| ສະເໜີໃຫ້ສະວິດສືບຕໍ່ໜູນຊ່ວຍ ຫວຽດນາມ ໃນການເຂົ້າເຖິງແຫຼ່ງສະໜອງວັກຊີນກັນພະຍາດ Covid-19, ຢາປິ່ນປົວ ແລະອຸປະກອນການແພດ | |
| ການສັກຢາປ້ອງກັນພະຍາດ COVID-19 ໃຫ້ສຳລັບຄົນຈີນ ຢູ່ແຂວງຮ່າຕິ້ງ ແລະ ກວາງບິ່ງ |
ໃນການພົບປະກັບລັດຖະມົນຕີກະຊວງສາທາລະນະສຸກ ຫງວຽນແທງລອງ ໃນຕອນບ່າຍຂອງວັນທີ 3 ສິງຫາ, ທ່ານ Kidong Park - ຫົວໜ້າຜູ້ຕາງໜ້າອົງການອະນາໄມໂລກ WHO ປະຈໍາຫວຽດນາມ ໄດ້ແບ່ງປັນກ່ຽວກັບການລະບາດຂອງ COVID - 19 ເນື່ອງຈາກຜົນກະທົບຂອງການກາຍເປັນສາຍພັນ Delta ໃນຫຼາຍປະເທດ, ລວມທັງປະເທດຫວຽດນາມ.
ຫົວໜ້າຜູ້ຕາງໜ້າອົງການອະນາໄມໂລກ WHO ປະຈຳຫວຽດນາມ ໄດ້ຕີລາຄາວ່າ ການລະບາດຮອບທີ 4 ແມ່ນມີຄວາມຫຍຸ້ງຍາກຫຼາຍ ດ້ວຍອັດຕາຄວາມໄວຂອງການຕິດເຊື້ອທີ່ແຮງຂອງໄວຣັດກາຍພັນສາຍພັນ Delta, ແຕ່ວ່າ ຫວຽດນາມ ໄດ້ “ໄປຖືກທິດ” ໃນການນຳໃຊ້ມາດຕະການປ້ອງກັນການລະບາດ.
 |
| ທ່ານຫົວໜ້າຄະນະຕາງຜູ້ໜ້າອົງການອະນາໄມໂລກ WHO ປະຈຳຫວຽດນາມ Kidong Park |
ທ່ານ Kidong Park ເຊື່ອໝັ້ນວ່າ ຫວຽດນາມຈະສາມາດໄດ້ເອົາຊະນະໂລກລະບາດ ດ້ວຍການມີສ່ວນຮ່ວມຂອງທັງລະບົບການເມືອງ ແລະ ປະຊາຊົນ. ອົງການ WHO ປະຈຳຫວຽດນາມ ພ້ອມແລ້ວທີ່ຈະຮ່ວມເດີນທາງກັບລັດຖະບານຫວຽດນາມ ແລະ ກະຊວງສາທາລະນະສຸກ ໃນການຕໍ່ສູ້ຕ້ານໂລກລະບາດນີ້.
ອົງການ WHO ຢູ່ຫວຽດນາມ ກຽມພ້ອມທີ່ຈະໜູນຊ່ວຍກະຊວງສາທາລະນະສຸກ ໃນການຍົກລະດັບການຝຶກອົບຮົມວິຊາສະເພາະໃຫ້ແກ່ພະນັກງານ ແລະ ບັນດາມາດຕະການປ້ອງກັນການຕິດເຊື້ອສຳລັບພະນັກງານການແພດ; ໜູນຊ່ວຍການຍົກສູງກຳລັງຄວາມສາມາດ, ການທົດລອງ, ການປະເມີນຜົນ ແລະ ການອອກໃບອະນຸຍາດ ສຳຫຼັບວັກຊີນທີ່ຜະລິດພາຍໃນປະເທດ ຜ່ານລະບົບ NRA (ລະບົບການຄຸ້ມຄອງແຫ່ງຊາດກ່ຽວກັບວັກຊີນ) ໃຫ້ຖືກຕ້ອງຕາມລະບຽບການ. ຫວຽດນາມແມ່ນໜຶ່ງໃນ 39 ປະເທດ ທີ່ໄດ້ຮັບການຢັ້ງຢືນຈາກ WHO ວ່າບັນລຸມາດຕະຖານນີ້. ອົງການ WHO ຈະແລກປ່ຽນ ແລະ ປຶກສາຫາລືຊຶ່ງກັນແລະກັນໂດຍໄວ ເພື່ອຈັດຕັ້ງຜັນຂະຫຍາຍບັນດາວຽກງານທີ່ກ່ຽວຂ້ອງ.
ຄຳຮຸ່ງ
