| ຂໍ້ລິເລີ່ມຂອງ ຫວຽດນາມ ກ່ຽວກັບຄວາມໝັ້ນຄົງທາງທະເລໄດ້ຮັບການຕີລາຄາສູງ | |
| ການພົບປະພົວພັນປະຊາຊົນ: ກຸນແຈໃຫ້ແກ່ການພັດທະນາການພົວພັນລະຫວ່າງ ຫວຽດນາມ - ໄທ |
 |
| ກອງປະຊຸມທາງໄກ (ພາບ: ສູນຂໍ້ມູນການທ່ອງທ່ຽວ) |
ຫວຽດນາມ ນັບມື້ນັບດຶງດູດແຂກທ່ອງທ່ຽວ ເບລາຣຸດ ດ້ວຍຫຼາຍຮູບແບບການທ່ອງທ່ຽວທີ່ເປັນຫຼາຍຮູບຫຼາຍແບບ, ໃນນັ້ນມີການທ່ອງທ່ຽວຜັກຜ່ອນບຳລຸງສຸຂະພາບທາງທະເລ, ການທ່ອງທ່ຽວ ວັດທະນະທຳ, ການທ່ອງທ່ຽວ ກ໋ອບ ແລະ ການທ່ອງທ່ຽວຊື້ເຄື່ອງຂອງ.
ເບລາຣຸດ ແມ່ນຈຸດນັບພົບ ທີ່ຊາວຫວຽດນາມຫຼາຍຄົນໄດ້ຄັດເລືອກ ບໍ່ພຽງແຕ່ດ້ວຍເປົ້າໝາຍທ່ອງທ່ຽວວັດທະນະນຳ, ປະຫວັດສາດເທົ່ານັ້ນ ຫາກຍັງຍ້ອນວ່າມີຊັບພະຍາກອນດ້ານການທ່ອງທ່ຽວຫຼາຍຢ່າງທີ່ດຶງດູດໃຈ ແລະ ພິເສດແມ່ນການເຊື່ອມຕໍ່ຂອງອະດີດນັກສຶກສາ ຫວຽດນາມ ປະຈຳ ເບລາຣຸດ.
ໃນຊຸມວັນມໍ່ໆມານີ້, ເງື່ອນໄຂໄປມາລະຫວ່າງສອງປະເທດ ນັບມື້ນັບມີຄວາມສະດວກ. ນັບແຕ່ເດືອນກໍລະກົດ ປີ 2015, ຫວຽດນາມໄດ້ນຳໃຊ້ການຍົກເວັ້ນວີຊາຝ່າຍດຽວໃຫ້ແກ່ແຂກທ່ອງທ່ຽວ ເບລາຣຸດ ໃນໄລຍະເວລາ 15 ວັນ ແລະ ສືບຕໍ່ຕໍ່ກຳນົດເວລາຮອດວັນທີ 31 ທັນວາ ປີ 2022. ຍ້ອນແນວນັ້ນ ຈຳນວນແຂກທ່ອງທ່ຽວເບລາຣຸດ ມາ ຫວຽດນາມ ໄດ້ເພີ່ມຂຶ້ນທຸກປີ. ປີ 2018, ແຂກທ່ອງທ່ຽວເບລາຣຸດ ມາຫວຽດນາມ ບັນລຸຕົວເລກ 10.500 ເທື່ອຄົນ. ປີ 2018, ຕົວເລກນີ້ບັນລຸໄດ້ 10.918 ເທື່ອຄົນ. ປີ 2019, ແຂກທ່ອງທ່ຽວ ເບລາຣຸດ ມາຍັງ ຫວຽດນາມ ແມ່ນ 12.665 ເທື່ອຄົນ, ເພີ່ມຂຶ້ນ 16% ເມື່ອທຽບໃສ່ກັບປີ 2018.
ທ່ານ ຮ່າວັນຊຽນ ຮອງຫົວໜ້າກົມໃຫຍ່ການທ່ອງທ່ຽວ ຫວຽດນາມ ເນັ້ນໜັ້ກວ່າ ຫວຽດນາມ ແລະ ເບລາຣຸດ ຍັງມີຄວາມສາມາດບົ່ມຊ້ອນຫຼາຍຢ່າງ, ມີກາລະໂອກາດໃນການຮ່ວມມືພັດທະນາການທ່ອງທ່ຽວ, ແຕ່ໝາກຜົນຂອງການຮ່ວມມືໃນໄລຍະຜ່ານມາຍັງບໍ່ທັນສົມກັບກຳລັງຄວາມສາມາດຂອງແຕ່ລະປະເທດ. ສອງຝ່າຍຄວນສືບຕໍ່ຊຸກຍູ້ການໂຄສະນາ, ແບ່ງບັນຂໍ້ມູນຂ່າວ, ແລກປ່ຽນຄະນະອົງການຄຸ້ມຄອງການທ່ອງທ່ຽວ, ຄະນະຜູ້ແທນວິສາຫະກິດ, ສື່ມວນຊົນ ເພື່ອເພີ່ມທະວີການຊອກຮູ້ກ່ຽວກັບການຕະຫຼາດ ແລະ ສ້າງເງື່ອນໄຂເຂົ້າຮ່ວມບັນດາຕະຫຼາດ, ເຫດການທ່ອງທ່ຽວສາກົນ ຂອງແຕ່ລະຝ່າຍພາຍຫຼັງໂລກລະບາດໂຄວິດ - 19.
ທີ່ກອງປະຊຸມ, ສອງຝ່າຍໄດ້ປຶກສາຫາລື ແລະ ເຫັນດີເປັນເອກະພາບຈະລົງນາມບົດບັດທຶກການຮ່ວມມືການທ່ອງທ່ຽວໃນໄລຍະຈະມາເຖິງ.
ບຸນຄົງ
