 |
| ພາບປະກອບ: ກົມການບິນຫວຽດນາມ |
ວັນທີ 24 ສິງຫາ, ກົມການບິນ ຫວຽດນາມ ໃຫ້ຮູ້ວ່າ ຕາມແຜນການແລ້ວ, ວຽກງານຂົນສົ່ງການບິນເພື່ອພາປະຊາຊົນ, ພາຫະນະ, ອຸປະກອນຮັບໃຊ້ໃຫ້ແກ່ວຽກງານບໍລິຫານຂອງລັດຖະບານໃນວຽກງານປ້ອງກັນ, ຕ້ານໂລກລະບາດໂຄວິດ - 19 ຕ້ອງໄດ້ຮັບການປະຕິບັດໂດຍໄວ ແລະ ທັນການ, ຮັກສາລະບົບສະໜອງສິນຄ້າຢ່າງລຸລ່ວງ, ຕໍ່ເນື່ອງໃນໄລຍະເພີ່ມທະວີການແຍກຫ່າງໃນສັງຄົມ.
ພ້ອມທັງຕ້ອງຮັບປະກັນຄວາມໝັ້ນຄົງ, ຄວາມປອດໄພໃນການບິນ, ບັນດາຄຳຮຽກຮ້ອງໃນຂໍ້ກຳນົດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 ຜ່ານທາງການບິນ ແລະ ສົມທົບເປັນຈັງຫວະ ເພື່ອຈຳກັດຜົນກະທົບທາງລົບຕໍ່ການເຄື່ອນໄຫວສົ່ງອອກສິນຄ້າ ຢູ່ທ່າອາກາດສະຍານສາກົນ ເຕີນເຊີນເຍິດ.
ເນື້ອໃນຂອງແຜນການຂົນສົ່ງລວມມີການໂດຍສານຜູ້ໂດຍສານ ແລະ ສິນຄ້າ. ສຳລັບເປົ້າໝາຍທີ່ແມ່ນຜູ້ໂດຍສານ, ກົມການບິນ ຫວຽດນາມ ຮຽກຮ້ອງໃຫ້ແຂກທາງລັດຖະການຕ້ອງມີເອກະສານແຈ້ງການ, ໃບນຳສົ່ງໄປເຮັດວຽກງານຂອງບັນດາອົງການແຫ່ງລັດ.
ຜູ້ໂດຍສານທີ່ແມ່ນບັນດາກຳລັງສາທາລະນະສຸກ ເຂົ້າຮ່ວມການປ້ອງກັນ, ຕ້ານ ໂລກລະບາດໂຄວິດ - 19 (ພົນລະເຮືອນ ແລະ ເສນາຮັກ) ຕ້ອງມີເອກະສານຂອງ ກະຊວງສາທາລະນະສຸກ ຫຼືຶ ບັນດາພະແນກສາທາລະນະສຸກ.
ສຳລັບຜູ້ໂດຍສານທີ່ແມ່ນກຸ່ມພົນລະເມືອງທີ່ມີຫ້ອງການພວມເຮັດວຽກ ແລະ ຄອບຄົວດຳລົງຊີວິດຢູ່ບັນດາເຂດພາກໃຕ້ ຢາກກັບບ້ານ ຕ້ອງມີໃບສະເໜີຂອງທ້ອງຖິ່ນ (ມີແຜນການສົ່ງ/ຮັບ, ຮັບໄປປະຕິບັດການແຍກຕົວຢ່າງລະອຽດ) ແລະ ມີເອກະສານປະສານສົມທົບຕື່ມອີກ.
ບັນດາກໍລະນີທີ່ແມ່ນພົນລະເມືອງ ໂດຍບັນດາທ້ອງຖິ່ນທີ່ພວມປະຕິບັດການແຍກຫ່າງໃນສັງຄົມ ຕາມຄຳສັ່ງເລກທີ 16 ໄດ້ອະນຸຍາດໃຫ້ເດີນທາງໄປມາ ຕາມໂທລະເລກທາງການເລກທີ 1063/ CĐ-TTCP ລົງວັນທີ 31 ກໍລະກົດ 2021 ຂອງທ່ານນາຍົກລັດຖະມົນຕີ, ບັນດາກໍລະນີໄປຕໍ່ຖ້ຽວບິນໂດຍກົງ ແຕ່ຖ້ຽວບິນພາຍໃນປະເທດໄປຍັງຖ້ຽວບິນສາກົນ ຂອງບໍລິສັດການບິນ ຫວຽດນາມ.
ວິວັດການເຄື່ອນໄຫວຂົນສົ່ງຕ້ອງໄດ້ຮັບການປະຕິບັດຕາມແຜນການກ່ຽວກັບການເຄື່ອນໄຫວໂດຍສານຜູ້ໂດຍສານ, ສິນຄ້າ ດ້ວຍທາງການບິນໂດຍ ກະຊວງຄົມມະນາຄົມ ແລະ ຂົນສົ່ງປະກາດໃຊ້ຢູ່ຂໍ້ກຳນົດວ່າດ້ວຍການຂົນສົ່ງໃນສະພາບການປ້ອງກັນ, ຕ້ານໂລກລະບາດໂຄວິດ - 19.
ກົມການບິນ ຫວຽດນາມ ຈະສ້າງແຜນການພິຈາລະນະເອກະສານຜູ້ໂດຍສານ ແລະ ອອກໃບອະນຸຍາດໃຫ້ປະຕິບັດຜ່ານທາງອອນລາຍ ດ້ວຍພາກສ່ວນເຂົ້າຮ່ວມລວມມີ ການນຳກົມການບິນຫວຽດນາມ, ບັນດາບໍລິສັດການບິນ ຫວຽດນາມ, ບັນດາທ່າອາການສະຍານ ເພື່ອແນໃສ່ຮັບປະກັນການແກ້ໄຂການອອກອະນຸຍາດຖ້ຽວບິນໃນໄລຍະຕະຫຼອດ 7 ຊົ່ວໂມງຂອງທຸກວັນ.
ໃນວິວັດການຈັດຕັ້ງປະຕິບັດ, ກົມຮຽກຮ້ອງໃຫ້ບັນດາທ່າອາກາດສະຍານສົມທົບກັບສູນຄວບຄຸມໂລກລະບາດ (CDC) ບັນດາແຂວງ, ນະຄອນ ຈັດຕັ້ງການຕິດຕາມວຽກງານຂ້າເຊື້ອບັນດາພາຫະນະ, ອຸປະກອນຂອງບໍລິສັດການບິນ, ບັນດາໜ່ວຍງານໃນພາກພື້ນ ທ່າອາກາສະຍານ, ສະໜາມບິນ.
ບຸນຄົງ
