| ແນະນຳຕະຫຼາດ ບັກຮ່າ, ລາວກາຍ - ສະຖານທີ່ທ່ອງທ່ຽວທີ່ດູດດື່ມ | |
| ຫວຽດນາມ ຊົມເຊີຍປະຊາຄົມສາກົນ ແບ່ງປັນວັກຊິນກັນພະຍາດໂຄວິດ - 19 |
 |
| ພາບປະກອບ |
ນະຄອນຝຸກວັກ (ແຂວງກຽນຢາງ) ຈະທົດລອງການຕ້ອນຮັບແຂກທ່ອງທ່ຽວສາກົນເຂົ້າເມືອງດ້ວຍທາງການບິນ, ຜ່ານບັນດາຖ້ຽວບິນ charter ຫຼື ຖ້ຽວບິນການຄ້າ.
ເລີ່ມແຕ່ເດືອນຕຸລາ 2021, ຂັ້ນຕອນການທົດລອງຈະດຳເນີນໃນໄລຍະເວລາ 6 ເດືອນ. ໄລຍະທີ 1 (3 ເດືອນ) ຈະທົດລອງຮັບ 2000 – 3000 ຄົນ/ເດືອນ, ຜ່ານບັນດາຖ້ຽວບິນ charter, ຜັນຂະຫຍາຍການຮັບໃຊ້ແຂກໃນຂອບຂະໜາດ, ສະຖານທີ່ທີ່ຈຳກັດ.
ໄລຍະທີ 2 (3 ເດືອນ) ຈະດຳເນີນຖ້າຫາກວ່າ ໄລຍະທີ 1 ຮັບປະກັນໄດ້ຕາມຄວາມຮຽກຮ້ອງ, ຈາກນັ້ນຈະເປີດກ້ວາງຂອບຂະໜາດການຮັບແຂກ ແຕ່ 5000 – 10.000ຄົນ/ເດືອນ, ອາດຈະຕ້ອນຮັບແຂກຜ່ານບັນດາຖ້ຽວບິນການຄ້າ ແລະ ເປີດກວ້າງຂອບຂະໜາດ, ສະຖານທີ່ຮັບໃຊ້ແຂກທ່ອງທ່ຽວສາກົນ. ຄາດວ່າໃນ 6 ເດືອນທີ່ທົດລອງ ຈະໄດ້ຕ້ອນຮັບແຂກທ່ອງທ່ຽວສາກົນປະມານ 25.000 – 40.000 ເທື່ອຄົນ ມາຍັງຝຸກວັກ.
ແຂກທ່ອງທ່ຽວສາກົນ ຢາກມາຝຸກວັກ ຕ້ອງມີໃບຢັ້ງຢືນການສັກວັກຊິນກັນໂຄວິດ - 19 ຄົບ 2 ເຂັມ ແລະ ໄດ້ຮັບການຮັບຮອງຈາກອົງການທີ່ມີສິດອຳນາດຫວຽດນາມ. ໄລຍະສັກວັກຊິນເຂັມທີ 2 ຢ່າງໜ້ອຍສຸດ 14 ວັນ ແລະ ບໍ່ເກີນ12ເດືອນນັບແຕ່ເວລາເຂົ້າເມືອງ. ແຂກທີ່ມີໃບຢັ້ງຢຶນໄດ້ຮັບການປິ່ນປົວຫາຍດີເປັນເປັນປົກກະຕິແລ້ວນັ້ນ, ໄລຍະອອກໂຮງໝໍບໍ່ເກີນເວລາ 12 ເດືອນ ກໍ່ໄດ້ຮັບອະນຸດຍາດໃຫ້ເຂົ້າເມືອງ.
ແຂກທ່ອງທ່ຽວໝົດທຸກຄົນກ່ອນທີ່ຈະເຂົ້າ ຫວຽດນາມ ຕ້ອງກວດວິໄຈຫາເຊື້ອ SARS – CoV -2 ດ້ວຍວິທີການ RT-PCR/RT-LAMP ໃນເວລາ 72 ຊົ່ວໂມງ ກ່ອນທີ່ຈະເຂົ້າເມືອງ ແລະ ອົງການທີ່ມີສິດອຳນາດຂອງປະເທດໄດ້ປະຕິບັດການອອກໃບຢັ້ງຢືນດ້ວຍພາສາອັງກິດ ແລະ ມີຜົນກວດເປັນລົບ.
ແຂກທ່ອງທ່ຽວຕ້ອງຈົດທະບຽນເຂົ້າຮ່ວມລາຍການທ່ອງທ່ຽວແບບຄົບວົງຈອນຂອງວິສາຫະກິດການທ່ອງທ່ຽວ. ເພື່ອຕ້ອນຮັບແຂກທ່ອງທ່ຽວສາກົນມາຍັງ ຝຸກວັກ, ກົມໃຫຍ່ການທ່ອງທ່ຽວໄດ້ສ້າງລະບົບ “ໃບຢັ້ງຢືນການສັກວັກຊິນກັນໂຄວິດ - 19”, ມາຮອດປັດຈຸບັນ ໄດ້ກຽມພ້ອມ ແລະ ຮັບປະກັນການເຄື່ອນໄຫວຢ່າງມີສະຖຽນລະພາບ ຕາມແຜນການນີ້.
ບັນດາອົງການທີ່ມີສິດອຳນາດຈະເລືອກເອົາບັນດາວິສາຫະກິດສະໜອງການບໍລິການເຂົ້າຮ່ວມການຕ້ອນຮັບແຂກທ່ອງທ່ຽວສາກົນ, ຕາມມາດຖານຮັບປະກັນຄວາມປອດໄພໃຫ້ແກ່ແຂກທ່ອງທ່ຽວ, ພະນັກງານຮັບໃຊ້ ແລະ ວຽກງານປ້ອງກັນ, ຕ້ານໂລກລະບາດໂຄວິດ - 19 ແມ່ນບຸລິມະສິດແຖວໜ້າ. ພະນັກງານ, ຜູ້ອອກແຮງງານໝົດທຸກຄົນທີ່ຈະສຳຜັດໂດຍກົງກັບແຂກທ່ອງທ່ຽວສາກົນ ແມ່ນຕ້ອງໄດ້ຮັບການສັກວັກຊິນກັນໂຄວິດ - 19 ແລ້ວ.
ສຳລັບສະຖານທີ່ພັກພາອາໄສ, ມາດຖານການເລືອກແມ່ນເອົາບັນດາໂຮງແຮມທີ່ໄດ້ຮັບການຢັ້ງຢຶນແຕ່ລະດັບ 3 – 5 ດາວ, ມີເຂດພັກພາອາໄສສະເພາະໃຫ້ແກ່ແຂກທ່ອງທ່ຽວສາກົນ ຮັບປະກັນການຕິດຕາມກວດກາທາງການແພດ, ບໍ່ກໍ່ຜົນສະທ້ອນເຖິງການເຄື່ອນໄຫວຂອງແຂກທ່ອງທ່ຽວຕ່າງໆ, ບໍ່ສຳຜັດກັບຊຸມຊົນ, ມີເຂດ/ຫ້ອງ ເອົາຕົວຢ່າງວິໄຈຫາເຊື້ອ SARS-CoV-2 ຢູ່ສະຖານທີ່ພັກພາອາໄສ ເພື່ອດຳເນີນການເອົາຕົວຢ່າງສຳລັບແຂກທ່ອງທ່ຽວສາກົນໝົດທຸກຄົນ.
ບຸນຄົງ
