 |
| ພາບປະກອບ |
ກ່າວຄຳເຫັນທີ່ກອງປະຊຸມ, ທ່ານນາງຮອງລັດຖະມົນຕີກະຊວງແຮງງານ - ທະຫານເສຍອົງຄະ ແລະ ສັງຄົມ ຫງວຽນທິຮ່າ ໃຫ້ຮູ້ວ່າ: ດ້ວຍຄວາມມານະພະຍາຍາມຂອງທົ່ວລະບົບການເມືອງ, ພາຍຫຼັງການຜັນຂະຫຍາຍຍຸດທະສາດມາເປັນເວລາ 10 ປີ, ພວກເຮົາບັນລຸໄດ້ໝາກຜົນທີ່ເປັນໜ້າຊື່ນຊົມຫຼາຍຢ່າງ, ປະກອບສ່ວນເຂົ້າໃນການຮັດແຄບໄລຍະຫ່າງລະຫວ່າງຍິງຊາຍໃນບັນດາຂົງເຂດ, ປະກອບສ່ວນຢ່າງຕັ້ງໜ້າເຂົ້າໃນວິວັດການພັດທະນາເສດຖະກິດ ສັງຄົມຂອງປະເທດຊາດ.
ໝາກຜົນຂອງການເລືອກຕັ້ງສະມາຊິກສະພາແຫ່ງຊາດຊຸດທີ XV ສະແດງໃຫ້ເຫັນວ່າ ສະມາຊິກສະພາປະຊາຊົນທຸກຂັ້ນອາຍຸການ 2021 – 2026 ດ້ວຍອັດຕາ 30,26% ສະມາຊິກສະພາແຫ່ງຊາດເພດຍິງ ແລະ ເກືອບ 30% ສະມາຊິກເພດຍິງເຂົ້າຮ່ວມສະພາປະຊາຊົນທຸກຂັ້ນ ແມ່ນສິ່ງພິສູດຢ່າງຈະແຈ້ງໃຫ້ແກ່ບັນດາຄວາມມານະພະຍາຍາມໃນການປະຕິບັດຄວາມສະເໝີພາບລະຫວ່າງຍິງ - ຊາຍ ຢູ່ ຫວຽດນາມ. ບັນດາໝາກຜົນນີ້ຈະແມ່ນພື້ນຖານຢ່າງໝັ້ນແກ່ນເພື່ອໃຫ້ທຸກຂັ້ນ, ທຸກຂະແໜງການສືບຕໍ່ຮັກສາ ແລະ ເສີມຂະຫຍາຍໃນການປະຕິບັດບັນດາເປົ້າໝາຍແຫ່ງຊາດ ກ່ຽວກັບຄວາມສະເໝີພາບລະຫວ່າງ ຍິງ - ຊາຍ ໃນໄລຍະຈະມາເຖິງກວ່າອີກ.
ທ່ານນາງ Robyn Mudie ເອກອັກຄະລັດຖະທູດ ອົດສະຕາລີ ປະຈຳ ຫວຽດນາມ ໄດ້ສະແດງຄວາມຊົມເຊີຍ ຫວຽດນາມ ກ່ຽວກັບການປະກາດຍຸດທະສາດ 2021 -2030 ແລະ ເນັ້ນໜັ້ກວ່າ: ມີຄວາມເປັນກຽດຢ່າງຍິ່ງໃຫ້ແກ່ອົດສະຕາລີ ເມື່ອໄດ້ຮັບການເຊື້ອເຊີນຈາກກະຊວງແຮງງານ - ທະຫານເສຍອົງຄະ ແລະ ສັງຄົມ ເຂົ້າຮ່ວມໜູນຊ່ວຍສ້າງຍຸດທະສາດແຫ່ງຊາດ ກ່ຽວກັບຄວາມສະເໝີພາບລະຫວ່າງຍິງຊາຍໄລຍະ 2021 – 2030. ມີບັນດາກາລະໂອກາດ ແລະ ສິ່ງທ້າທາຍຕໍ່ຄວາມກ້າວໜ້າຂອງແມ່ຍິງ ແລະ ເດັກນ້ອຍຍິງ ໃນທົດສະວັດຈະມາເຖິງ.
ຄຳແນະນຳ ແລະ ບັນດາຂໍ້ສະເໜີແນະຂອງຍຸດທະສາດຈະສ້າງພື້ນຖານຢ່າງໝັ້ນແກ່ນເພື່ອແກ້ໄຂບັນດາບັນຫານີ້, ພ້ອມທັງຊຸກຍູ້ບົດບາດຂອງແມ່ຍິງໃນພື້ນຖານເສດຖະກິດ ແລະ ຕຳແໜ່ງການນຳ. ໂດຍແມ່ນຄູ່ຮ່ວມມືທີ່ຍາວນານ ກ່ຽວກັບຄວາມສະເໝີພາບລະຫວ່າງ ຍິງ - ຊາຍ ແລະ ມອບສິດເສດຖະກິດໃຫ້ແກ່ແມ່ຍິງ.
ທີ່ກອງປະຊຸມ, ການນຳຂອງກະຊວງແຮງງານ ທະຫານເສຍອົງຄະ ແລະ ສັງຄົມ ແລະ UN Women ໄດ້ຮຽກຮ້ອງບັນດາຄວາມມານະພະຍາຍາມລວມຫຼາຍກວ່າອີກຈາກຝ່າຍບັນດາກະຊວງ, ຂະແໜງການ ຂອງລັດຖະບານ, ບັນດາອົງການຈັດຕັ້ງສັງຄົມ, ພາກພື້ນເອກະຊົນ ແລະ ບັນດາອົງການຂອງ ສປຊ ໃນການຊຸກຍູ້ຄວາມສະເໝີພາບລະຫວ່າງ ຍິງ - ຊາຍ, ມຸ່ງໄປເຖິງການພັດທະນາແບບຍືນຍົງໃນທ້າຍປີ 2030, ບໍ່ປະໃຫ້ຜູ້ໃດຖືກຕົກຢູ່ທາງຫຼັງ.
ບຸນຄົງ
