຈະປະສານສົມທົບຢ່າງແໜ້ນແຟ້ນກັບ TIC ແລະ ບັນດາອົງການທີ່ກ່ຽວຂ້ອງຂອງຫວຽດນາມ ແລະ ຮົງກົງ ເພື່ອຊຸກຍູ້ ແລະ ຜັນຂະຫຍາຍເສັ້ນທາງການທ່ອງທ່ຽວທົດລອງທັນທີທີ່ເງື່ອນໄຂໃຫ້ອະນຸຍາດ.
ກ່ອນອື່ນໝົດ, ສະຖານກົງສຸນໃຫຍ່ຫວຽດນາມ ໄດ້ສະເໜີໃຫ້ TIC ປະສານງານ ໃນວຽກງານສື່ສານຢ່າງກວ້າງຂວາງກັບນັກທຸລະກິດ ແລະ ນັກລົງທຶນຮົງກົງ ກ່ຽວກັບຂັ້ນຕອນການຍື່ນຂໍວີຊາເຂົ້າເມືອງຫວຽດນາມ ແລະ ລວບລວມລາຍຊື່ໃຫ້ແກ່ ສະຖານກົງສຸນໃຫຍ່ຫວຽດນາມ ເພື່ອຊ່ວຍໃນການປະຕິບັດຂັ້ນຕອນທີ່ຈໍາເປັນ.
ທ່ານກົງສຸນໃຫຍ່ ຟ້າມບີງດ່າມ ຍັງສະເໜີໃຫ້ປະສານສົມທົບກັບ TIC ໃນການຈັດຕັ້ງການສໍາມະນາ ແລະ ເວທີປາໄສອອນໄລຈຳນວນໜຶ່ງ ລະຫວ່າງບັນດາອົງການຄຸ້ມຄອງ, ສະມາຄົມ ແລະ ວິສາຫະກິດການທ່ອງທ່ຽວຂອງສອງຝ່າຍ ເພື່ອແລກປ່ຽນຂໍ້ມູນຂ່າວສານ, ປຶກສາຫາລືມາດຕະການ ເພື່ອອໍານວຍຄວາມສະດວກ ແລະ ຊຸກຍູ້ການທ່ອງທ່ຽວໃນໄລຍະຫຼັງ COVID-19.
ຄຳຮຸ່ງ
