 |
| ພາບປະກອບ |
ພົນລະເມືອງ ຫວຽດນາມ 92 ຄົນ (ລວມມີ ຊາຍ 44ຄົນ ແລະ ຍິງ 48 ຄົນ ໃນນັ້ນມີແມ່ຍິງຖືພາ 20 ຄົນ) ໄດ້ມາຈາກໄຕ້ຫວັນເຂົ້າເມືອງ ຫວຽດນາມ ຜ່ານສະໜາມບິນເວິນໂດນ, ກ໋ວາງນິງ ໄດ້ປະຕິບັດການແຍກຕົວລວມສູນເພື່ອແນໃສ່ປ້ອງກັນ, ຕ້ານໂລກລະບາດໂຄວິດ - 19 ຢູ່ກອງພັນໃຫຍ່ 814 ໃນວັນທີ 29 ສິງຫາ.
ບັນດາພົນລະເມືອງທີ່ແຍກຕົວ ລ້ວນແຕ່ໄດ້ຮັບການກວດກາສຸຂະພາບ, ແຈ້ງການອາການສຸຂະພາບ ແລະ ສັບຊ້ອນບ່ອນກິນຢູ່ພັກເຊົາຢ່າງລະອຽດລະອໍ. ສູນຄວບຄຸມພະຍາດຕິດແປດ (CDC) ຂອງແຂວງ ໄດ້ເອົາຕົວຢ່າງກວດຫາເຊື້ອໂຄວິດ - 19 ຄັ້ງທີ 1 ສຳລັບພົນລະເມືອງໝົດທຸກຄົນ ພາຍຫຼັງເຂົ້າປະຕິບັດການແຍກຕົວໂດຍທັນທີ. ຕາມຜົນການວິໄຈຂອງ CDC ແຂວງ ປະກາດໃນວັນທີ 30 ສິງຫາ ແລ້ວ, ຕົວຢ່າງທີ່ເອົາຄັ້ງທີ 1 ຂອງ 92 ຄົນ ລ້ວນແຕ່ມີຜົນກວດເປັນລົບກັບເຊື້ອໄວຣັດ SARS-CoV-2.
ໃນໄລຍະປະຕິບັດການແຍກຕົວ, ບັນດາພົນລະເມືອງ ໄດ້ຕິດຕາມອາການສຸຂະພາບຢ່າງເປັນປະຈຳ, ວັດແທກອຸນຫະພູມ 2 ຄັ້ງ/ວັນ, ໄດ້ຮັບການເຜີຍແຜ່ ແລະ ຮຽກຮ້ອງການປະຕິບັດບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19 ຢ່າງເຂັ້ມງວດ.
ບຸນຄົງ
