 |
| ຊາວຫວຽດນາມ ອາໄສຢູ່ ສ.ເກົາຫຼີ ປຸກລະດົມໂຄງການມອບຄວາມຮັກແພງ (ພາບ: BTC) |
ໂດຍໄດ້ຮັບຮູ້ວ່າ ສະມາຄົມຊາວຫວຽດນາມ ອາໄສຢູ່ ສ.ເກົາຫຼີ ຈະສົມທົບກັບບັນດາອົງການຈັດຕັ້ງປະຊາຄົມຊາວຫວຽດນາມ ຄື: ສະມາຄົມແມ່ຍິງ, ສະມາຄົມນັກສຶກສາ, ສະມາຄົມການກຸສົນ, ບັນດາຮາກຖານ Bucheon, Uyjungbu, Daejon, Gwangju... ປະຕິບັດໂຄງການນີ້.
ຄະນະຈັດຕັ້ງເຊື່ອໝັ້ນວ່າ ດ້ວຍກຳລັງຂອງປະຊາຄົມ ແລະຄວາມເຫັນດີເຫັນພ້ອມ, ສາມັກຄີກັນຂອງບັນດາອົງການຊາວຫວຽດນາມ ອາໄສຢູ່ ສ.ເກົາຫຼີ, ໂຄງການຈະເສີມຂະຫຍາຍຈິດໃຈ “ຊ່ວຍເຫຼືອເຊິ່ງກັນແລະກັນ”, ຮ່ວມແຮງຮ່ວມໃຈສ້າງກອງທຶນເພື່ອມອບຂອງຂວັນແຫ່ງຄວາມຮັກແພງຫຼາຍພູດໄປຍັງພໍ່ແມ່ປະຊາຊົນ ແລະ ເພີ່ມກຳລັງແຮງໃຫ້ແກ່ບ້ານເກີດເມືອງນອນໃນການຕໍ່ສູ້ຕ້ານໂລກລະບາດໂຄວິດ - 19.
ເວລາເປີດຮັບການສະໜັບສະໜູນ ນັບແຕ່ວັນທີ 23 ສິງຫາ ເຖິງວັນທີ 12 ກັນຍາ 2021. ຜູ້ເຂົ້າຮ່ວມອາດຈະສະໜັບສະໜູນດ້ວຍເງິນສົດ ຫຼື ວັດຖຸ (ຜ້າອັດປາກດັງ, ຊຸດປ້ອງກັນຕ້ານເຊື້ອ, ຊຸດກວດກາຫາເຊື້ອ Covid-19).
ຈຳນວນເງິນໄດ້ຮັບການສະໜັບສະໜູນຈະໄດ້ນຳໃຊ້ເພື່ອຊື້ເຄື່ອງຂອງໜູນຊ່ວຍແນວໜ້າໃນການຕ້ານໂລກລະບາດໂຄວິດ - 19, ເຄື່ອງຂອງທີ່ຈຳເປັນ ໃຫ້ແກ່ພໍ່ແມ່ປະຊາຊົນຢູ່ເຂດຖືກຜົນກະທົບຢ່າງໜັກໜ່ວງຈາກໂລກລະບາດໂຄວິດ - 19.
ສະມາຄົມຊາວຫວຽດາມ ອາໄສຢູ່ ສ.ເກົາຫຼີ ຈະອັບເດດບັນດາຂໍ້ມູນ, ຮູບພາບກ່ຽວກັບວຽກງານບັນດາທ້ອງຖິ່ນ ດຳເນີນການມອບເຄື່ອງການກຸສົນນີ້ເຖິງໝົດທຸກຄົນໃນປະຊາຄົມ. ສະມາຄົມຫວັງວ່າ ໂຄງການຈະໄດ້ຮັບການແບ່ງປັນ, ແຜ່ຂະຫຍາຍ ແລະ ໄດ້ຮັບການສະໜັບສະໜູນຢ່າງຫຼວງຫຼາຍຈາກປະຊາຄົມ, ມຸ່ງໄປເຖິງບ້ານເກີດເມືອງນອນ.
ບຸນຄົງ
